[᭓᭖ 36B]
᭓᭖
ᬧ᭄ᬭᬗ᭞ᬳᬸᬮᬸᬜ᭄ᬚᬸᬕᬳᬦᬗ᭄ᬓᬶᬧᬶ᭟᭕᭟ᬰᬷᬖ᭄ᬭᬫᬗ᭄ᬲᭃᬓᬺᬱ᭄ᬡᬓᬵᬓᬃᬱᬡᬵᬮᬕ᭞ᬓᬶᬦ᭄ᬭᬸᬩᬸᬂᬤᬾᬲᬢ᭄ᬯᬲᬫᬶ᭞ᬧᬥᬬᬧ᭄ᬭᬓᭀᬱᬵ᭞ᬳᬦᬳᬸᬢ᭄ᬳᬦᬭᬧ᭄᭞ᬳᬦᬗᬚ᭄ᬬᬢᬗᬶᬗ᭄ᬓᬸᬢᬶ᭞ᬦᬫ᭄ᬩᬶᬮᬦᬺᬕᬲ᭄᭞ᬢᬦ᭄ᬓᬾᬯ᭄ᬭᬦ᭄ᬲᬶ
ᬭᬲᬂᬓᬵᬮᬶᬄ᭟᭖᭟ᬓ᭄ᬭᬹᬥᬓᬺᬱ᭄ᬡᬓᬓᬵᬃᬱᬡᬲᬶᬭᬵᬮᬕ᭞ᬢᬦ᭄ᬧᬲᬵᬭᬲᬶᬭᬓᬵᬮᬶᬄ᭞ᬓᬾ᭠ᬯᬮᬢᬗᬦ᭄ᬬ᭞ᬫᬓᬲᬜ᭄ᬚᬢᬦᬶᬭ᭞ᬲᬶᬂᬧᬶᬦᬮ᭄ᬯᬬᬵᬗ᭄ᬫᬲᬶᬦ᭄᭞ᬲᬓ᭄ᬯᬾᬳᬶᬂᬲᬢ᭄ᬯ᭞ᬫᬢᬶᬰᬾᬱᬦ᭄ᬬᬓᬯ᭄ᬭᬶᬦ᭄ᬯ᭄ᬭᬶᬦ᭄᭟
᭗᭟ᬬᬾᬓᬦ᭄ᬫᬗ᭄ᬲᭃᬄᬫᬺᬕᬢᬭᬸᬬᬰᬾᬂᬭᬡ᭞ᬫᬓ᭄ᬭᬓ᭄ᬲᬳᬵᬦᬸᬤᬶᬗᬶ᭞ᬢᬦ᭄ᬲᬄᬫᬯᬕᬤᬵ᭞ᬳᬸᬚᬭᬾᬕᬗ᭄ᬲᬸᬮᬲᬸᬕᬮ᭄᭞ᬳᬾᬄᬓᬶᬢᬫᬵᬦᬸᬱᬘ᭄ᬯᬶᬮ᭄᭞ᬧᬗ᭄ᬓᬄᬘᬸᬫᬗ᭄ᬓᬄᬢᬦᬸᬭᬸᬂᬓᬶᬢᬵᬗ᭄ᬫᬲᬶᬦ᭄᭟᭘᭟ᬲᬺ
ᬗᭂᬦ᭄ᬲᬂᬓᬺᬱ᭄ᬡᬫᬍᬲ᭄ᬫᭀᬚᬃᬓᬩᬵᬗᬦ᭄᭞ᬳᬾᬄᬩᬸᬲ᭄ᬬᬢ᭄ᬓᬓᬾᬳᬦᬶᬂᬮᬶᬂ᭞ᬬᬦ᭄ᬓᬶᬢᬧ᭄ᬭᬯᬷᬭ᭞ᬫᬮᬗᬦᬳᬓᬸᬳᬮᬫ᭄ᬧᬄ᭞ᬢᬸᬮᬸᬲᬦᬳᬶᬓᬦᬂᬧ᭄ᬭᬶᬄ᭞ᬗ᭄ᬳᬶᬂᬓᬬᬢ᭄ᬦᬵᬓ᭄ᬦᬓᬸᬗᬫᬸᬦ᭄ᬫᬢ᭄ᬬᬓᬶᬢᬾᬓᬶ᭟᭙᭟ᬥᬷᬭ
[᭓᭗ 37A]
