[᭑᭔ 14B]
᭑᭔
ᬮᬾᬦ᭄ᬲ᭄ᬬᬦ᭄ᬤᬦᬢᬸᬭᬗ᭄ᬕᬦᬾᬓᬸ᭞ᬲᬫᬶᬧᬥᬳᬪᬹᬱᬡ᭞ᬬᬳᬶᬗ᭄ᬫᬲᬦ᭄᭞ᬩᭂᬓ᭄ᬤᬾᬦᬶᬂᬲᬃᬯ᭄ᬯᬭᬢ᭄ᬦᬓᬸ᭞ᬮᬸᬫ᭄ᬭᬵᬧ᭄ᬭᬪᬵᬦ᭄ᬬᬳᬲᬶᬦᬂ᭞ᬓᬸᬫ᭄ᬮᬩ᭄ᬓᬶᬦ᭄ᬜᬭᬶᬭᬯᬶ᭟᭒᭔᭟ᬢᬦ᭄ᬓᬯᬃᬡ᭄ᬦᬳᬭᬶᬂᬳᬯᬦ᭄᭞ᬯᬢᭂᬓ᭄ᬭᬢᬸᬳᬸᬯᬸᬲ᭄ᬟᬢᭂᬂᬭᬶᬂᬧᬫᬶ᭠
ᬗ᭄ᬕᬶᬃ᭞ᬰ᭄ᬭᬷᬦᬵᬣᬰᬮ᭄ᬯᬵᬰ᭄ᬭᬸᬫᬸᬯᬸᬲ᭄᭞ᬲᬶᬗ᭄ᬕᬶᬄᬤᬾᬯᬧᬭᬦᬵᬣ᭞ᬦ᭄ᬤᬄᬭᬸᬗᬸᬦᭂᬦ᭄᭞ᬧᬲᬫᬥᬦᬦᬶᬭᬾᬗ᭄ᬲᬸᬦ᭄᭞ᬲ᭄ᬬᬧᬲᬶᬤ᭄ᬟᬵᬫᬮᬳᬦ᭞ᬬᬾᬓᬸᬬᭀᬕ᭄ᬬᬓᬂᬲᬶᬦᬶᬯᬶ᭟᭒᭕᭟ᬧᬥᬲᬸᬓᬳᬫ᭄ᬬᬃᬱᬵ᭞ᬓᬂᬧ᭄ᬭᬭᬢᬸᬯᬯᬂ
ᬢᬲᬶᬭᬮᬸᬫᬭᬶᬲ᭄᭞ᬲᬵᬫ᭄ᬧᬸᬦ᭄ᬳᬤᬸᬫ᭄ᬤᬸᬫᬦ᭄ᬮᬓᬸ᭞ᬗ᭄ᬘᬾᬓᬦᬧᬸᬦᬂᬓᬸᬤᬵ᭞ᬧᬥᬥᬷᬭ᭞ᬮᬫ᭄ᬧᬳᬶᬂᬩᬮᬓᬸᬫᬸᬘᬸᬧ᭄᭞ᬮᬸᬭᬸᬕᭂᬦ᭄ᬧᬸᬦᬂᬳᬲ᭄ᬢᬶᬦ᭞ᬰᬮ᭄ᬯᬵᬤᬹᬃᬫ᭄ᬫᬶᬢᬦᬶᬂᬲ᭄ᬗᬶᬢ᭄᭛᭜᭛ᬧᬸᬄᬤᬹᬃᬫ᭄ᬫ᭟᭑᭟ᬕᬾᬕᬾᬃᬲ
ᬯᭀᬂᬭᬶᬂᬢ᭄ᬧᬶᬦᬶᬓᬂᬳᬲ᭄ᬢᬶᬦ᭞ᬲᬵᬫ᭄ᬧᬸᬦ᭄ᬢᬢᬲᬦᬫᬗ᭄ᬓᬶᬦ᭄᭞ᬲᬂᬫᬓ᭄ᬭᬫᬤᬹᬱ᭄ᬝᬵ᭞ᬲᬶᬗ᭄ᬕᬶᬄᬲᬂᬰ᭄ᬭᬷᬰᬮ᭄ᬯᬵᬦᬵᬣ᭞ᬲᬶᬭᬯᬮᬶᬓᬦᬶᬂᬳᬚᬶ᭞ᬳᬗ᭄ᬭᬸᬦ᭄ᬤᬄᬚᬕᬢ᭄᭞ᬫᬧᬾᬓᬶᬤᬾᬭᬵᬗ᭄ᬭᬱᬦᬶᬦ᭄᭟᭒᭟ᬬᬦ᭄ᬧᬃᬰ᭄ᬯᬦ᭠
[᭑᭕ 15A]
