[᭔᭕ 45B]
᭔᭕
ᬢ᭄᭞ᬲᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬩᬸᬤ᭄ᬥ᭞ᬢᬶᬢ᭄ᬬᬂᬧᬘᬂᬤᬤᭀᬲ᭄ᬪᬶᬓ᭄ᬱᬸ᭞ᬗᬶᬭᬶᬂᬧᬫᬃᬕ᭄ᬕᬶᬦ᭄ᬳᬶᬤᬾᬯ᭟᭐᭟ᬲᬧᬸᬦᬶᬓᬲᬂᬯᬶᬭᬢᬶ᭞ᬳᬢᬸᬭᬾᬭᬶᬂᬲᬂᬳ᭄ᬬᬂᬩᬸᬤ᭄ᬥ᭞ᬧᬸᬧᬸᬢ᭄ᬤᬕᬶᬂᬘᬭᬶᬢᬦᬾ᭞ᬲᬢ᭄ᬯᬦᬾᬳᬶᬧᬫᬦ᭄ᬯᬺ
ᬤ᭄ᬥ᭞ᬤᬾᬯᬵᬕᬸᬂᬳᬶᬲ᭄ᬢ᭄ᬭᬶᬗᬮᬶᬬᬩ᭄᭞ᬫᬯᬮᬶᬳᬾᬮᬶᬂᬭᬶᬂᬓᬬᬸᬦ᭄᭞ᬧ᭄ᬭᬲᬶᬤ᭄ᬥᬗᬯᬶᬦᬂᬮᬶᬮ᭟᭐᭟ᬧᬸᬧᬸᬢ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬫᬗᬢᬸᬭᬂᬤᬕᬶᬂᬲᬢ᭄ᬯ᭞ᬲᬕᬾᬢ᭄ᬭᬯᬸᬄᬳᬸᬢᬸᬲᬦᬾ᭞ᬫᬢᬸᬃᬭᬶᬂᬳᬶᬧᬫ
ᬦ᭄ᬯᬺᬤ᭄ᬥ᭞ᬳᬶᬤᬲᬂᬰ᭄ᬭᬶᬦᬶᬮᬘᬦ᭄ᬤ᭄ᬭ᭞ᬫᬮᬶᬄᬚᭂᬩᭀᬲ᭄ᬧᬘᬂᬭᬯᬸᬄ᭞ᬳᬶᬤᬗᬃᬱᬬᬂᬧᬫᭂᬦ᭄ᬤᬓ᭄᭟᭐᭟ᬧᬭᬭᬩᬶᬫᬓᬲᬫᬶ᭞ᬫᬶᬯᬄᬧᬜ᭄ᬚᬓᬾᬲᬫᬶᬬᬦ᭄᭞ᬫᬗ᭄ᬤᬫᭂᬦ᭄ᬤᬓ᭄ᬧᬭᬯᬸᬳᬾ᭞ᬧᬸᬧᬸᬢ᭄ᬳᬢᬸᬃ
ᬳᬶᬳᬸᬢᬸᬲᬦ᭄᭞ᬗᬦ᭄ᬤᬶᬓᬳᬶᬧᬫᬦ᭄ᬯᬺᬤ᭄ᬥ᭞ᬦᬄᬫᭂᬮᬄᬢᬸᬢᬸᬭᬂᬫᬮᬸ᭞ᬧᬶᬤᬩ᭄ᬤᬩᬾᬭᬶᬂᬧᬬᬸᬤ᭄ᬥᬦ᭄᭟᭐᭟ᬭᬾᬄᬳᬤᬳᭀᬃᬣᬓᬧᬸᬭᬶ᭞ᬳᬶᬤᬓᬳᭀᬃᬣᬬᬂᬲᬾᬤ᭞ᬚᬦᬶᬳᬤᬧᬗᬃᬱᬦᬾ᭞ᬳᬶᬤ
[᭔᭖ 46A]
ᬗᬲᬬᬂᬧᬫᭂᬦ᭄ᬤᬓ᭄᭞ᬳᬸᬢᬸᬲᬦᬾᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬳᬕᬸᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬲᬲᬫ᭄ᬧᬸᬦᬾᬭᬯᬸᬄᬲᬂᬥᬃᬫ᭄ᬫᬵᬢ᭄ᬫᬚ᭞ᬓ᭄ᬭᭀᬥᬦ᭄ᬳᬶᬤᬓᬤᬶᬕᭂᬦᬶ᭞ᬤᬾ
ᬦᬶᬂᬓᬳᬸᬦᬶᬗᬂ᭞ᬓᬲᭀᬃᬲᬂᬦᬣᬓᬺᬱ᭄ᬡ᭞ᬯᬢᭂᬓ᭄ᬬᬤᬸᬫᬗᭂᬫᬲᬶᬦ᭄᭞ᬫᬢᬦ᭄ᬤᬶᬂᬬᬸᬤ᭄ᬥ᭞ᬲᬋᬂᬲᬂᬘᬦ᭄ᬤ᭄ᬭᬪᬹᬧᬢᬶ᭟᭐᭟ᬦᬾᬧᬫᭂᬓᬲ᭄ᬩᬗᭂᬢ᭄ᬗᬯᬶᬦᬂᬫᭂᬗ᭄ᬕᬄ᭞ᬲᬲᬫ᭄ᬧᬸᬦᬾᬫᬜᬶᬗᬓᬶᬦ᭄᭞ᬲᬫᭂᬢᭀ
ᬦᬾᬲᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᭂᬫᬵᬲᬶᬦ᭄ᬲᬾᬤ᭞ᬓ᭄ᬭᭀᬥᬳᬶᬤᬫᬗᬸᬚᬦᬶᬦ᭄᭞ᬲᬃᬯ᭄ᬯᬲᬜ᭄ᬚᬢ᭞ᬦᬵᬗ᭄ᬳᬶᬂᬢᬦ᭄ᬲᬶᬤ᭄ᬥᬫᬶᬦ᭄ᬢᬸᬮᬶᬦ᭄᭟᭐᭟ᬭᬶᬂᬧᬫᬸᬧᬸᬢ᭄ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᭂᬦ᭄ᬢᬗᬂᬲᬜ᭄ᬚᬢᬫᬮᬶᬄ᭞
ᬓᭀᬦ᭄ᬢᬫᬉᬢ᭄ᬢᬫ᭞ᬫᬦᬤᭀᬲ᭄ᬓᬮᬗ᭄ᬯᬦ᭄᭞ᬭᬶᬂᬳᬚᭂᬂᬘᬦ᭄ᬤ᭄ᬭᬪᬹᬧᬢᬶ᭞ᬮ᭄ᬯᬶᬃᬢᬶᬃᬣᬫᬺᬢ᭞ᬗᭂᬦ᭄ᬢᬶᬓᬂᬯᭂᬮᬲᬲᬶᬄ᭟᭐᭟ᬭᬭᬶᬲ᭄ᬕᭂᬮᬶᬲ᭄ᬳᬶᬤᬲᬂᬥᬃᬫ᭄ᬫᬵᬢ᭄ᬫᬚ᭞ᬗᬦ᭄ᬤᬶᬓᬬᬂᬲᬂᬦᬺᬧᬢᬶ᭞ᬲᬂᬰ᭄ᬭᬶᬦᬶ᭞
Page:Bali-lontar-gaguritan-nilacandra-300ppi.pdf/46
Jump to navigation
Jump to search
This page has been proofread.
