[᭕᭖ 56B]
᭕᭖
ᬮ᭄ᬓᬵᬮᬧ᭄ᬭᬕᭀᬂᬲ᭞ᬓᬵᬮᬭᬡᬸᬫᬗᬢᬕ᭄᭞ᬩᬮᬳᬶᬂᬗᬧ᭄ᬭᬂᬧᬸᬧᬸᬮᬶᬄ᭞ᬧᬸᬗ᭄ᬕᬯᬦ᭄ᬦᬶᬭ᭞ᬲᬤᬬᬢᬗᬯᬓ᭄ᬓᬶ᭛ᬩᬚᭀᬩᬭᬂᬦᬶᬬᬸᬧ᭄ᬳᬗᬸᬦ᭄ᬥᬩᬤ᭠
ᬫ᭞ᬧ᭄ᬭᬪᬸᬓᬮᬶᬗ᭄ᬕᬧᬢᬶ᭞ᬫᭂᬦ᭄ᬢᬂᬮᬗ᭄ᬓᬧ᭄ᬧᬶᬭ᭞ᬚᭂᬫ᭄ᬧᬭᬶᬂᬯᬸᬲ᭄ᬮᬶᬦ᭄ᬦᭂᬧᬲ᭄᭞ᬧᭀᬜ᭄ᬘᬰᬸᬮᬳᬗᭂᬦ᭄ᬦᬾᬦ᭄ᬦᬶ᭞ᬩᬶᬦ᭄ᬮᬄᬚᬚᬦ᭄ᬦ᭄ᬬ᭞ᬫᬶᬹᬩᬚᭀᬂᬩᬭᬂᬗᭂᬫ᭠
ᬲ᭄ᬲᬶ᭛ᬢᬶᬩᬾᬂᬲᬶᬢᬶᬕᬸᬫᬺᬩ᭄ᬭᬸᬕ᭄ᬮᬶᬃᬭᬸᬕ᭄ᬕᬶᬂᬗᬃᬕ᭄ᬕ᭞ᬓᬵᬮᬭᬡᬸᬧᬸᬧᬸᬮᬶᬄ᭞ᬦᬶᬬᬸᬧ᭄ᬦᬯᬢ᭄ᬓᬸᬦ᭄ᬢ᭞ᬧᬶᬦ᭄ᬦᬧᬕ᭄ᬫ᭄ᬭᬶᬂᬫᬕᬤ᭞ᬓᬸᬦ᭄ᬢᬦ᭄ᬦᬶᬭᬚᬶᬦ᭄ᬦᭂᬫ᭄ᬧᬭᬶᬂ᭞ᬢᬶ
ᬓᭂᬮ᭄ᬓᬩᬸᬜ᭄ᬘᬶᬂ᭞ᬲᬜ᭄ᬚᬢᬦ᭄ᬦᬾᬦᬸᬲᬸᬮ᭄ᬮᬶ᭛ᬓᬵᬮᬭᬡᬸᬓᬘᬸᬦ᭄ᬥᬸᬓ᭄ᬚᬗ᭄ᬕᬦ᭄ᬦᬾᬧᬕᬲ᭄᭞ᬕᬸᬫᭂᬩ᭄ᬭᬸᬕ᭄ᬢᬶᬩᬾᬂᬲᬶᬢᬶ᭞ᬧᬢᬶᬄᬳᬫᭀᬂᬕᬃᬪ᭞ᬳᬂᬗᬺ
[᭕᭗ 57A]
᭕᭗
ᬲ᭄ᬢ᭄ᬬᬲ᭄ᬲᬶᬭᬫᬸᬮᬢ᭄᭞ᬢᬦ᭄ᬦᬦ᭄ᬢᬸᬓ᭄ᬧ᭄ᬭᬂᬗᬯᬶᬬᬢᬶ᭞ᬓᬂᬧ᭄ᬭᬤᬶᬧᬢ᭄ᬬ᭞ᬓᬶᬦᬾᬦ᭄ᬫᭂᬤᬸᬦ᭄ᬲᬧᬢᬶᬄ᭛ᬧ᭄ᬭᬂᬗᬤᬭᬢ᭄ᬲᬧᬮᬶᬄᬧ᭄ᬭᬗᬶᬂᬗᬯᬶᬬᬢ᭄᭞ᬰᬷᬖ᭄ᬭᬯᬶᬮ᭄ᬓᬵᬮ
ᬰᬺᬗ᭄ᬕᬶ᭞ᬮᬦ᭄ᬓᬵᬮᬧ᭄ᬭᬕᭀᬂᬲ᭞ᬫᭂᬤᬸᬦ᭄ᬲᬯᬤ᭄ᬬᬦ᭄ᬦᬶᬭ᭞ᬢᬶᬢᬶᬦ᭄ᬤᬶᬄᬋᬓ᭄ᬭ᭄ᬬᬦᬧᬢᬶᬄ᭞ᬲᬧᬮᬶᬄᬤᬶᬢ᭄ᬬ᭞ᬫᭂᬓ᭄ᬱᬶᬦᬾᬂᬗᬯᬶᬬᬢᬶ᭛ᬫᬫᬃᬫᬹᬃᬓ᭄ᬓᬮᬦ᭄ᬤᬾᬢ᭄ᬬᬳ
ᬫᭀᬃᬫᬹᬃᬓ᭄ᬓ᭞ᬭᬢᬸᬦᬾᬓᬂᬦᬶᬦ᭄ᬥᬶᬄᬳᬶ᭞ᬰ᭄ᬭᬷᬚᭀᬗ᭄ᬕᬶᬭᬸᬧᬓ᭄ᬱ᭞ᬫᭂᬂᬲᬄᬗᬫᬦ᭄ᬦᬶᬩᬮ᭞ᬲᬫ᭄ᬬᬗᬸᬘᬸᬮ᭄ᬓᭂᬦ᭄ᬚᭂᬫ᭄ᬧᬭᬶᬂ᭞ᬮᬶᬫ᭄ᬧᬸᬂᬫᬸᬰᬮ᭞ᬮᬗ᭄ᬕᬮᬧᬮᬸᬧᬶ᭠
ᬮᬶᬂ᭛ᬫᬶᬯᬄᬳᬶᬓᬂᬧ᭄ᬭᬂᬤᬭᬢ᭄ᬤᬶᬢ᭄ᬬᬧ᭄ᬭᬲᬫ᭄ᬬ᭞ᬳᬗ᭄ᬮᭂᬧᬲ᭄ᬲᬶᬂᬚᭂᬫ᭄ᬧᬭᬶᬂ᭞ᬮᬶᬫ᭄ᬧᬸᬂᬧᬶᬮᬶᬂᬓᬸᬦ᭄ᬢ᭞ᬕᬾᬕᬾᬃᬓᬢᬄᬧᬮᬲ᭄ᬢ᭄ᬭ᭞ᬧ᭄ᬭᬚᬸᬭᬶᬢ᭄ᬢᬶᬂᬫᬳᬾᬲ᭄ᬧᬢᬶ᭞᭠
