[᭖᭐ 60B]
᭖᭐
ᬓᬶ᭞ᬯᬸᬲ᭄ᬲᬸᬭᬸᬧ᭄ᬫᬗ᭄ᬓᬾᬳ᭄ᬬᬗᬵᬃᬓ᭄ᬓ᭞ᬳᬾᬜ᭄ᬚᬂᬓᬯᬃᬡ᭄ᬦᬢᬫᬗ᭄ᬓᭀ᭞ᬲᬂᬦᬵᬣᬋᬓᬾᬳᬦᬤᬦᬦ᭄᭞ᬧ᭄ᬭᬫᬦ᭄ᬢ᭄ᬭᬶᬫᬶᬯᬄᬫᬜ᭄ᬘ᭞ᬧᬗ᭄ᬳᬮᬲᬦ᭄ᬤᬢᬦ᭄ᬓᬦ᭄ᬢᬸᬦ᭄᭞ᬢᬦ᭄ᬓᭀᬘᬧᬩᬮᬦᬾ
ᬳᬶᬓ᭟ᬰᬶᬖ᭄ᬭᬄᬫᬗ᭄ᬓᬢ᭄ᬢᬦᬵᬲᬭᬶ᭞ᬲᬂᬧᬸᬢ᭄ᬭᬶᬦᬢᬶᬚᬄᬳᬸᬫᬸᬗ᭄ᬕᬄ᭞ᬳᬶᬂᬮᬸᬳᬸᬃᬭᬶᬂᬚᭂᬫ᭄ᬧ᭠ᬦᬋᬓᭀ᭞ᬲᬶᬦᬍᬧᭀᬓ᭄ᬲᭀᬲᭀᬢ᭄ᬬᬫᬸᬜ᭄ᬘᬃ᭞ᬯᬶᬦᬬᬸᬗᬦ᭄ᬫᬗ᭄ᬓᬾᬧᬾᬮᬕ᭄᭞ᬓᬸᬫᭂ
ᬜᬃᬫᬦᬶᬓᬾᬫᬸᬭᬸᬩ᭄᭞ᬢᬸᬳᬸᬭᬹᬧᬦᬾᬋᬓᬾᬳᬧᬾᬮᬕ᭄᭟ᬓᬂᬳᬫᬾᬓᬸᬮ᭄ᬚᭂᬫ᭄ᬧᬦᬢᬾᬓᬶ᭞ᬲᬫ᭄ᬬᬧᬤᬳᬪᬸᬱᬡ᭞ᬳᬦᬓᬂᬧᬭᬦᬵᬣᬋᬓᭀ᭞ᬢᬦ᭄ᬓᬯᬃᬡ᭄ᬦᬲᬶᬭᬾᬂ
ᬫᬵᬃᬕ᭄ᬕ᭞ᬦᭀᬭᬧᭂᬕᬢ᭄ᬳᬢᬩ᭄ᬯᬦ᭄᭞ᬲᬫᬵᬃᬕ᭄ᬕᬫᬵᬃᬕ᭄ᬕᬳᬸᬫᬸᬂ᭞ᬰᬶᬖ᭄ᬭᬄᬧ᭄ᬭᬵᬧ᭄ᬢᬳᬶᬂᬧ᭄ᬓᬮᬦ᭄᭟ᬲᬫ᭄ᬬᬲᬸᬓᬲᬸᬓᬾᬂᬳᬢᬶ᭞ᬲᬓᬾᬳᬾᬓᬯᬸᬮᬦᬾᬳᬶᬓ᭞ᬤᬤ᭄ᬬᬳᬦᬓᬢᭀ
[᭖᭑ 61A]
ᬦ᭄ᬢᬋᬓᭀ᭞ᬩᬳᬶᬢ᭄ᬭᬲᬢᭂᬗᬾᬂᬲᬫᬸᬤ᭄ᬭ᭞ᬭᬹᬧᬦᬾᬓᬵᬭᬶᬳᬶᬂᬢᭂᬗᬄ᭞ᬲᬬᬦ᭄ᬧᭂᬥᭂᬓ᭄ᬩᬳᬶᬢ᭄ᬭᬳᬶᬓᬸ᭞ᬳᬜ᭄ᬚᬸᬚᬸᬕᬶᬂᬧᬗ᭄ᬓᬮᬦ᭄ᬫᬤᬶᬦᬄ᭟ᬧ᭄ᬭᬲᬫᬫᬗ᭄ᬓᬾᬦᬶᬗ᭄ᬳᬮᬶ᭞ᬓᬬᬸᬦ᭄ᬲᬂᬧᬸᬢ᭄ᬭᬶᬳᬶ
ᬓ᭞ᬲᬮᬫᬶᬦᬾᬋᬓᬾᬳᬗᬦ᭄ᬢᭀᬲ᭄᭞ᬲᬓᬶᬂᬮᬸᬳᬸᬭᬶᬂᬚᭂᬫ᭄ᬧᬦ᭞ᬲᬫᬫᬗ᭄ᬓᬾᬳᬦᭀᬢᭀᬦ᭄ᬦ᭞ᬫᬵᬢᬸᬃᬫᬗ᭄ᬓᬾᬓᬗᬵᬦ᭄ᬥᬸᬮᬸ᭞ᬩᬳᬶᬢ᭄ᬭᬳᬶᬓᬳᬶᬂᬲᬫᬸᬤ᭄ᬭ᭟ᬲᬧᬫ᭄ᬬᬃᬋᬦᬾᬲᬂ
ᬲᬸᬧᬸᬢ᭄ᬭᬶ᭞ᬩᬳᬶᬢ᭄ᬭᬳᬶᬓᬯᬸᬲ᭄ᬧᭂᬥᭂᬓ᭞ᬲᬂᬧᬸᬢ᭄ᬭᬶᬦᭀᬭᬳᬾᬘᬮᬶᬗ᭄ᬕᬶᬄᬋᬓᭀ᭞ᬦᬸᬮ᭄ᬬᬫᬗ᭄ᬓᬾᬢᬲᬶᬭ᭞ᬳᬕᭂᬮᬶᬲ᭄ᬫᬗ᭄ᬓᬾᬮᬶᬗ᭄ᬕᬭ᭞ᬫᬭᬳᬾᬂᬫᬸᬦᬭᬄᬳᬰ᭄ᬭᬸᬄ᭞ᬳᬶᬗᬶᬭᬶᬂᬳᬫ᭄ᬩᬮᬵᬫ᭄ᬩᬮᬦ᭄
᭟ᬲᬃᬯ᭄ᬯᬶᬲᬶᬭᬳᬦᬶᬗ᭄ᬳᬮᬶ᭞ᬧᬮ᭄ᬯᬢᭂᬗᬳᬶᬂᬲᬫᬸᬤ᭄ᬭ᭞ᬦᬸᬮ᭄ᬬᬮᬶᬗ᭄ᬕᬃᬢᬫᬗ᭄ᬓᭀ᭞ᬲᬂᬧᬸᬢ᭄ᬭᬫᬍᬩᬾᬂᬢᭀᬬ᭞ᬦᭀᬭᬧᭂᬕᬢ᭄ᬳᬢᬢᬩ᭄ᬯᬦ᭄᭞ᬕᬕᬫᭂᬮᬦ᭄ᬫᬗ᭄ᬓᬾᬳᬸᬫᬸᬂ᭞ᬲᬓᬲᬓᬾᬳᬾ᭠
Page:Bali-lontar-gaguritan-nabhi-muhammad-250ppi.pdf/61
Jump to navigation
Jump to search
This page has been proofread.
