[᭒᭘ 28B]
᭒᭘
ᬯᬦᬓᬶᬃᬣᬶ᭞ᬬᬾᬓᬸᬋᬕᭂᬧᭂᬦ᭄ᬭᬶᬂᬳᬢᬶ᭞ᬓ᭄ᬭᬫᬦᬶᬂᬲᬂᬤᬤᬶᬭᬢᬸ᭞ᬧᬢ᭄ᬕᭂᬲᬶᬓᬂᬕᬶᬭᬶᬩ᭄ᬭᬢ᭞ᬭᬢᬸᬢᬦ᭄ᬓᬲᭀᬭᬦ᭄ᬮᬶᬗ᭄ᬕᬶᬄ᭞ᬧᬤᬧ᭄ᬭᬪᬸ᭞ᬧᬢ᭄ᬕᭂᬲᬶᬓᬂᬯᬃᬱᬩ᭄ᬭᬢᬵ᭟᭙᭟ᬭᬢᬸᬥᬦᬧᬸᬡ᭄ᬬᬾᬂᬯᬤ᭄ᬯᬵ᭞ᬫ᭄ᬯᬂᬭᬶᬲᬂᬩ᭄ᬭᬳ᭄ᬫᬵ
ᬡᬋᬱᬶ᭞ᬬᬦ᭄ᬩ᭄ᬭᬢᬳ᭄ᬬᬗᬶᬦ᭄ᬤ᭄ᬭᬫᬗ᭄ᬕᭀ᭞ᬳᬫᬺᬢᬦᬶᬜ᭄ᬚᬕᬢ᭄ᬲᬫᬶ᭞ᬢᬦ᭄ᬯ᭄ᬦᬂᬪᬶᬦᬦᬶᬓᬵᬧ᭄ᬢᬶ᭞ᬭᬶᬂᬯᬤ᭄ᬯᬤᬭᬶᬤ᭄ᬭᬾᬂᬍᬫᬸᬄ᭞ᬧᬢ᭄ᬕᭂᬲᬶᬓᬂᬬᬫᬩ᭄ᬭᬢ᭞ᬫᬯᬲᭂᬧᬢ᭄ᬲᬶᬓᬸᬦ᭄ᬪᬹᬫᬶ᭞ᬓᬦ᭄ᬢᬶᬲᬵᬥᬸ᭞ᬫᬮᬸᬂᬫᬮᬶᬂ᭠
ᬧᬢ᭄ᬬᬦᬦ᭟᭑᭐᭟ᬧᬢ᭄ᬕᭂᬲᬶᬓᬂᬲᬵᬕᬭᬩ᭄ᬭᬢ᭞ᬯ᭄ᬭᬸᬳᬧᬲᬂᬲᬸᬭᬸᬤ᭄ᬓᬵᬧ᭄ᬢᬶ᭞ᬲᬸᬘᬶᬘᬫ᭄ᬧᬸᬃᬲᬫᬋᬓᭀ᭞ᬧᬢ᭄ᬕᭂᬲᬶᬂᬩ᭄ᬭᬢᬳ᭄ᬬᬗᬵᬕ᭄ᬦᬶ᭞ᬢᬦ᭄ᬓᬸᬗ᭄ᬓᬸᬮᬦ᭄ᬰᬢ᭄ᬭᬸᬲᬫᬶ᭞ᬤᬺᬓᬫᬓ᭄ᬧᬓ᭄ᬮ᭄ᬓᬲᬶᬂᬰᬢ᭄ᬭᬸ᭞ᬧᬢ᭄ᬕᭂᬲᬶᬓᬂᬲᬹᬃ
ᬬ᭄ᬬᬩ᭄ᬭᬢ᭞ᬲᬸᬓᬵᬜᬸᬦ᭄ᬤᬭᬶᬦ᭄ᬪᬹᬫᬶ᭞ᬢᬦ᭄ᬓᬳᬾᬢᬂ᭞ᬳᬮᬳᬬᬸᬓᬲᬸᬮᬸᬳᬦ᭄᭟᭑᭑᭟ᬧᬢ᭄ᬕᭂᬲᬶᬂᬩ᭄ᬭᬢᬳ᭄ᬬᬂᬧᬯᬦᬵ᭞ᬭᬢᬸᬯ᭄ᬭᬸᬄᬭᬶᬂᬦᬬᬲᬶᬮᬶᬩ᭄᭞ᬲ᭄ᬬᬧᬓ᭄ᬭᬶᬬᬳᬮᬓᬢᭀᬦ᭄᭞ᬬᬾᬓᬸᬕᭂᬕᭂ
[᭒᭙ 29A]
ᬦ᭄ᬢᬭᬶᬂᬳᬢᬶ᭞ᬰ᭄ᬭᬷᬰᬵᬮ᭄ᬯᬲᬸᬓᬵᬭᬸᬫᭂᬗ᭄ᬯᬶᬂ᭞ᬧᬯᬭᬄᬯᬭᬄᬲᬂᬫ᭄ᬧᬸ᭞ᬳᬢ᭄ᬬᬦ᭄ᬢᬕᬃᬚ᭄ᬚᬶᬢᬾᬂᬘᬶᬢ᭄ᬢ᭞ᬲᬳᬲ᭄ᬫᬶᬢᬳᬗᬜ᭄ᬚᬮᬶ᭞ᬤᬸᬄᬲᬂᬫ᭄ᬧᬸ᭞ᬫᬗ᭄ᬓᬾᬳᬸᬮᬸᬦ᭄ᬲᬫ᭄ᬯᬦᬵᬣ᭟᭑᭒᭟ᬲᬳᬦᬦᬾᬂᬦᬵᬣᬾᬂᬭᬶᬓ᭞ᬧᬥᬭᬸᬫᬱᬭᬶᬂᬳᬢᬶ᭞
