[᭗ 7B]
᭗
ᬦ᭄ᬫᬸᬕ᭄ᬮᬂ᭞ᬭᬱᬢᬦ᭄ᬓᭂᬦᬳᬶᬗᭂᬢᬶᬦ᭄᭞ᬦᬾᬫᬮᬸᬬᬫᬶᬭᬶᬩ᭄ᬩᭀᬗ᭄ᬓᭀᬮ᭄᭞ᬬᬾᬦ᭄ᬤᭂᬢᭀᬳᬗ᭄ᬕᭀᬦ᭄ᬦᬸᬗ᭄ᬕᬸᬮᬶᬦ᭄᭞ᬳᬶᬤᬲᬂᬫᬸᬢᭂᬃᬩᬵᬮᬶ᭞ᬓᬳᬶᬭᬶᬂᬩᬵᬦ᭄ᬫᬜ᭄ᬘᬳᬕᬸᬂ᭞ᬩᬥᬸᬗᬾᬤᬾᬭᬾᬂᬢ᭄ᬓ᭞᭠
ᬩᬸᬫᬭᬓᬯᬺᬢ᭄ᬢᬫᬗ᭄ᬓᬶᬦ᭄᭞ᬯᬳᬸᬭᬯᬸᬄ᭞ᬧᬗᬶᬭᬶᬗᬾᬫᬕ᭄ᬚᭂᬦᬦ᭄᭟ᬚᬗ᭄ᬕᭂᬮ᭄ᬓᬭᬶᬗᬯᬲ᭄ᬧᬤ᭞ᬩ᭄ᬤᬶᬮᬾᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬫᬓᬦ᭄ᬤᬫᬲᭀᬭᭀᬄᬲᭀᬭᭀᬄ᭞ᬳᬢᬧ᭄ᬲᬫᬶᬫᬵᬋᬧ᭄ᬓᬗᬶᬦ᭄᭞᭠
ᬯᬢᭂᬓ᭄ᬓᬯᬸᬳᬾᬲᬫᬶ᭞ᬩ᭄ᬤᬶᬮ᭄ᬓᬭᬗᬲᭂᬫ᭄ᬧᬢᬸᬄ᭞ᬦᬾᬓᬗᬶᬦ᭄ᬲᬶᬗ᭄ᬳᬭᬵᬃᬚ᭞ᬓᬤᬶᬢᬶᬫ᭄ᬩᬂᬳ᭠ᬢᭂᬧ᭄ᬲᬫᬶ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄᭞ᬓᬭᬶᬗᬦ᭄ᬢᭀᬲ᭄ᬤᬥᬯᬸᬳᬦ᭄᭟ᬤᬦᬾᬕᬸᬲ᭄ᬢᬶᬕ᭄ᬟᬾᬳᭀᬓ᭞ᬢ᭠
ᬦ᭄ᬲᬗᭂᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬦ᭄ᬫᬸᬮᬓᬳ᭄ᬬᬸᬦᬾᬚᭀᬮᭀᬢ᭄᭞ᬓᬢ᭄ᬗᬄᬫᬦ᭄ᬤᬸᬯᬓ᭄ᬩᭂᬤᬶᬮ᭄᭞᭠ᬢᬦ᭄ᬤᬸᬫᬤᬾᬫᬫᬸᬜᬶ᭞ᬳᬶᬢᬦ᭄ᬓᬾᬩᭂᬃᬲᬕᬾᬢ᭄ᬗᭂᬫ᭄ᬩᬸᬢ᭄᭞ᬦᬾᬩ᭄ᬢᬾᬦᬦ᭄ᬫᬦᬶᬫ᭄ᬩᬮ᭄᭞ᬫᬤᬾᬦ᭄ᬤᬸ᭠
[᭘ 8A]
ᬢ᭄ᬲᬮᬶᬂᬲᬯᬸᬭᬶᬦ᭄᭞ᬧᬥᬩᬸᬮᬸᬲ᭄᭞ᬫᬶᬭᬶᬩ᭄ᬤᬾᬰᬲᬵᬫ᭄ᬧᬸᬦ᭄ᬓᬮᬄ᭟ᬫᬸᬜᬶᬦ᭄ᬩᭂᬤᬶᬮᬾᬫᬦᬶᬫ᭄ᬩᬮ᭄᭞ᬫᬩ᭄ᬭᬶᬬᬸᬓ᭄ᬭᬫᬾᬫᬫᬸᬜᬶ᭞ᬓᬤᬶᬕ᭄ᬮᬕᬄᬓᬢᬸᬦ᭄ᬯᬦ᭄᭞ᬮᬾᬦ᭄ᬫᬸᬜᬶᬦ᭄ᬮᬾᬮᬦᬾᬢᬭᬶᬓ᭄᭞
ᬮᬶᬯᬢ᭄ᬗᭂᬲ᭄ᬬᬩᬗ᭄ᬦᬢᬶ᭞ᬫ᭄ᬭᬶᬬᭂᬫᬾᬘ᭄ᬧᬕ᭄ᬘ᭄ᬧᬸᬕ᭄᭞ᬫᬶᬭᬶᬩ᭄ᬓᬶᬮᬧ᭄ᬫᬘᬦ᭄ᬤ᭞ᬫᬕᬸᬍᬫ᭄ᬩᬵᬦ᭄ᬳᬦ᭄ᬤᬸᬲ᭄ᬩᭂᬤᬶᬮ᭄᭞ᬓᬤᬶᬉᬯᬸᬕ᭄ᬓ᭄ᬮᬸᬂᬓᬸᬗᬾᬳᬲᬓ᭄ᬱᬡ᭟ᬫᬗ᭄ᬓᬶᬦ᭄ᬕᬸᬲ᭄ᬢᬶᬕ᭄ᬟᬾᬳᭀᬓ᭞ᬓᬮᬶᬧᬸᬢ᭄ᬩᬵᬦ᭄ᬳᬦ᭄ᬤᬸ
ᬲ᭄ᬩᭂᬤᬶᬮ᭄᭞ᬓᬶᬧᬓᬶᬧᭂᬓ᭄ᬓᬤᬶᬩᬭᭀᬂ᭞ᬳᬧᬦ᭄ᬢ᭄ᬯᬄᬫᬸᬮᬧᬺᬚᬸᬭᬶᬢ᭄᭞ᬤᬾᬭᬾᬂᬳᭂᬦ᭄ᬤᬾᬦ᭄ᬢᬳᬾᬦ᭄ᬧᬶᬬᬶᬤ᭄᭞ᬫᬸᬮᬲ᭄ᬦᭂᬂᬮᬶᬧᬸᬢ᭄ᬳᬦ᭄ᬤᬸᬲ᭄᭞ᬢᭀᬮᬶᬄᬧᬜ᭄ᬚᬓᬾᬳᬶᬮᬂ᭞ᬧᬚᭂᬗᬾᬓᬸᬘᬸᬧ᭄ᬤᬶᬉᬭᬶ᭞ᬢ᭄ᬯᬄ
ᬮᬸᬳᬸᬂ᭞ᬓᬤᬤᬾᬦ᭄ᬳᬦᬓ᭄ᬉᬢ᭄ᬢᬫ᭟ᬧᬗᬶᬭᬶᬗᬾᬲᬫᬶᬗᬭᬤ᭄᭞ᬜ᭄ᬚᬗ᭄ᬓᬺᬂᬕᬭᬵᬃᬬ᭄ᬬᬦ᭄ᬤᬶ᭠ᬉᬭᬶ᭞ᬢᬓᬸᬢ᭄ᬩᬵᬦ᭄ᬳᬦ᭄ᬤᬸᬲᬾᬮᬶᬫ᭄ᬩᬓ᭄᭞ᬢ᭄ᬯᬭᬳᬤᬓᬢᭀᬦ᭄ᬫᬃᬕ᭄ᬕᬶ᭞ᬢ᭄ᬯᬭᬓᬢᭀᬦ᭄ᬜᬂᬳ᭄ᬲᬶᬂ᭞ᬓᬧᬶᬂ᭠
Page:Bali-lontar-gaguritan-padem-warak-350ppi.pdf/8
Jump to navigation
Jump to search
This page has been proofread.
