[ ᭒᭑ 21B]
᭒᭑᭞
ᬓᬾᬫᬳᬸᬢᬂᬢᬸᬬᬸᬄ᭞ᬫᬗᭂᬫ᭄ᬧᬸᬫᬶᬯᬄᬫᬕᬥᬂ᭞ᬧᬗᬦ᭄ᬓᬶᬦᬸᬫ᭄ᬳᬧᬂᬲᬳᬶ᭞ᬪᬾᬬᬦᬶᬧᬸᬦ᭄᭞ᬩᬦ᭄ᬢᭂᬦᬾᬳᬓᬸᬤᬂᬓᬸᬤᬂ᭟᭐᭟ᬓᬵᬮᬦᬶᬂᬳᬶᬤᬾᬯᬮᬸᬗ᭄ᬳ᭞ᬫᬦᬶᬗ᭄ᬕᬮᬶᬦ᭄ᬭᬵᬫᬩᬶᬩᬶ᭞ᬫ
ᬦᭂᬲᭂᬓ᭄ᬫᬢᬸᬃᬫᬜᭂᬫ᭄ᬩᬄ᭞ᬳᬶᬦᬦ᭄ᬚᬭᬶᬦᬾᬧᬢᬶᬢᬶᬲ᭄᭞ᬦᬭᬶᬂᬥᬥᬫᬓᬓᬮᬶᬄ᭞ᬢᬸᬚᬸᬳᬾᬫᬢᬶᬢᬶᬲ᭄ᬳᬶᬭᬸᬂ᭞ᬬᬤᬶᬦ᭄ᬓᬢᬶᬗ᭄ᬕᬮᬶᬦ᭄ᬧᭂᬚᬄ᭞ᬧᬢᭂᬄᬲᭀᬮᬳᬾᬗᬪᬓ᭄ᬢᬶ᭞ᬗᬲᭀᬃᬘᬸᬘᬸᬤ᭄᭞ᬲᬧᬗᬸ
ᬤᬸᬄᬫᬾᬫᬾᬩᬧ᭟᭐᭟ᬫᬜᭂᬫ᭄ᬩᬄᬭᬶᬂᬫᬳᬵᬭᬵᬚ᭞ᬦᬭᬶᬂᬳᬶᬭᬸᬂᬳᬶᬦᬦ᭄ᬚᬦᬶ᭞ᬳᬸᬮᬸᬦ᭄ᬳᬗᭂᬦ᭄ᬭᬶᬂᬲᬲᬫᬦ᭄᭞ᬧᬗᬾᬭᬦ᭄ᬭᬶᬂᬚᬕᬸᬢ᭄ᬧᬲ᭄ᬢᬶ᭞ᬬᬦ᭄ᬭᬶᬂᬧᬶᬢ᭄ᬭᬲ᭄ᬮᬦᬶᬂᬳᬮᬶᬲ᭄᭞ᬤᬾᬯᬢᬭᬶᬂ
ᬳᭂᬫ᭄ᬩᬸᬦ᭄ᬳᭂᬫ᭄ᬩᬸᬦ᭄᭞ᬕᬸᬭᬸᬰᬶᬯᬮᬦ᭄ᬪᬝᬵᬭ᭞ᬰᬶᬯᬤ᭄ᬯᬭᬓᬂᬧᬢᬶᬢᬶᬲ᭄᭞ᬭᬶᬂᬳ᭄ᬬᬂᬢᬸᬤᬸᬄ᭞ᬧᬢᭂᬫᬸᬦᬶᬂᬬᭀᬕᬫᬫᬸᬧᬸᬢ᭄᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬜᭀᬫᬦ᭄ᬳᬲᬸᬂᬜᭂᬫ᭄ᬩᬄᬫᬢᬸᬃ᭞
[ ᭒᭒ 22A]