ᬫᬗ᭄ᬓᬾᬢᬦ᭄ᬤᬶᬗᬦᬮᬕ᭞ᬳᬧᬦ᭄ᬓᬶᬜ᭄ᬘᬶᬢᬦᬶᬭᬾᬓᬶ᭞ᬧᬶᬭᬓᬪᬶᬫᬢᬦ᭄ᬢ᭞ᬤᬾᬦᬶᬂᬓᬓᬾᬳᬦᬶᬂᬮᬯᬦ᭄᭞ᬬᭀᬕ᭄ᬬᬯᬗᬸᬦᬓᬸᬝᬾᬓᬶ᭞ᬧᬗᬶᬦ᭄ᬤ᭄ᬭᬚᬮ᭞ᬫᬓᬧᬦᬓᬶᬢᬶᬂᬯᬾᬭᬶ᭟᭓᭟ᬰᬶᬖ᭄ᬭᬲᬯᭀᬯᬗᬸᬦᬦᬩ᭄ᬬᬸᬳᬵ
ᬤ᭄ᬪᬸᬢ᭞ᬳᬾᬓᬬᬵᬯᬓᬦᬾᬂᬫᬵᬃᬕ᭄ᬕᬶ᭞ᬫᬓᬭᬓᬂᬩ᭄ᬬᬸᬳ᭞ᬓᬸᬓᬸᬳᬦᬭᬶᬂᬲᬸᬧᬶᬢ᭄ᬦ᭄ᬬ᭞ᬦᬬᬦᬶᬂᬓᬤᬮ᭄ᬯᭂᬢ᭄ᬯᬾᬓᬶ᭞ᬧ᭄ᬭᬗᬾᬂᬫ᭄ᬭᬕ᭞ᬓᬧᬦᬂᬬᬵᬢᬦ᭄ᬫᬗ᭄ᬫᬲᬶᬦ᭄᭟᭕᭟ᬮᬾᬦ᭄ᬢᬾᬓᬂᬫᬸᬘᬧ᭄ᬬᭀᬕ᭄ᬬᬬᬦ᭄ᬓᭀᬦ᭄ᬓᭀ
ᬦᬦ᭞ᬫᬢᬸᬭᬾᬂᬚᭃᬰ᭄ᬭᬷᬪᬹᬧᬢᬶ᭞ᬚᬕ᭄ᬭᬢᬦ᭄ᬓᬫᭂᬕᬦ᭄᭞ᬲᬂᬓᬶᬦᭀᬦ᭄ᬲᬵᬫ᭄ᬧᬸᬦ᭄ᬮᬸᬫᬫ᭄ᬧᬄ᭞ᬚᬕ᭄ᬲᬸᬭᬓᬯᬦ᭄ᬢᬶᬯᬦ᭄ᬢᬶ᭞ᬧᬶᬗ᭄ᬕᬶᬭᬶᬂᬤᬾᬰ᭞ᬳᬳ᭄ᬬᬸᬭᬦ᭄ᬯᬗᬢᬗ᭄ᬓᬶᬲ᭄᭟᭕᭟ᬧᬥᬥᬷᬭᬳᬗ᭄ᬮᭂᬧᬲᬓᭂᬦ᭄ᬯᬭᬵᬲ᭄ᬢ᭄ᬭ᭞ᬘᬶᬂ
ᬘᬾᬂᬧ᭄ᬭᬗ᭄ᬓᬶᬢᬶᬂᬰᬬᬓᬶ᭞ᬮ᭄ᬯᬶᬃᬯᬃᬱᬬᬦ᭄ᬢᬶᬩᬵ᭞ᬕᭂᬓ᭄ᬕ᭄ᬭᬂᬧᬢᬗ᭄ᬓᬶᬲᬶᬂᬕᬤᬵ᭞ᬲ᭄ᬫᬸᬦ᭄ᬬᬧᬥᬓᬯᬦᬶᬦ᭄᭞ᬚᬬᬓᬬᬵ᭞ᬢᬗᬾᬄᬬᬳᬗ᭄ᬫᬲᬶᬦ᭄ᬧᬢᬶ᭟᭖᭟ᬮ᭄ᬯᬶᬃᬧ᭄ᬭᬂᬓᬤᬶᬢᬲᬶᬓ᭄ᬢᬫ᭄ᬧᬸᬄᬳᬮᬸᬦ᭄ᬧᬲᬂ᭞ᬳᬯᬄᬳᬢᬸᬫᬂ
Page:Bali-lontar-gaguritan-pandawa-dasa-01-300ppi.pdf/15
Jump to navigation
Jump to search
This page has been proofread.
