[᭑᭒ 12B]
᭑᭒
ᬮ᭄ᬫᬤᬵᬦ᭞ᬲᬗ᭄ᬓᬦᬶᬂᬲᬗᭂᬢ᭄ᬧᬫᭂᬭᬶᬄ᭟᭐᭟ᬓᭀᬘᬧ᭄ᬲᬂᬋᬱᬶᬓᬭᬸᬡ᭞ᬦᬗᬸᬦ᭄ᬢᬵᬧᬭᬶᬂᬧᬰ᭄ᬭᬫᬦ᭄ᬫᬳᬵᬕᬶᬭᬶ᭞ᬓᬲᬸᬩ᭄ᬧᬰ᭄ᬭᬫᬦ᭄ᬲᬂᬳᭂᬫ᭄ᬧᬸ᭞ᬓᭀᬧᬋᬗ᭄ᬕᬲᬃᬕᬶᬸᬯ᭄ᬯᬲᭂᬓᬃ᭞ᬢᭀᬳᬯ
ᬦᬦ᭄ᬭᬶᬂᬧᬰ᭄ᬭᬫᬦ᭄ᬫ᭄ᬭᬶᬓ᭄ᬳᬭᬸᬫ᭄᭞ᬓᬵᬮᬦᬶᬂᬳᬸᬲᬦ᭄ᬫᬧᬹᬚᬵ᭞ᬲᬕᬾᬢ᭄ᬭᬯᬸᬄᬚᬢᬫ᭄ᬯᬦᬶ᭟᭐᭟ᬧᬚᬮᬦᬾᬲᬤᬩᬦ᭄ᬩᬦ᭄᭞ᬫᬕ᭄ᬭᬾᬕᭀᬢᬦ᭄ᬦᬶᬓᬸᬮ᭄ᬓᬰᬾᬮᬲᬯᬶ᭞ᬜᬤ᭄ᬬᬓᬢᬸᬃᬭᬶᬂ
ᬲᬂᬳᭂᬫ᭄ᬧᬸ᭞ᬧ᭄ᬭᬡᬫ᭄ᬬᬫᬢᬸᬃᬳᬦᭂᬫ᭄ᬩᬄ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬓᬯᬸᬮᬦ᭄ᬳᬶᬭᬢᬸ᭞ᬫᬃᬭᬤ᭄ᬬᬗᬢᬸᬭᬂᬧᬸᬦᬶᬬ᭞ᬓᬰᬾᬮᬯᬦ᭄ᬢᬄᬳᬓᬶᬤᬶᬓ᭄᭟᭐᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬦᬄᬮᬯᬸ
ᬢᬂᬦᭂᬕᬓ᭄ᬫᬮᬸᬧᬫᬦ᭄ᬤᬶᬦᬶ᭞ᬳᭂᬗ᭄ᬲᬧ᭄ᬩᬧᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦᬶᬂᬳᬤᬦ᭄ᬧᬫᬦ᭄᭞ᬭᬭᬶᬲ᭄ᬫᬢᬸᬃᬢᬶᬢ᭄ᬬᬂᬧᬸᬦᬶᬓᬶᬧᬦ᭄ᬢᬳᬸᬫ᭄᭞ᬫᭀᬦ᭄ᬤᭀᬓ᭄ᬳᬶᬭᬶᬓᬶᬩᬮᬾᬭᬦ᭄᭞ᬦᬦ᭄ᬤᬸᬢᭂᬕᬮ
[᭑᭓ 13A]
ᬦ᭄ᬳᬓᬶᬤᬶᬓ᭄᭟᭐᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬳᬶᬤᬳᬶᬲ᭄ᬢ᭄ᬭᬶᬳᬶᬦ᭄ᬤᬬᬂᬤᬸᬫᬸᬦ᭄ᬫ᭄ᬭᬶᬓᬶ᭞ᬧᬸᬦᬶᬓᬶᬳᬶᬧᬸᬦ᭄ᬧᬦ᭄ᬢᬳᬸᬫ᭄᭞ᬳᬶᬧᬸᬦ᭄ᬗᬢᬸᬭᬂᬓᬰᬾᬮ᭞ᬲᭂᬤᭂᬂᬩᭂᬘᬶᬓ᭄ᬓᬫ᭄ᬩᬶᬗᬾᬳᬶᬘ᭄ᬙᬦᬶᬦ᭄ᬳᬶ
ᬧᬸᬦ᭄᭞ᬩᬦ᭄ᬤᬶᬗᬂᬭᬶᬂᬧᬰ᭄ᬭᬫᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬗᬶᬗᭀᬦᬶᬦ᭄᭟᭐᭟ᬓᬫ᭄ᬩᬶᬗᬾᬲᬫ᭄ᬧᬸᬦ᭄ᬓᬧᬶᬘ᭞ᬭᬶᬂᬧᬦ᭄ᬢᬳᬸᬫ᭄ᬲᬸᬫᬗ᭄ᬕᬸᬧ᭄ᬧᬘᬂᬗᬸᬩᬸᬳᬶᬦ᭄᭞ᬧᬦ᭄ᬢᬳᬸᬫ᭄ᬫᬧᬫᬶᬢ᭄ᬫ
ᬦ᭄ᬢᬸᬓ᭄᭞ᬭᬯᬸᬄᬭᬶᬂᬢᭂᬗᬄᬚᬮᬦ᭄᭞ᬫᬚᬗ᭄ᬕᭂᬮᬦ᭄ᬧᬦ᭄ᬲᬶᬗ᭄ᬓ᭄ᬭᬸᬕ᭄ᬲᬕᬾᬢ᭄ᬓᬘᬸᬦ᭄ᬤᬸ᭠ᬓ᭄᭞ᬚᬸᬚᬸᬢ᭄ᬧᬦ᭄ᬲᬶᬗ᭄ᬓ᭄ᬭᬸᬕ᭄ᬦᬓᭀᬦᬂ᭞ᬳᬶᬦ᭄ᬤᬶᬓᬾᬫᭀᬮᬶᬳᬂᬓᬫ᭄ᬩᬶᬂ᭟᭐᭟ᬧᬦ᭄ᬢᬳᬸᬫ᭄ᬮᬦ᭄ᬢᬲ᭄ᬜ᭠
ᬢ᭄ᬯᬬᬂ᭞ᬲᬧᬶᬤᬩ᭄ᬤᬧᬶᬸᬩ᭄ᬳᬯᬶᬦᬦᬾᬓᬶᬘ᭄ᬙᬾᬦ᭄ᬓᬫ᭄ᬩᬶᬂ᭞ᬲᬓᬶᬂᬧᬳᬶᬘ᭄ᬙᬦ᭄ᬲᬂᬳᭂᬫ᭄ᬧᬸ᭞ᬯᬶᬢ᭄ᬲᬓᬶᬂᬗᬢᬸᬭᬂᬧᬸᬡ᭄ᬬ᭞ᬮᬦ᭄ᬢᬲ᭄ᬩᭂᬗᭀᬂᬤᭂᬓᬲ᭄ᬤᭂᬓᭂᬲ᭄ᬬᬧᬦ᭄ᬲᭂᬗ᭄ᬓ᭄ᬭᬸᬕ᭄᭞ᬯᭂᬢᬸᬫᬦᬄᬜ
Page:Bali-lontar-gaguritan-nilacandra-300ppi.pdf/13
Jump to navigation
Jump to search
This page has been proofread.
