[᭓᭕ 35B]
᭓᭕
ᬦᬵᬕᬭᬳᬱ᭄ᬝᬶᬦᬵ᭞ᬲᬗᬤᬶᬭᬢᬫᬗ᭄ᬭᬭᬶᬲ᭄᭟ᬓᭀᬘᬧᬚᬦᬶᬲᬂᬓᬵᬃᬡ᭄ᬦ᭞ᬩᬯᬸᬓᬢᭀᬦ᭄ᬲᬗᬤᬶᬭᬣᬵᬭᬭᬶᬲ᭄᭞ᬗ᭄ᬮᬶᬲᬂᬫᬲᭂᬭᭀᬤ᭄ᬢᭂᬤᬸᬦ᭄᭞ᬫᬦᬶᬗ᭄ᬕᬮᬶᬦ᭄ᬲᬶᬗ᭄ᬳᬵᬰᬡᬵ᭞ᬫᬜ᭄ᬚᬕ᭄ᬚᬕᬶᬦ᭄ᬲᬗ᭄ᬳᬤᬶᬭᬣᬵᬩᬸᬭᬯᬸᬄ᭞ᬲᬂᬓᬃᬡ᭄ᬦ
ᬭᬭᬶᬲ᭄ᬫᬜᬸᬫ᭄ᬩᬄ᭞ᬩᬦᬾᬓᬧ᭄ᬬᬸᬢᬗᬦ᭄ᬳᬸᬭᬶᬧ᭄᭟ᬭᬭᬶᬲᬂᬧᬜ᭄ᬘᬧᬡ᭄ᬥᬯᬵ᭞ᬧᬕᬋᬤᬩ᭄ᬫᬓ᭄ᬚᬂᬫᬜᬸᬭᬓᬶᬦ᭄᭞ᬩᬳᬦ᭄ᬲᬂᬓᬃᬡ᭄ᬦᬦᬾᬢᬸᬳᬸᬦ᭄᭞ᬫᬜᬸᬫ᭄ᬩᬄᬚᬸᬭᬸᬧᭂᬜ᭄ᬘᬃ᭞ᬓᬳᬸᬘᬧᬂᬢ᭄ᬯᬭᬵᬤᬰᬰᬡᬦ᭄ᬭᬢᬸ᭞ᬓᬸᬤ᭄ᬬᬂᬲᬶᬧᬘᬂᬦ
ᬦᬤᬶᬗᬂ᭞ᬭᬶᬂᬲᬗᬃᬚ᭄ᬚᬸᬦᬵᬩᬲᬗ᭄ᬲᬶᬄ᭟ᬲᬂᬩᬶᬫᬵᬭᬭᬶᬲ᭄ᬫᬜᬫ᭄ᬧ᭄ᬭᬓ᭄᭞ᬳᬶᬄᬲᬂᬓᬃᬡ᭄ᬦᬵᬦᬦᬶᬗᬸᬤ᭄ᬥᬦᬾᬤᬶᬦᬶ᭞ᬧᭀᬗᬄᬢ᭄ᬯᬭᬓᬭ᭄ᬯᬦ᭄ᬳᬗ᭄ᬓᬸᬄ᭞ᬦ᭄ᬕᬓᬶᬦ᭄ᬲᬶᬗ᭄ᬳᬵᬰᬡᬵ᭞ᬦᬦᬶᬢᬦ᭄ᬤ᭄ᬭᬸᬄᬢ᭄ᬓᬾᬦᬶᬂᬳᬯᬓᬾᬤᬸᬲᬸᬦ᭄᭞ᬓᬯ᭄ᬬᬓ᭄ᬢᬶ
ᬜᬩᬸᬓᬳᬶᬩ᭞ᬧᬦ᭄ᬢᭂᬲ᭄ᬫᬓᬢᬶᬓᬶᬦ᭄ᬓᬳᬶ᭟ᬢᭀᬕᬸᬫᬶᬦᬾᬤᬶᬳᬯᬗ᭄ᬕᬵ᭞ᬓᬲ᭄ᬭᬳᬂᬦᬦᬶᬗᬶᬤᬕᬂᬚᬦᬶ᭞ᬲᬢ᭄ᬫᬓᬜᬦᬦᬶᬧᬲᬹᬓ᭞ᬩᬳᬂᬗᬫᬄᬳᭂᬫ᭄ᬧᭂᬳᬦ᭄᭞ᬓᬾᬢᭀᬳᬸᬧᬫᬶᬜᬦᬦᬶᬢᬸᬳᬸᬢ
[᭓᭖ 36A]