ᬤᬸᬭᬸᬲᬂᬭᬢᬸᬫᬮᬶᬳᬶᬦ᭄᭞ᬦᬭᬶᬂᬢᬸᬢᬸᬃᬧᬦᬸᬫᬤ᭄ᬬᬦ᭄᭞ᬧᬸᬧᬸᬢᬂᬭᬢᬸᬩᬯᭀᬲᬶᬦ᭄᭞ᬫ᭄ᬧᬸᬥᬂᬳ᭄ᬬᬂᬫᬗᬦ᭄ᬤᬶᬓ᭞ᬲᬭᬶᬦ᭄ᬩᬸᬤ᭄ᬥᬢ᭄ᬯᬄᬦᭂᬕᭂᬲᬶᬦ᭄᭟᭐᭟ᬢᬸᬗ᭄ᬕᬮ᭄ᬚᬷᬯᬦᭂᬦᭂᬫ᭄ᬢᬸᬫ᭄ᬩᬸᬄ᭞ᬢᬭᬸᬩᬸᬓᬸ
ᬫᬶᬯᬄᬧᬓ᭄ᬱᬶ᭞ᬫᬶᬡᬲᬢᭀᬫᬶᬯᬄᬚᬦ᭄ᬫ᭞ᬓᬲᬗ᭄ᬕᬭᬶᬂᬚᬕᬢ᭄ᬤᬶᬦᬶ᭞ᬫᭂᬦᬾᬓ᭄ᬮᬲ᭄ᬢᬸᬯᬸᬦ᭄ᬓᭂᬮᬦ᭄᭞ᬲᬋᬂᬦᭂᬦᭂᬫ᭄ᬗᭂᬤᬸᬫ᭄ᬤᬶᬦᬶ᭟᭐᭟ᬧᬓᬃᬤᬶᬦᬾᬳᬮᬳᬬᬸ᭞ᬲᬤᬸᬓ᭄ᬫᬦᬸᬫᬤᬶᬫᬳᬶ᭞ᬧᬸ
ᬦᬶᬓᬤᬤᬶᬧᬳᭀᬮᬄ᭞ᬤᬤᬶᬩᭂᬓᭂᬮ᭄ᬢᬶᬓᬸᬮ᭄ᬤᬶᬦᬶ᭞ᬳᬸᬓᬸᬫᬵᬕᬫᬫᬦᭂᬕᭂᬲᬂ᭞ᬫᬵᬦᬸᬱᬓᬓᬵᬲᬶᬄᬯᬶᬥᬶ᭟᭐᭟ᬫᬵᬦᬸᬱᬦᬾᬲᬮᬄᬳᬸᬦ᭄ᬤᬸᬓ᭄᭞ᬤᬤᬶᬫᬶᬡᬲᬢᭀᬧᬓ᭄ᬱᬶ᭞ᬤᬥᬶᬢᬭᬸ
ᬳᭂᬩᬸᬦ᭄ᬧᬥᬂ᭞ᬯᬾᬦ᭄ᬢᭂᬦ᭄ᬢᭂᬢᭂᬧ᭄ᬤᬤᭀᬲ᭄ᬚᬦ᭄ᬫᬶ᭞ᬯᬾᬦ᭄ᬢᭂᬦ᭄ᬗᬸᬕᬸᬓᬧᬡ᭄ᬥᬶᬢᬦ᭄᭞ᬩᬸᬤᬮ᭄ᬦᬭᬶᬂᬲᬗ᭄ᬓᬦ᭄ᬦᬸᬗ᭄ᬕᬶᬮ᭄᭟᭐᭟ᬬᬤᬶᬦ᭄ᬲᬢᭀᬫᬶᬡᬫᬦᬸᬓ᭄᭞ᬳᭂᬩᬸᬦ᭄ᬧᬥᬂᬢᬭᬸᬫᬮᬶᬄ᭞ᬳᬸᬦᬶᬂᬫᬦᬸ
Page:Bali-lontar-gaguritan-pancayoga-01-300ppi.pdf/22
Jump to navigation
Jump to search
This page has been proofread.
