[᭒᭑ 21B]
᭒᭑
ᬦ᭄ᬳ᭄ᬬᬂᬬᬫᬧᬸᬦᬶᬓᬸ᭞ᬗᬶᬭᬶᬂᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬫᬩ᭄ᬭᬶᬬᬸᬓ᭄ᬲᬋᬂᬫᬫᬃᬕ᭄ᬕ᭟᭐᭟ᬯᬾᬦ᭄ᬢᭂᬦ᭄ᬳᬃᬘ᭄ᬘᬳᬶᬭᬶᬓᬓᬧᬗ᭄ᬕᬸᬄ᭞ᬧᬢᬶᬲ᭄ᬲᬂᬳ᭄ᬬᬂᬬᬫ᭞ᬭᬶᬂᬲᬶ
ᬗ᭄ᬳᬚᬦᬫᬮᬶᬗ᭄ᬕᬶᬄ᭞ᬢᭀᬕᭀᬕ᭄ᬲᬸᬭᬵᬢ᭄ᬫᬦᬾᬗᬸᬦ᭄ᬢᬸᬓ᭄᭞ᬫᬶᬦᬩ᭄ᬓᭂᬜ᭄ᬚᬶᬓᬦ᭄ᬳᬸᬫᬢᬸᬃ᭞ᬧᬢ᭄ᬧᬢ᭄ᬫᬭᬾᬭᭀᬤ᭄ᬢᬾᬕᭀᬕᬾ᭞ᬚᭀᬕᭀᬃᬫᬡᬶᬓ᭄ᬧᬶᬦᬶᬄᬫᬮᬸ᭞ᬤᬶᬫᬮᬸ
ᬦ᭄ᬢᭀᬕᭀᬕ᭄ᬳ᭄ᬬᬂᬬᬫ᭞ᬪᬸᬝᬕ᭄ᬭᬶᬂᬪᬸᬝᬫᬬ᭟᭐᭟ᬲᬂᬫᬡ᭄ᬥᬯᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬕᬮᬂᬲᬸᬢᬾᬚᬦᬾ᭞ᬳᬦ᭄ᬢᬸᬓ᭄ᬪᬸᬱᬡᬦᬾᬍᬯᬶᬄ᭞ᬮ᭄ᬯᬶᬃᬧᬜ᭄ᬘᬤᬾᬯᬢᬢᬸᬭᬸᬦ᭄᭞ᬅᬧ᭄ᬲ
ᬭᬵᬧ᭄ᬲᬭᬶᬫᬶᬮᬸ᭞ᬫᬗᬶᬭᬶᬗᬂᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬧᬘᬂᬗᬮᬂᬮᬂᬉᬮᬗᬸᬦ᭄᭞ᬲᬧᬸᬦᬶᬓᬬᬦ᭄ᬳᬸᬧᬫ᭞ᬳᬶᬦ᭄ᬤᬶᬓ᭄ᬳᬶᬤᬲᬂᬧᬡ᭄ᬥᬯ᭟᭐᭟ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬯᬸᬯᬸᬲ᭄᭞ᬜᬸᬜᬸᬃᬯᬘᬦᬦᬾ᭞
[᭒᭒ 22A]
ᬤᬾᬯᬲᬂᬘᬦ᭄ᬤ᭄ᬭᬪᬸᬧᬢᬶ᭞ᬳᬗᭀᬩ᭄ᬫᬦᬶᬭᬳᬦ᭄ᬤᬸᬮᬸ᭞ᬧᬧᬶᬦ᭄ᬤᬦ᭄ᬬᬫᬦᬾᬮᬸᬳᬸᬂ᭞ᬚᬦᬶᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬳᬧᬂᬫᬲᬶᬄᬧᬥᬢᭂᬧᬸᬓ᭄᭞ᬳᬸᬫᬢᬸᬃᬲᬂᬦᬶᬮᬘᬦ᭄ᬤ᭄ᬭ᭞
ᬢᬶᬢ᭄ᬬᬂᬗᬶᬭᬶᬗᬂᬳᬶᬤᬾᬯ᭟᭐᭟ᬲᬶᬦᬋᬗᬦ᭄ᬧᬫᬃᬕ᭄ᬕᬶᬦᬾᬳᬤᬸᬮᬸᬃ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬦᬾᬫᬗ᭄ᬓᬶᬦ᭄ᬧᬘᬂᬓᬳᬸᬗ᭄ᬲᬶ᭞ᬳᭂᬦ᭄ᬢᬾᬭᬦ᭄ᬲᬸᬃᬬ᭄ᬬᬦᬾᬤᬬᬸᬄ᭞ᬢᬯᭂᬗᬶᬦ᭄ᬳᬦ᭄ᬢᬸ
ᬓ᭄ᬳᬫᬸᬩᬸ᭞ᬳᬮᭀᬦ᭄ᬗᬲᬶᬃᬲᬶᬃᬳᬗᬶᬦᬾ᭞ᬫᬗᬶᬦ᭄ᬢᬶᬓᬂᬮᬾᬤᬂᬓᬬᬸᬦ᭄᭞ᬳᬶᬤᬲᬂᬲᭂᬤᭂᬓ᭄ᬫᬫᬃᬕ᭄ᬕ᭞ᬫᬗᬸᬗ᭄ᬲᬶᬗᬚᬓᬗᬶᬦᬂ᭟᭐᭟ᬲᬕᬾᬢ᭄ᬓᬢᭀᬦ᭄ᬧᬫᭂᬤᬮᬾᬜ
ᬢᬸᬃ᭞ᬗᭂᬦ᭄ᬤᬶᬄᬩᭂᬦ᭄ᬢᬮᬦᬾ᭞ᬲᬢ᭄ᬯᬮᬸᬬᬕᬸᬦᬸᬂᬕᭂᬦᬶ᭞ᬲᬲᭀᬘᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬭᬶᬂᬧᬸᬘᬓᬶᬂᬓᭀᬭᬶᬳᬕᬸᬂ᭞ᬫᬶᬫ᭄ᬧᬸᬕᬦ᭄ᬳᬫ᭄ᬩᬸᬦ᭄ᬲᭂᬓᬭᬾ᭞ᬓᬤᬶᬜᬫ᭄ᬩ᭄ᬭᬫᬲᬂᬭᬯᬸᬄ
Page:Bali-lontar-gaguritan-nilacandra-300ppi.pdf/22
Jump to navigation
Jump to search
This page has been proofread.