ᬦ᭄ᬤ᭄ᬭᬸᬄ᭞ᬢ᭄ᬯᬭᬩᬶᬱᬵᬦᬯᬂᬚ᭄ᬜ᭄ᬕᬄ᭞ᬢ᭄ᬯᬶᬦᬦᬶᬢ᭄ᬯᬄᬯ᭄ᬯᬂᬢᬦᬶ᭟ᬤᬤᬶᬓᭀᬩᬸᬓᬵᬯᬯᬶᬭᬂ᭞ᬲᬂᬓᭀᬭᬯᬲᬂᬤᬸᬃᬬ᭄ᬬᭀᬤᬦᬭᬭᬶᬲ᭄᭞ᬚ᭄ᬗᭂᬃᬢᬶᬗ᭄ᬓᬳᬾᬫᬲᬯᬸᬃ᭞ᬬᬾᬲᬂᬧᬜ᭄ᬘᬧᬡ᭄ᬥᬯ᭞ᬓᬾᬦ᭄ᬓᬾᬦ᭄ᬫᬸᬜᬶᬧᬗᬸᬧᬯᬤᬦᬾᬩ
ᬯᬸ᭞ᬲᬗ᭄ᬓᬃᬡ᭄ᬦᬵᬓᬳᬸᬘᬧᬂ᭞ᬢ᭄ᬯᬭᬤᬵᬰᬲᬦᬦ᭄ᬍᬯᬶᬄ᭟ᬩᬦᬾᬜᬸᬫ᭄ᬩᬄᬚᬸᬭᬸᬧᭂᬜ᭄ᬘᬃ᭞ᬓᬧᬶᬢᬦ᭄ᬤ᭄ᬭᬸᬄᬓᭀᬲᬂᬧᬡ᭄ᬥᬯᬲᬫᬶ᭞ᬳᬤᬓᭀᬧᬡ᭄ᬥᬶᬢᬤᬢᬸ᭞ᬫᬧᬭᬩ᭄ᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬫ᭄ᬯᬂᬪᬕᬯᬦ᭄ᬓᬺᬧᬵᬗᬸᬤᬵ
ᬲᬳᬶᬲᭂᬦ᭄ᬢᬸᬤ᭄᭞ᬲᬸᬫ᭄ᬩᬄᬳᬗ᭄ᬕᭀᬦ᭄ᬧᬢᬶᬃᬢ᭄ᬣᬬᬦ᭄᭞ᬳᬚᬓ᭄ᬫᬓ᭄ᬚᬂᬫᬜᬶᬯᬶ᭟ᬳᬸᬮᬶᬤᬶᬚᬵᬯ᭄ᬢᬸᬦᬶᬥ᭞ᬫᬓᬓᬮᬶᬄᬳ᭄ᬤᬵᬮᬫ᭄ᬧ᭄ᬬᬲ᭄ᬫᭂᬲ᭄ᬯᬂᬫᬸᬜᬶ᭞ᬯᬍᬤᬶᬦ᭄ᬳᬩᭂᬢᬾᬫᬮᬸ᭞ᬫᬭᬶᬘᬾᬤ᭄ᬥᬲᬂᬓᬵᬃᬡ᭄ᬦ᭞ᬳᬧᬦ᭄ᬮᬶᬬᬸᬳᬸ
ᬗ᭄ᬕ᭄ᬯᬦᬾᬍᬯᬶᬳᬶᬂᬯ᭄ᬢᬸ᭞ᬳᬤᬳᬸᬮᬶᬤᬶᬕᭀᬳᭀᬓ᭄᭞ᬳᬤᬤᬶᬓ᭄ᬮᬸᬧᬓᬦ᭄ᬢᬶᬳᬶᬂ᭟ᬤᬤᬶᬓᬗ᭄ᬕᭂᬓ᭄ᬱᬂᬧᬡ᭄ᬥᬯ᭞ᬓᬯᭀᬦᬾᬓᬂᬧᬢᬶᬃᬢ᭄ᬣᬬᬦᬾᬓᬮᬶᬄ᭞ᬩᬸᬓᬢ᭄ᬯᬭᬗ᭄ᬮᬄᬲᬳᬸᬃ᭞ᬤᬤᬶᬳ᭄ᬦᭂᬂᬘᬭᬶᬢ᭞ᬢᬦ᭄ᬓᭀ
Page:Bali-lontar-gaguritan-pandawa-rare-300ppi.pdf/36
Jump to navigation
Jump to search
This page has been proofread.
