[᭑᭕ 15B]
᭑᭕
ᬦ᭄᭟᭐᭟ᬭᬶᬂᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦ᭄ᬤᬸᬫᬸᬦ᭄ᬘ᭄ᬭᬶᬢᬬᬂ᭞ᬦᬾᬩᬕᬸᬲ᭄ᬩᬕᬸᬲ᭄ᬓᬲ᭄ᬮᬶᬃ᭞ᬧᬸᬦᬶᬓᬕᬦ᭄ᬥᬃᬯ᭄ᬯ᭞ᬳᬦᬾᬤᭂᬳᬚᭂᬕᬾᬕ᭄ᬗᬬᬂ᭞ᬳᭂᬦ᭄ᬢᭀᬯᬮᬸᬬᬤᬤᬭᬶ᭞ᬯᬾᬦ᭄ᬢᭂᬦ᭄ᬓᬮᬶᬄᬤᬰ᭞ᬮᬸᬄᬫ᭄ᬯᬦᬶᬫᬗᭂ
ᬦᬳᬶᬦ᭄᭟᭐᭟ᬲᬧᬸᬦᬶᬓᬢᬍᬃᬭᬶᬂᬧᬧᬶᬦ᭄ᬤᬦ᭄ᬦ᭄ᬭᬓ᭞ᬲᬦᬾᬗᭂᬦᬳᬶᬦ᭄ᬓᬲᭂᬮᬶᬃ᭞ᬲᬦᬾᬕᭂᬤᬾᬤᬾᬧᬓ᭄᭞ᬫᬢᬕᭂᬤᬾᬓᬸᬮᬶᬢ᭄ᬗᬳᬕ᭄᭞ᬧᬢᬶᬲ᭄ᬓᬤᬶᬚᭀᬕᭀᬃᬫᬡᬶᬓ᭄᭞ᬫᬶᬯᬄᬦᬾ
ᬮ᭄ᬬᬦᬦ᭄᭞ᬮ᭄ᬯᬶᬃᬘᬶᬓ᭄ᬭᬩᬮᬧᬤᬶᬗ᭄ᬓ᭄ᬭᬶᬓ᭄᭟᭐᭟ᬧᬓᬬᬸᬦᬦ᭄ᬲᬂᬧ᭄ᬭᬪᬸᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬧᬘᬂᬫᬢᬸᬃᬧᬶᬳᬸᬦᬶᬂ᭞ᬭᬶᬂᬲᬂᬬᬸᬥᬶᬱ᭄ᬝᬶᬭ᭞ᬧ᭄ᬭᬪᬸᬭᬶᬂᬅᬲ᭄ᬢᬶᬦᬧᬸᬭ᭞ᬧᬶᬦᬲᬶᬳᬦ᭄ᬲᬓᬶᬂᬭᬶᬳᬶᬦ᭄᭞ᬲᬦ᭄ᬧᬶᬂ
ᬳᬚᬶᬦ᭄ᬳᬶᬤ᭞ᬦᬳᭂᬦ᭄ᬫᬋᬓᬦ᭄ᬭᬶᬳᬶᬦ᭄᭟᭐᭟ᬗᬦ᭄ᬤᬶᬓᬬᬂᬳᬸᬢᬸᬲᬦ᭄ᬫᬗ᭄ᬤᬫᬢᬸᬭ᭞ᬢᬗ᭄ᬓᬶᬮ᭄ᬓᬅᬲ᭄ᬢᬶᬦᬧᬸᬭᬶ᭞ᬫᬢᬸᬃᬭᬶᬂᬲᬂᬦᬵᬣ᭞ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᬗ᭄ᬤᬲ᭄ᬯᬾᬘ᭄ᬙᬦᬶᬜ᭄ᬚᭀᬧᬸᬭᬶ
[᭑᭖ 16A]
ᬦᬭᬚᬤᬾᬰ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬓᬃᬬ᭄ᬬᬦᬶᬦ᭄᭟᭐᭟ᬘᬭᬶᬢᬬᬂᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬭᬯᬸᬄᬭᬶᬗᬲ᭄ᬢᬶᬦᬧᬸᬭᬶ᭞ᬳᬗᭀᬩ᭄ᬫᬗᬦ᭄ᬢᭂᬦᬂ᭞ᬧᬸᬭᬶᬦᬾᬭᬶᬗᬲ᭄ᬢᬶᬦ᭞ᬓᬤᬶᬚᬕ
ᬢ᭄ᬲ᭄ᬯᬃᬕ᭄ᬕᬦ᭄ᬧᬢᬶᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬭᬂ᭞ᬲᬫᬶᬩᭂᬘᬶᬓ᭄ᬗᬮᬾᬤᬗᬶᬦ᭄᭟᭐᭟ᬢᬦ᭄ᬤᬸᬫᬤᬾᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬲᬫ᭄ᬧᬸᬦ᭄ᬓᬳᬢᬸᬭᬂᬲᬫᬶ᭞ᬲᬤᬕᬶᬂᬧᬶᬦᬸᬦᬲ᭄᭞ᬳᬶᬤᬲᬂᬦᬶᬮ
ᬘᬦ᭄ᬤ᭄ᬭ᭞ᬲᬂᬥᬃᬫ᭄ᬫᬳᬶᬤᬦᬕᬶᬗᬶᬦ᭄᭞ᬲᬗ᭄ᬓᬦᬶᬂᬮᬾᬤᬂ᭞ᬧᬘᬂᬭᬯᬸᬄᬫᬦᬶᬜ᭄ᬚᭀᬯᬶᬦ᭄᭟᭐᭟ᬓᬳᬾᬮᬶᬗᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬓᬶᬂᬪᬓ᭄ᬢᬶᬢᬸᬢᬸᬢᬲᬶᬄ᭞ᬦᬳᭂᬦ᭄ᬦᬸᬦᬲ᭄ᬳᬚᬄ᭞
ᬭᬶᬂᬳᬶᬤᬲᬂᬥᬃᬫ᭄ᬫᬲᬸᬢ᭞ᬫᬲᬯᬶᬢ᭄ᬭᬲᬓᬶᬂᬳᬮᬶᬢ᭄᭞ᬢᬦ᭄ᬦᬳᬶᬦ᭄ᬧᬮᬲ᭄᭞ᬬᬤᬶᬦ᭄ᬤᭀᬄᬓᬤᬶᬫᬗ᭄ᬓᬶᬦ᭄᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬢᬸᬃᬳᬶᬧᬸᬦ᭄ᬳᬶᬳᬸᬢᬸᬲᬦ᭄᭞ᬢᬸᬫᬸᬮᬶᬫᬧᬫᬶᬢ᭄ᬕᭂᬮᬶ
Page:Bali-lontar-gaguritan-nilacandra-300ppi.pdf/16
Jump to navigation
Jump to search
This page has been proofread.
