Page:Bali-lontar-gaguritan-nilacandra-300ppi.pdf/20

From Wikisource
Jump to navigation Jump to search
This page has been proofread.

[᭑᭙ 19B]
᭑᭙
ᬘᬦ᭄ᬤ᭄ᬭᬧ᭄ᬭᬪᬸ᭞ᬫᬶᬦᬩ᭄ᬓᬤᬶᬢᭂᬫ᭄ᬩᬾ᭞ᬲᬧᬲᬶᬭᬫᬜᬋᬗᬶᬦ᭄᭞ᬲᬂᬘᬦ᭄ᬤ᭄ᬭᬭᬭᬶᬲ᭄ᬫᬯᬸᬯᬸᬲ᭄᭞ᬗᬸᬤᬧᬫᬦ᭄ᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬳᬶᬤᬲᬂᬧᬡ᭄ᬥᬯ᭞ᬦᬩᬾᬦ᭄ᬫᬦᬶᬭᬳᬶᬫᬮᬸ᭞ᬓᬬᬸᬦ᭄ᬳᬶᬤᬧ
ᬘᬂᬦᬢᬲ᭄᭞ᬧᬧᬶᬦ᭄ᬤᬦ᭄ᬚᬕᬢ᭄ᬦᬵᬭᬓ᭟᭐᭟ᬧᬕᭂᬩᬕᬾᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬳᬫ᭄ᬧᬸᬭᬦᭂᬦ᭄ᬫᬗ᭄ᬓᬾ᭞ᬲᭂᬫ᭄ᬩᬳᬶᬗ᭄ᬯᬂᬦᬶᬱ᭄ᬝᬩᬸᬤ᭄ᬥᬶ᭞ᬬᬦ᭄ᬯᬾᬦ᭄ᬢᭂᬦ᭄ᬳᬃᬱᬦ᭄ᬳᬶᬭᬢᬸ᭞ᬦᬶᬜ᭄ᬚᭀᬧᬧᬶᬦ᭄ᬤᬦ᭄ᬧᬸᬦᬶᬓᬸ᭞
ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬕᭂᬦᬄᬧᬧᬶᬦ᭄ᬤᬦ᭄ᬦ᭄ᬭᬓ᭟᭐᭟ᬯᬾᬦ᭄ᬢᭂᬦᬾᬫᬗ᭄ᬓᬶᬦ᭄ᬓᬧᬗ᭄ᬕᬸᬄ᭞ᬧᬧᬶᬦ᭄ᬤᬦ᭄ᬳᬢ᭄ᬫᬦᬾ᭞ᬢᭂᬭᬲ᭄ᬜᬦᬾᬓᬕᬺ
ᬕᬚᬶ᭞ᬜ᭄ᬭᬾᬢ᭄ᬘᬾᬢ᭄ᬕᭂᬢᬶᬄᬜᬦᬾᬧ᭄ᬲᬸ᭞ᬤ᭄ᬬᬄᬤ᭄ᬭᭀᬧᬤᬶᬭᬭᬶᬲ᭄ᬫᬢᬸᬃ᭞ᬥᬸᬄᬩᭂᬮᬶᬲᬂᬥᬃᬫ᭄ᬫᬲᬸᬢ᭞ᬲᬧᬸᬦᬧᬶᬲᭀᬮᬳᬶᬧᬸᬦ᭄᭞ᬤᬯᭂᬕᬾᬭᬶᬂᬫᬤ᭄ᬬᬧᬤ᭞ᬳᬯᬶᬦᬦ᭄ᬳᬲᬧᬸᬦᬶ
[᭒᭐ 20A]
ᬓ᭟᭐᭟ᬰ᭄ᬭᬶᬥᬃᬫ᭄ᬫᬵᬢ᭄ᬫᬚᬫᬗ᭄ᬓᬶᬦ᭄ᬫᬯᬸᬯᬸᬲ᭄᭞ᬓᬾᬦᬾᬯᬶᬯᬶᬮᬦᬾ᭞ᬤᬸᬓ᭄ᬜᬦᬾᬫᬳᬸᬭᬶᬧ᭄ᬭᬶᬳᬶᬦ᭄᭞ᬢᬮ᭄ᬧᬓᬭᬶᬂᬬᬬᬳᬶᬩᬸ᭞ᬢᭀᬳᬯᬦᬦ᭄ᬢᬸᬮᬄᬳᬶᬤᬸᬧ᭄᭞ᬚᬦᬶᬦᬦ᭄ᬤᬗᬶ
ᬦ᭄ᬲᬓᬶᬢᬾ᭞ᬪᬸᬝᬵᬫᬸᬦ᭄ᬤᬃᬫᬦ᭄ᬤᬶᬃᬗᭂᬚᬸᬓ᭄᭞ᬲᬓᬜ᭄ᬘᬦ᭄ᬳᬢ᭄ᬫᬤ᭄ᬭᭀᬳᬓ᭞ᬮᬗ᭄ᬕᬦᬭᬶᬂᬳᬦᬓ᭄ᬢᬸᬯ᭟᭐᭟ᬦᬾᬧᬧᬶᬦ᭄ᬤᬦ᭄ᬳᬢ᭄ᬫᬦᬾᬫᬫᬦ᭄ᬤᬸᬂ᭞ᬲᬢᬢᬫᬫᬾᬕᬮ᭄᭞ᬕᭂᬫᭂᬲ᭄ᬢᬸᬃᬫ
ᬫᬢᬶᬫᬢᬶ᭞ᬤᬶᬚᬫ᭄ᬩᬗᬦᬾᬓᬍᬩᬸ᭞ᬓᬩᭀᬃᬩᭀᬃᬕᭂᬦᬶᬦᬾᬫᬸᬭᬸᬩ᭄᭞ᬓᬲᬓᬶᬢᬦ᭄ᬳᭂᬗ᭄ᬓᬓᭂᬗ᭄ᬓᬓ᭄᭞ᬢᭀᬂᬲᬶᬤ᭄ᬥᬫᬦᬦ᭄ᬤᬂᬓᭂᬩᬸᬲ᭄᭞ᬓᬯᬄᬘᬦ᭄ᬤ᭄ᬭᬕᭀᬄᬫᬸᬓᬦᬾ᭞ᬨ
ᬮᬦ᭄ᬧᭀᬮᬄᬜᬦᬾᬘᭀᬭᬄ᭟᭐᭟ᬤ᭄ᬬᬄᬤ᭄ᬭᭀᬧᬤᬶᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬇᬓᬶᬧᬧᬶᬦ᭄ᬤᬦᬾ᭞ᬲᭂᬤᬶᬄᬢᬶᬢ᭄ᬬᬂᬫᬗᬶᬯᬲᬶᬦ᭄᭞ᬤᬾᬯᬾᬓ᭄ᬜᬦᬾᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬢᭂᬓ᭄ᬢᭂ

Retrieved from "https://wikisource.org/w/index.php?title=Page:Bali-lontar-gaguritan-nilacandra-300ppi.pdf/20&oldid=837086"