[᭓ 3B]
᭓
ᬲ᭄ᬯᬾᬘ᭄ᬙᬦ᭄ᬲᬂᬦᬵᬣ᭞ᬳᬫ᭄ᬭᬶᬄᬲᬸᬓᬺᬢ᭄ᬢᬦᬶᬂᬪᬸᬫᬷ᭞ᬤᭂᬕ᭄ᬤᭂᬕ᭄ᬮᬦ᭄ᬤᬸᬄ᭞ᬲᬚᭂᬩᬕ᭄ᬦᬭᬚᬤᬾᬰᬵ᭟᭐᭟ᬧᬫᭂᬤᬮ᭄ᬧᬸᬭᬷᬦᬾᬫᬃᬧ᭄ᬧᬢ᭄᭞ᬩᭂᬦ᭄ᬢᬮᬦᬾᬫᬸᬭᬸᬩ᭄ᬗᭂᬦ᭄ᬤᬷᬄ᭞ᬫᬤᬕᬶᬂᬫᬵᬲ᭄ᬲᬲᭀᬘᬦ᭄᭞
ᬢᭀᬕᭀᬕᬾᬗᬧᬶᬢ᭄ᬤᬶᬲᬫ᭄ᬧᬶᬂ᭞ᬫᬮᬓᬃᬩᬢᬸᬫᬸᬓᬷᬃ᭞ᬫᬮᬫ᭄ᬧᬳᬦ᭄ᬢᭂᬓᬳᬦᬹᬢ᭄᭞ᬧᬢᭃᬲ᭄ᬲᬸᬩᬮᬷᬲᬸᬕ᭄ᬭᬷᬯ᭞ᬫᬬᬸᬤ᭄ᬥᬢᬦ᭄ᬧᬧᬓᬾᬭᬶᬂ᭞ᬤᬸᬓᬾᬤᬗᬸ᭞ᬗᬋᬩᬸᬢᬶᬦ᭄ᬤᬾᬯᬷᬢ᭠
ᬭᬵ᭟᭐᭟ᬫᬮᬶᬄᬧᬸᬦᬷᬓᬤᬸᬳᬸᬭᬦ᭄᭞ᬢᬍᬃᬢᭀᬕᭀᬕ᭄ᬩᬢᬸᬫᬸᬓᬷᬃ᭞ᬫᬶᬦᬩ᭄ᬭᬵᬫᬮᬓ᭄ᬱ᭄ᬫᬡ᭞ᬲᬦᬾᬫᬫᬸᬯᬢᬂᬓᬦ᭄ᬢᬷ᭞ᬫᬓ᭄ᬢᬕᬡ᭄ᬥᬾᬯᬘᬸᬫᬯᬶᬲ᭄᭞ᬢᭀᬕᭀᬕ᭄ᬳᬦᭀᬫᬦᬾᬧ
ᬗᬸᬲ᭄᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬗᬢᬸᬭᬷᬦ᭄ᬲᬂᬭᬵᬫᬕᭂᬮᬶᬲ᭄᭞ᬫᬗ᭄ᬤᬓᬬᬸᬦ᭄᭞ᬳᬶᬤᬦᬸᬮᬸᬂᬲᬂᬲᬸᬕ᭄ᬭᬶᬯ᭟᭐᭟ᬤᬶᬚᬩᬢᭂᬗᬄᬩᬯᭀᬲᬂ᭞ᬢᭂᬮᬕᬦᬾᬩᬷᬮᬂᬲᬫ᭄ᬧᬶᬂ᭞ᬓᬳᬶ
[᭔ 4A]
ᬍᬳᬶᬦ᭄ᬳᬦ᭄ᬢᬸᬓ᭄ᬲᭂᬓᬃ᭞ᬢᭀᬕᭀᬕᬾᬗᬶᬥᭂᬃᬤᬶᬲᬶᬲᬶ᭞ᬢᬸᬜ᭄ᬚᬸᬗᬾᬫᬜ᭄ᬘᬯᬃᬡ᭄ᬦᬶ᭞ᬳ᭠ᬤᬩᬭᬓ᭄ᬓᬸᬦᬶᬂᬪᬶᬭᬸ᭞ᬩᬮᬾᬩᬸᬦ᭄ᬤᭂᬭᬾᬤᬶᬢᭂᬗᬄ᭞ᬫᬧᬬᬲ᭄ᬫᬧ᭄ᬭᬤᬫᬸᬓᬶᬃ᭞ᬗᭂᬦ᭄ᬤᬶᬄᬫᬸᬭᬸ
ᬩ᭄᭞ᬲᬯᬂᬓᬤᬶᬩᬮᬾᬳᭂᬫᬵᬲ᭄᭟᭐᭟ᬳᬫᬸᬦ᭄ᬢᭀᬫᬮᬸᬩᬯᭀᬲᬂ᭞ᬧᬸᬭᬶᬦ᭄ᬳᬶᬤᬰ᭄ᬭᬷᬦ᭄ᬭᬧᬢᬶ᭞ᬩᭂᬘᬶᬓᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬚᬕᬢ᭄ᬲ᭄ᬯᬃᬕ᭄ᬕᬬᬦᬸᬧᬫᬶ᭞ᬓᬲᬸᬩ᭄ᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬶᬗᬶ
ᬦ᭄᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬯᬾᬦ᭄ᬢᭂᬦᬂᬧᬦᬗ᭄ᬓᬶᬮᬦ᭄᭞ᬫᬦᬯᬸᬳᬶᬦ᭄ᬢᬦ᭄ᬤᬫᬦ᭄ᬢ᭄ᬭᬶ᭞ᬧᬭᬧᬸᬭᬸ᭞ᬲᬦᬾᬭᬶᬂᬦᬭᬚᬤᭀᬰ᭟᭐᭟ᬧᭂᬧᭂᬓᬶᬓᬂᬧᬦᬗ᭄ᬓᬶᬮᬦ᭄᭞ᬩᬳᬸᬤᬡ᭄ᬥᬢ
ᬡ᭄ᬥᬫᬦ᭄ᬢ᭄ᬭᬶ᭞ᬲᬓᭂᬭᬄᬧᬭᬧᬸᬭᬸᬱ᭞ᬪᬸᬚᬗ᭄ᬕᬫᬶᬯᬄᬲᬂᬋᬱᬶ᭞ᬲᬫᬶᬫᬗᬦᬸᬢᬶᬦ᭄ᬮᬶᬗ᭄ᬕᬶᬄ᭞ᬢᬸᬫᬸᬮᬶᬫᭂᬤᬮ᭄ᬲᬂᬧ᭄ᬭᬪᬸ᭞ᬓᬕ᭄ᬬᬢ᭄ᬲᬤᬕᬶᬂᬧᬲᬾᬪᬦ᭄᭞ᬜᬓᬸᬧᬂᬢᬗᬦ᭄ᬗᬜ᭄ᬚᬮᬶ᭞
Page:Bali-lontar-gaguritan-nilacandra-300ppi.pdf/4
Jump to navigation
Jump to search
This page has been proofread.