ᬗᬤᭂᬕ᭄ᬫᬺᬕᬢᬭᬸᬫᬸᬢᭂᬃᬕᬤᬵ᭞ᬢᬦ᭄ᬕᬶᬕᬸᬦ᭄ᬤᬾᬦᬶᬭᬵᬗ᭄ᬕᬶᬢᬶᬓ᭄᭞ᬗ᭄ᬳᬶᬂᬦ᭄ᬤᬢᬦ᭄ᬚᬧᬫ᭄ᬬᬢ᭞ᬧ᭄ᬭᬵᬧ᭄ᬢᬲᬶᬭᬂᬓᬓᬵᬃᬱᬡ᭞ᬗ᭄ᬕᬸᬢᬸᬓ᭄ᬕᬤᬵᬦ᭄ᬬᬢᬶᬓᭂᬍᬦ᭄ᬢᬶ᭞ᬳᭀᬮᬶᬳᬶᬗᬲ᭄ᬢ᭞ᬰᬶᬭᬄᬦ᭄ᬬᬲᬂᬓᬺᬱ᭄ᬡᬵᬗ᭄ᬕᬶᬢᬶᬓ᭄᭟᭑᭐᭟ᬋᬫᭂᬓ᭄ᬲᬶᬭᬄᬦ᭄ᬬᬫ᭄ᬢᬸ
ᬯᬶᬚᬶᬦᬶᬂᬫᬢ᭞ᬳᬸᬢᭂᬓ᭄ᬲᬸᬫ᭄ᬭᬫ᭄ᬩᬄᬯᭀᬃᬕ᭄ᬢᬶᬄ᭞ᬫᬢᬶᬢᬦ᭄ᬧᬗᬧ᭞ᬫᬗ᭄ᬲᭃᬳᬶᬓᬂᬧᬓ᭄ᬱᬶᬭᭀ᭞ᬲᬳᬲᬦᬸᬘᬸᬓ᭄ᬳᬗ᭄ᬮᬦ᭄ᬢᬶᬕ᭄᭞ᬳᭀᬮᬶᬳᬶᬓᬂᬳ᭄ᬮᬃᬓᬯ᭄ᬦᬗᬦ᭄ᬲᬂᬦᬺᬧᬢᬶ᭟᭑᭑᭟ᬰ᭄ᬭᬹᬲᬶᬦᬫ᭄ᬩᭂᬃᬲᬂᬓᬵᬮᬶᬄᬯᬯᬾᬂᬳᬫ᭄ᬩᬭ᭞ᬲᬂ
ᬓᬺᬱ᭄ᬡᬧᬶᬦᬸᬦ᭄ᬢᬂ᭞ᬤᬾᬦᬶᬭᬂᬳᬸᬮᬸᬂᬭᬵᬢ᭄᭞ᬓᬓᬵᬃᬱᬡᬳᬶᬦᬸᬬᭂᬗᬦ᭄᭞ᬤᬾᬦᬶᬂᬧᬓ᭄ᬱᬶᬲᬗ᭄ᬖᬮᬗᬶᬢ᭄᭞ᬢᬦ᭄ᬲᬶᬤ᭄ᬟᬮᬭ᭞ᬤᬤᬶᬩ᭄ᬭᬢ᭄ᬳᬗ᭄ᬕᬵᬓᬵᬮᬶᬄ᭟᭑᭒᭟ᬓᬕ᭄ᬬᬢ᭄ᬯᬢᭂᬓ᭄ᬬᬥᬸᬲᬂᬯᬪ᭄ᬭᬹᬉᬤ᭄ᬟᬯ᭞ᬢᭀᬦ᭄ᬲᬶ᭠
ᬭᬲᬂᬦᬺᬧᬢᬶ᭞ᬓ᭄ᬦᬓᬶᬦ᭄ᬮᬬᭀᬓᭂᬦ᭄᭞ᬤᬾᬦᬶᬓᬂᬧᬓ᭄ᬱᬶᬕᭃᬂᬓᬭᭀ᭞ᬰᬶᬖ᭄ᬭᬫᬬᬢᬂᬲᬭᬾᬓᬶ᭞ᬉᬤ᭄ᬟᬯᬵᬗᬸᬘᬧ᭄᭞ᬳᬾᬄᬬ᭄ᬯᬵᬗ᭄ᬮᭂᬧᬲ᭄ᬰᬬᬓᬶ᭟᭑᭓᭟ᬧᬦ᭄ᬢᬸᬳᬦᬾᬓᬭᭀᬓᬭᬶᬕᭂᬕᭃᬦ᭄ᬬ᭞ᬫᬃᬫ᭄ᬫᬦ᭄ᬬᬲ
Page:Bali-lontar-gaguritan-pandawa-dasa-01-300ppi.pdf/37
Jump to navigation
Jump to search
This page has been proofread.
