[᭒᭕ 25B]
᭒᭕
ᬭᬱᬭᬶᬂᬧᬗᬶᬧ᭄ᬬᬦ᭄᭞ᬇᬥᭂᬧᬶᬂᬯ᭄ᬯᬂ᭞ᬲᬫᬧᬥᬮ᭄ᬯᬾᬶᬸᬲ᭄ᬮᬂᬢᬦ᭄ᬢᬸᬦᬶᬦ᭄᭞ᬲ᭄ᬬᬧᬲᬸᬓᬵᬳᬯᬾᬄᬚᬶᬯᬵ᭟᭑᭘᭟ᬳᬦᬲᬳᬸᬃᬚᬵᬢᬶᬦᬶᬂᬲᬂᬳᬲᬶᬄ᭞ᬳᬲᬸᬂᬚᬶᬯᬵ᭞ᬲᬶᬭᬂᬦᬪᬶᬯᬭ᭞ᬲᬂᬮᬸᬗ᭄ᬳᬵᬦᬗᬸᬦ᭄ᬲᬫᬵᬥᬶᬦᬾ᭞ᬫ
ᬗ᭄ᬓᬶᬦ᭄ᬲᬶᬭᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬶᬭᬳᬸᬭᬶᬧᬦᬲᬫᬶ᭞ᬲᬸᬓᬩᬸᬤ᭄ᬟᬶᬲᬂᬫ᭄ᬬᬵᬃᬱ᭞ᬳᬃᬱᬲᬫᬶᬳᬦᬸ᭠ᬗ᭄ᬲᬸᬂ᭞ᬲᬂᬋᬱᬶᬯᬶᬥᬸᬭᬮᬫ᭄ᬧᬄ᭞ᬤᬤᬶᬓᬢᭀᬦ᭄᭞ᬰᬯᬦᬶᬗᬯᬦ᭄ᬢᬶᬦᬺᬧᬢᬶ᭞ᬲᬾᬭᬶᬂᬚᬮᬶᬗ᭄ᬰᬚᬮ᭄ᬯᬗ᭄ᬰᬵ᭟᭑᭙᭟
ᬬᬾᬓᬵᬦ᭄ᬮᬓᬸᬯᬶᬥᬸᬭᬵᬫᬺᬧᭂᬓᬶ᭞ᬭᬶᬂᬓᬾᬂᬰᬯ᭞ᬳᬲ᭄ᬫᬸᬓᬫᬦᬸᬲᬵᬦ᭄᭞ᬫᬾᬗᭂᬢ᭄ᬬᬬᬄᬲᬂᬳᭀᬦᭂᬗᬾ᭞ᬦᬵᬫᬾᬢ᭄ᬰᬯᬵᬯᬦ᭄ᬢᬶᬧ᭄ᬭᬪᬸ᭞ᬓᬶᬦᬸᬲᬵᬲᬃᬯ᭄ᬬᬦᬗᬶᬲ᭄᭞ᬋᬱᬶᬪᬱ᭄ᬫᬲᬶᬭᬵᬗᬸᬘᬧ᭄᭞ᬩᬧᬰᬯᬲ᭄ᬬᬧ᭠
ᬳᬶᬓᬸ᭞ᬯᬶᬥᬸᬭᬫᬵᬢᬸᬃᬲᭂᬫ᭄ᬩᬄ᭞ᬗ᭄ᬕᬶᬄᬧᬗᭂᬫ᭄ᬧ᭄ᬯᬦ᭄᭞ᬰᬯᬦᬶᬂᬯᬦ᭄ᬢᬶᬦᬺᬧᬢᬶ᭞ᬫᬵᬢ᭄ᬬᬢᬗ᭄ᬕ᭄ᬯᬦᬶᬂᬧᬢᬶᬓ᭄ᬩ᭄ᬭ᭟᭒᭐᭟ᬳᬚᬵᬲᬸᬗ᭄ᬲᬸᬢ᭄ᬓᬶᬢᬢᬦᬬᬫᬫᬶ᭞ᬫᬗ᭄ᬓᬾᬩᬧᬵ᭞ᬳᬲᬸᬂᬚᬶᬯᬦᬶᬭ᭞ᬫᬶᬯᬄᬰᬯᬦᬶᬂᬰᬢ᭄ᬭᬸᬦᬾ᭞
[᭒᭖ 26A]
