Page:Bali-lontar-gaguritan-parwwa-danta-350ppi.pdf/11

[᭑᭐ 10B]
᭑᭐
᭞ᬫᬭᬳᬶᬂᬧᬺᬢᬶᬗ᭄ᬓᬄᬢ᭄ᬯᬦ᭄᭟ᬫᬗ᭄ᬓᬦᬵᬳᬢᬸᬃᬳᬶᬭᬾᬓᬶ᭞ᬓᬯᬸᬲᬚᬭᬄᬭᬳᬤ᭄ᬬᬦ᭄᭞ᬓᬜ᭄ᬘᬶᬢ᭄ᬳᬸᬫᬸᬂᬲ᭄ᬯᬭᬦᬶᬗ᭄ᬯᭀᬂ᭞ᬫᬭᬶᬂᬚᬯᬶᬦᬶᬂᬧᬲᬾᬩᬦ᭄᭞ᬬᬢᬵᬭᬳᬤᬾᬦ᭄ᬭᬸᬲ᭄ᬢ
ᬫ᭄᭞ᬳᬮᭀᬦ᭄ᬤᬾᬦᬶᬭᬳᬸᬫᬸᬯᬸᬲ᭄᭞ᬫᬭᬶᬂᬲᬸᬢᬦᬾᬚᬶᬲᬾᬮᬵᬳᬦ᭄᭟ᬮᬄᬢᬵ ᬲᬶᬭᬵᬩᬦ᭄ᬤᬃᬳᬸᬲᬶᬦ᭄᭞ᬤᬾᬦ᭄ᬕᭂᬮᬶᬲᬶᬭᬵᬳᬶᬂᬚᬯ᭄ᬬ᭞ᬲᬂᬓᬶᬦᬾᬦ᭄ᬳᬸᬦᭂᬫ᭄ᬩᬄᬳᬮᭀᬦ᭄᭞ᬳᬫᬶᬢ᭄ᬦᬸᬮ᭄ᬬ
ᬲᬶᬭᬵᬮᬶᬗ᭄ᬕᬃ᭞ᬦᬸᬚᬸᬚᬯᬶᬦᬶᬂᬘ᭄ᬭᬗ᭄ᬘᬂ᭞ᬳᬸᬫᬸᬮᬶᬄᬳᬮᭀᬦ᭄ᬳᬫᬸᬯᬸᬲ᭄᭞ᬧᬭᬦ᭄ᬓᬭᬦᬾᬳᬸᬭᬳᬦ᭄᭟᭛ᬥᬂᬥᬂ᭛ᬓᬂᬢᬶᬦᬦ᭄ᬬᬵᬳᬭᬶᬲ᭄ᬤᬾᬦ᭄ᬬᬦᬳᬸᬭᬶᬦ᭄᭞ᬲᬶᬗ᭄ᬕᬶᬄᬭ
ᬤᬾᬦ᭄᭞ᬩᬕᬶᬡ᭄ᬥᬵᬳᬸᬲᬶᬦ᭄ᬱᬶᬭᬵ᭞ᬲᬢ᭄ᬭᬸᬳᬕᬸᬂᬧ᭄ᬭᬧ᭄ᬢᬵᬋᬓᬾ᭞ᬢᬸᬗ᭄ᬕᬮ᭄ᬫᬮᬾᬮᬵᬚᬸᬚᬸᬮᬸᬓ᭄᭞ᬩᭀᬤ᭄ᬭᬂᬓᬭᬳᬶᬓᬂᬗᬭᬶ᭞ᬓᬭᭀᬳᬦᬺᬩᬾᬧᬢ᭄ᬬ᭞ᬬᬦ᭄ᬯᬱ᭄ᬝ
[᭑᭑ 11A]
ᬦᬾ ᬳᬶᬓᬸ᭞ᬯᬗ᭄ᬕᬵᬯᬚᬵ ᬯᬗ᭄ᬕᬵᬯᭂᬲ᭄ᬬ᭞ᬰᬓ᭄ᬢᬶᬕᬕᬄ᭞ᬭᬚᬵᬪᭀᬫᬵᬕ᭄ᬦᬶᬢᬾᬓᬶ᭞ᬧᬃᬯ᭄ᬯᬵᬤᬦ᭄ᬢᬵ ᬦᬵᬕᬭᬦ᭄ᬬ᭟ᬭᬚᬵ ᬪᭀᬫᬵᬕ᭄ᬦᬶᬧᬦ᭄ᬲᬓᬢ᭄ᬭᬶ᭞ᬦᬺᬩᬾᬧᬢ᭄ᬬ᭞ᬬᬦ᭄ᬯ
ᬱ᭄ᬝᬦᬾᬳᬶᬓᬵ᭞ᬲ᭄ᬮᭀᬓᬵ ᬢᬓᬵᬧᬢᬶᬄᬋᬓᬾ᭞ᬯᬶᬭᬢ᭄ᬚᬬᬵᬧᬸᬦᬶᬓᬸ᭞ᬦᬸᬮ᭄ᬬᬲᬶᬭᬵᬳᬸᬫᬸᬗ᭄ᬕᬄᬳᬕ᭄ᬮᬶᬲ᭄᭞ᬳᬶᬂᬩᬜ᭄ᬘᬶᬗᬄᬳᬶᬓ᭞ᬢᬸᬫᬸᬢᬸᬭᬶᬂᬭᬤᬾᬦ᭄ᬭᬸᬲ᭄ᬢᬫ᭄᭞ᬲᬳᬲᭂᬫ᭄ᬩᬄᬲᬶ
ᬗ᭄ᬕᬶᬄᬢ᭄ᬯᬦ᭄ᬭᬤᬾᬦᬵᬫᬦ᭄ᬢ᭄ᬭᬶ᭞ᬲᬢ᭄ᬭᬸᬳᬕᬸᬂᬫᬗ᭄ᬓᬾ ᬧ᭄ᬭᬧ᭄ᬢᬵ᭟ᬪᭀᬫᬵ ᬕ᭄ᬦᬶᬧ᭄ᬭᬪᬸ᭞ᬦᬵᬕᬭᬦᬾᬂᬧᬃᬯ᭄ᬯᬵᬤᬦ᭄ᬢᬵ᭞ᬦᬺᬩᬾ ᬧᬢᬶᬄ᭞ᬢᬶᬢᬶᬕᬵᬋᬓᬾᬲᬗᬚᬶ