ᬰ᭄ᬭᬶᬰᬮ᭄ᬯᬵᬰ᭄ᬭᬸᬮᬓᬸᬤᬹᬢ᭞ᬲᬶᬦᬸᬗᬦ᭄ᬯᬢᭂᬓ᭄ᬪᬹᬧᬢᬶ᭞ᬢᬦᬓᬤᬢ᭄ᬳᬸᬯᬸᬲ᭄ᬧ᭄ᬭᬵᬧ᭄ᬢᬶ᭞ᬤᬶᬦ᭄ᬬᬰ᭄ᬭᬶᬫᬕᬤᬵᬧ᭄ᬭᬪᬸ᭞ᬳᬯᬗ᭄ᬕᬘᬾᬤᬶᬓᬮᬶᬗ᭄ᬕ᭞ᬲᬶᬗ᭄ᬳᬵᬮᬉᬢ᭄ᬢᬭᬧᬢᬶ᭞ᬯᬢᭂᬓ᭄ᬓᬸᬭᬸ᭞ᬫ᭄ᬯᬂᬦᬵᬣᬲᬮᭀᬭᬶᬂᬕᬗ᭄ᬕᬵ᭟᭑᭓᭟ᬫ᭄ᬯᬂᬦᬵ
ᬣᬢᬗ᭄ᬕ᭄ᬯᬾᬗᬵᬲ᭄ᬢᬶᬦ᭞ᬫᬤ᭄ᬭᬧᬜ᭄ᬘᬮᬯᬸᬲ᭄ᬧ᭄ᬭᬵᬧ᭄ᬢᬶ᭞ᬤᬶᬦ᭄ᬬᬰ᭄ᬭᬷᬯᬶᬭᬵᬝᬋᬓᭀ᭞ᬳᬶᬦᬶᬭᬶᬗᬶᬂᬩᬮᬫᬦ᭄ᬢ᭄ᬭᬶ᭞ᬳᬓᬡ᭄ᬟᬓᬡ᭄ᬟᬦᬶᬂᬮᬶᬗ᭄ᬕᬶᬄ᭞ᬗᬪᬶᬯᬤᬭᬶᬂᬲᬂᬫ᭄ᬧᬸ᭞ᬲᬓ᭄ᬯᬾᬳᬶᬓᬂᬧᬭᬦᬵᬣ᭞ᬲᬫ᭄ᬬᬢᬸᬃᬤᬸᬮᬸᬭᬯᭀᬢ᭄ᬲᬭᬶ᭞ᬲᬚ᭄ᬜᬵ
ᬦᬸᬗ᭄ᬲᬸᬂ᭞ᬲᬂᬕᬸᬫᬦ᭄ᬢ᭄ᬬᬭᬶᬗᬵᬲ᭄ᬢᬶᬦ᭟᭑᭔᭟ᬫᬗ᭄ᬓᬲᬫ᭄ᬯᬢᬸᬃᬧ᭄ᬭᬦᬵᬣ᭞ᬲᬂᬋᬱᬶᬯᬯᬂᬦᬢᬸᬭᬶᬦ᭄᭞ᬳᬭᬄᬧ᭄ᬭᬪᬸᬚᬵᬢᬶᬫᬗ᭄ᬓᭀ᭞ᬲᬶᬗ᭄ᬕᬶᬄᬲᬵᬚ᭄ᬜᬫᬳᬵᬫᬸᬦᬶ᭞ᬬᬦ᭄ᬫᬗ᭄ᬓᭀᬫᬗ᭄ᬓᬾᬲᬸᬫ᭄ᬧᬳᬶ᭞ᬘᬶᬢ᭄ᬦᬦᬶᬂᬪᬓ᭄ᬢᬶᬳᬦᬸᬗ᭄ᬲᬸᬂ᭞ᬢᭂᬫ᭄ᬩᬾᬬ
Page:Bali-lontar-gaguritan-pandawa-dasa-01-300ppi.pdf/29
Jump to navigation
Jump to search
This page has been proofread.