ᬲᬫᬳᬶᬦᬸᬭᬶᬧᬦ᭄ᬲᬵᬫ᭄ᬧᬸᬦ᭄᭞ᬳᬯᬸᬗᬸᬲᬮᬾᬂᬢᬭᬾᬓᬶᬦ᭄᭞ᬫᬶᬯᬄᬚᬮᬶᬗ᭄ᬰᬵᬚᬮ᭄ᬯᬗ᭄ᬰᬵ᭞ᬲᬫᬶᬲᬶᬭᬵᬦ᭄ᬧᬥᬵᬮᬸᬗ᭄ᬕᬸᬄ᭞ᬓᬭᬶᬲᬶᬭᬵᬗ᭄ᬭᬱᬭᬱ᭞ᬤᬤᬶᬓᬢᭀᬦ᭄᭞ᬲᬶᬭᬂᬋᬱᬶᬪᬷᬱ᭄ᬫᬵᬧ᭄ᬭᬧ᭄ᬢᬶ᭞ᬲᬾᬭᬶᬂᬫᬳᬵᬃᬬ᭄ᬬᬯᬶ
ᬥᬸᬭ᭟᭒᭑᭟ᬥᬃᬫ᭄ᬫᬓᬾᬢᬸᬲᬶᬭᬲᬵᬫ᭄ᬧᬸᬦᬸᬭᬶᬧ᭄᭞ᬳᬫ᭄ᬓᬸᬮ᭄ᬧᬥ᭞ᬳᬢᬸᬃᬲᬳᬲᭂᬫ᭄ᬩᬄ᭞ᬤᬳᬢᬕᬶᬭᬂᬩᬸᬤ᭄ᬟᬶᬦᬾ᭞ᬤᬸᬄᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬧᬭᬦ᭄ᬢᬯᬸᬭᬦᬶᬓᬂᬲᬶᬄ᭞ᬓᬸᬦᭂᬂᬚᬮᬶᬗ᭄ᬰᬵᬚᬮ᭄ᬯᬗ᭄ᬰᬵ᭞ᬢᬳᬸᬭᬶᬂᬲᬸ
ᬓᬵᬲᬂᬫ᭄ᬧᬸ᭞ᬯᬯᬂᬲᬶᬭᬳᬢᬸᬃᬪᬓ᭄ᬢ᭄ᬬ᭞ᬅᬗᬵᬓ᭄ᬱᬫ᭞ᬓᬤᬳᬢᬦ᭄ᬲᬶᬄᬲᬶᬭᬾᬓᬶ᭞ᬳᬲᬸᬂᬚᬶᬯᬦᬶᬓᬂᬫᬹᬃᬓ᭄ᬓ᭟᭒᭒᭟ᬫᬗ᭄ᬓᬾᬳᬸᬮᬸᬦᬫ᭄ᬯᬶᬢᬶᬂᬲᬂᬋᬱᬶ᭞ᬢᭂᬫ᭄ᬯᬾᬂᬓᬓᬵ᭞ᬧ᭄ᬭᬬᬵᬢᭂᬳᬦ᭞ᬬᬦ᭄ᬢᬦ᭄ᬲᬾᬤᭂᬧ᭄ᬲᬧᬵᬓ᭄ᬱ
ᬦᬾ᭞ᬳᬸᬮᬸᬘ᭄ᬧᬵᬢ᭄ᬬᬦᬶᬓᬓᬾᬗ᭄ᬲᬸᬦ᭄᭞ᬲᬂᬋᬱᬶᬲᬶᬭᬵᬰ᭄ᬭᬸᬳᬗ᭄ᬮᬶᬂ᭞ᬳᬬ᭄ᬯᬫᬗ᭄ᬓᬢᬭᬓ᭄ᬭ᭄ᬬᬦ᭄᭞ᬩᬧᬧ᭄ᬭᬬᬓᬾᬃᬢ᭄ᬢᬶᬳᬬᬸ᭞ᬫᬳᬬ᭄ᬯᬓᭂᬦ᭄ᬲᬵᬦᬵᬕᬭ᭞ᬓᬢ᭄ᬓᬾᬂᬩᬮᬵ᭞ᬳᬸᬮᬸᬦ᭄ᬧ᭄ᬭᬬᬧᬲᬸᬫ᭄ᬧᬳᬶ᭞ᬫ᭄ᬯᬂᬲᬾᬓᬦᬶᬂ
Page:Bali-lontar-gaguritan-pandawa-dasa-01-300ppi.pdf/26
Jump to navigation
Jump to search
This page has been proofread.
