[᭒᭙ 29B]
᭒᭙᭟
ᬢ᭄ᬢᬫ᭞ᬪᬸᬓ᭄ᬢ᭄ᬬᬂᬧᬸᬧᭀᬦᬶᬦ᭄ᬮᬯᬸᬢ᭄᭟᭐᭟ᬧᬸᬧᬸᬫᬕᬢ᭄ᬭᬸᬄ᭟᭐᭟ᬲᬲᬫᬾᬦ᭄ᬜᬧ᭄ᬬᬦᬓᬾᬘᭀᬭᬄᬍᬢᬸᬄ᭞ᬲᬓᬵᬤᬶᬳᬶᬢᬭᬸᬳᬓᬶᬂ᭞ᬭᬶᬂᬢᭂᬗᬄᬳᬮᬲᬾᬢᬸᬫ᭄ᬩᬸᬄ᭞ᬫᬓᭀᬲᭀᬤ᭄ᬓᬢᭂᬫ᭄ᬧᬸᬄᬳᬗᬶᬦ᭄
᭞ᬯᭂᬢᬸᬕ᭄ᬦᬶ᭞ᬫᬸᬯᬸᬦᬂᬳᬮᬲ᭄᭟᭐᭟ᬲᬶᬦᬄᬲᬵᬫ᭄ᬧᬸᬦ᭄ᬲᬓᬜ᭄ᬘᬦᬮᬲᬾᬧᬸᬯᬸᬦ᭄᭞ᬧ᭄ᬬᬦᬓᬾᬦᬾᬘᭀᬭᬄᬍᬗᬶᬢ᭄᭞ᬳᬲᬶᬂᬫᬶᬢᬸᬭᬸᬢᬶᬦᬶᬧᬸᬦ᭄᭞ᬲᬶᬦᬄᬓᬲᬗ᭄ᬓᬮᬦ᭄ᬲᬫᬶ᭞ᬫᬢᭂᬫᬳᬦ᭄ᬓᬲᬗ᭄ᬲᬭᬦ᭄᭟᭐
᭟ᬲᬲᬫᬾᬦ᭄ᬜᬧ᭄ᬬᬦᬓᬾᬲᬸᬰᬷᬮᬲᬥᬸ᭞ᬲᬢ᭄ᬢᬭᬸᬘᬦ᭄ᬤᬦᬫᭂᬦ᭄ᬢᬶᬓ᭄᭞ᬭᬶᬂᬢᭂᬩᬳᬶᬂᬳᬮᬲᬕᬸᬂ᭞ᬩᭀᬚᭀᬕ᭄ᬩᬸᬭᭀᬦ᭄ᬮᬦ᭄ᬮᬮᬶᬧᬶ᭞ᬧᬓ᭄ᬱᬶᬮᬦ᭄ᬢᬫ᭄ᬩᬸᬮᬶᬮᬶᬗᬦ᭄᭟᭐᭟ᬲᬫ᭄ᬬᬦ᭄ᬭᬯᬸᬄᬜᬯᬶᬢᬳᬶᬧᬸᬦ᭄ᬫᬲᬬᬸᬩ᭄᭞
ᬧ᭄ᬬᬦᬓᬾᬦᬾᬲᬥᬸᬩᬸᬤ᭄ᬟᬶ᭞ᬓᬸᬮᬯᬃᬕ᭄ᬕᬧᬥᬭᬯᬸᬄ᭞ᬲᬫ᭄ᬬᬦ᭄ᬧᬥᬭᬯᬸᬄ᭞ᬲᬫ᭄ᬬᬦ᭄ᬧᬥᬫᬗᬦ᭄ᬢᬶᬦᬶᬦ᭄᭞ᬧᬥᬗᬍᬫ᭄ᬫᬜᬬᬗᬂ᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬚᬦ᭄ᬫᬲᬦᬾᬢᬦᬸᬦᬶᬗ᭞ᬭᬶᬂᬤᬕᬶᬂᬧᬸᬲ᭄ᬢᬓᬰᬸᬘᬶ᭞ᬲᬢ᭄ᬲᬸᬓ᭄ᬢᭀ
[᭓᭐ 30A]
ᬕᭀᬕ᭄ᬯᬮᬸᬬᬦ᭄ᬜ᭞ᬬᬦ᭄ᬓᬮᬦᬶᬂᬯᬾᬦᭂᬦᬸᬦ᭄ᬤᬸᬓ᭄᭞ᬳᬦᬓ᭄ᬫᬯᭀᬲᬂᬆᬕᬫ᭞ᬰᬵᬲ᭄ᬢ᭄ᬭᬳᬚᬷ᭞ᬓᬵᬮᬦᬶᬂᬭᬶᬂᬧᬲᬫᬸᬳᬦ᭄᭟᭐᭟ᬲᬸᬫᬳᬶᬄᬚᬦ᭄ᬫᬧᬸᬦᬶᬓ᭞ᬭᬶᬂᬚᬦ᭄ᬫᬲᬭᬵᬢ᭄ᬫᬫ᭄ᬭᬶᬄ᭞ᬗᭂᬚᬸᬓ᭄ᬕ
ᬚᬕᬾᬮᬓ᭄ᬭᬶᬂᬳᬮᬲ᭄᭞ᬕᬸᬂᬢᬮᬶᬦ᭄ᬜᬗᬢᬶᬓ᭄ᬢᬸᬜ᭄ᬚᬸᬂ᭞ᬦᬾᬓᬵᬗ᭄ᬕᬾᬦ᭄ᬦᭂᬕᬸᬮᬶᬕᬚᬄ᭞ᬫᬗ᭄ᬤᭀᬄᬫᭀᬮᬶᬄ᭞ᬗᬯᬾᬓᭂᬤᬾᬓ᭄ᬲᬂᬗᬢᭀᬦᬂ᭟᭐᭟ᬯᬾᬦ᭄ᬢᭂᬦ᭄ᬧᬓᬃᬬ᭄ᬬᬦ᭄ᬭᬶᬂᬚᬕᬢ᭄᭞ᬦᬾᬫᬾᬯᭂᬄᬧᬶᬲᬦ᭄ᬫᬃᬕ᭄ᬕᬶ
ᬦ᭄ᬤᬶᬗᬶᬦ᭄ᬫᬘᬦᬾᬕᬮᬓ᭄᭞ᬭᬶᬂᬢᬸᬤᬤ᭄ᬫᬸᬲᭂᬭᬦ᭄ᬲᬸᬮᬸᬓ᭄᭞ᬤᬤᭀᬲ᭄ᬧᬗᭂᬫ᭄ᬩᬦ᭄ᬧᬯᬾᬲ᭄ᬢ᭄ᬭᬶᬬ᭞ᬦᬶᬓᬲᬫᬶ᭞ᬓᬃᬬ᭄ᬬᬫᬗᬺᬲ᭄ᬋᬱᬶᬦ᭄ᬧᬶᬲᬦ᭄᭟᭐᭟ᬲᬂᬢᬍᬩ᭄ᬤᬤᭀᬲ᭄ᬓᬯᬸᬮ᭞ᬭᬶᬂᬲᬂᬫᬧᬯᭀᬗᬦᬼᬯᬶ
Page:Bali-lontar-gaguritan-nitisara-300ppi.pdf/30
Jump to navigation
Jump to search
This page has been proofread.
![](http://upload.wikimedia.org/wikipedia/commons/thumb/8/82/Bali-lontar-gaguritan-nitisara-300ppi.pdf/page30-1402px-Bali-lontar-gaguritan-nitisara-300ppi.pdf.jpg)