[᭔᭘ 48B]
᭔᭘
ᬢᬸᬳᭀᬓ᭞ᬓᬾᬗᬶᬦ᭄ᬧᬜᭀᬭᭀᬂᬜᬋᬗᬶᬦ᭄᭞ᬲᬳᬾᬓᬵᬲᬫᬶᬯᬶᬤᬕ᭄ᬥᬵ᭞ᬧᬾᬦ᭄ᬢᭂᬦ᭄ᬭᬶᬂᬳᬓ᭄ᬱᬭᬵᬳᬚᬶ᭟ᬧᬤᬡ᭄ᬥᬲᬵᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬯᬪᬵᬯᬵᬦᬶᬃᬫ᭄ᬫᬮᬵᬳ᭄ᬦᬶᬂ᭞ᬮ᭄ᬯᬶᬃᬢᬯᬂᬢᬦ᭄ᬧᬮᬥ᭞ᬫ
ᬭᬯᬢ᭄ᬭᬯᬸᬄᬓᬧᬶᬗ᭄ᬕᬶᬃ᭞ᬫᬢᬶᬢᬶᬲ᭄ᬳᬗ᭄ᬕ᭄ᬭᬦᬵᬲᬶᬓᬵ᭞ᬫᬗᬾᬓᬵᬤᬶᬚ᭄ᬭᭀᬦᬶᬂᬳᬺᬤ᭄ᬥᬶ᭟ᬧᬢᬗᬦ᭠ᬦ᭄ᬳᬶᬤᬵᬳᬮᬸᬲ᭄᭞ᬯᬾᬤᬦᬾᬩᬦ᭄ᬩᬦ᭄ᬫᬗᬢᬶᬄ᭞ᬧᬗᬲ᭄ᬢᬯᬦ᭄ᬲᬯ᭄ᬯᬢ᭄ᬮᬲ᭄᭞ᬤᬶᬯ᭄ᬯᬭᬹᬧᬵᬫᬯ᭄ᬯᬧ᭄ᬦᭀᬧᬶᬸ᭠
ᬢᬶᬄ᭞ᬢ᭄ᬯᬭᬦᬸᬫᬯᬓ᭄ᬘᬶᬗ᭄ᬓᬭᬵ᭞ᬫᬲᬮᬶᬦ᭄ᬕᭀᬩᬧ᭄ᬭᬚᬦᬶ᭟ᬲᬦᬾᬕᬮᬓ᭄ᬓᬢᬢᬓᬸᬢ᭄᭞ᬤ᭠ᬤᬶᬱᬸᬦᬄᬥᬃᬫ᭄ᬫᬳᬰᬶᬄ᭞ᬫᬲᬮᬶᬦ᭄ᬕᭀᬩᬵᬫ᭄ᬯᬂᬩᬶᬓᬲ᭄᭞ᬢᭀᬂᬳᬤᬵᬲᭂᬗ᭄ᬓᬮᬵᬩᬸᬯᬶᬦ᭄᭞ᬢᬸᬯᬶᬢᬸᬲ᭄ᬦᬶᬂᬪ
ᬱ᭄ᬫᬗ᭄ᬓᬸᬭᬵ᭞ᬧᬢᬶᬃᬢ᭄ᬢᬬᬦ᭄ᬲᬓᬶᬂᬭᬶᬳᬶᬦ᭄᭟ᬧᬦᬶᬲ᭄ᬓᬭᬵᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬢᬸᬤᬸᬄᬧᬘᬂᬫᬩᬓ᭄ᬢᬶ᭞ᬫᬢᬶᬢᬶᬲ᭄ᬫᬗ᭄ᬤᬾᬜᬶᬤᬬᬂ᭞ᬫᬫᬕᭂᬳᬂᬩᬸᬤ᭄ᬥᬶᬳ᭄ᬦᬶᬂ᭞ᬫᬗ᭄ᬤᬾᬲᬳᬾᬓᬲᬫᬢᬺ᭞ᬭᬶᬂᬳᬶᬤᬵᬧᬤᬡ᭄ᬥ
[᭔᭙ 49A]
ᬓᬮᬶᬄ᭟ᬳᬸᬧ᭄ᬢᬶᬭᬶᬂᬚ᭄ᬭᭀᬦᬶᬂᬢᬦᬸ᭞ᬭᬶᬂᬳᬢᬧ᭄ᬦᬶᬂᬲᬶᬕᬭᭀᬍᬯᬶᬄ᭞ᬧᬯᬘᬦᬵᬦ᭄ᬲᬂᬫᬤᬬᬂ᭞ᬫᬓᬵᬫᭀᬦ᭄ᬫᭀᬦ᭄ᬧᬢᬶᬳᬸᬭᬶᬧ᭄᭞ᬫᬗ᭄ᬤᬾᬳᬶᬤᬵᬢᬦ᭄ᬧᬧᬲᬄ᭞ᬲᬤᬸᬮᬸᬃᬳᬯᭀᬃᬲᬭᬵᬰ᭄ᬫᬶ᭟ᬲᬧ᭄ᬭᬮᬶ
ᬡᬵᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬶᬂᬳᬯᬂᬳᬸᬯᬸᬗᬾᬳᬶᬮᬶᬤ᭄᭞ᬲᬗ᭄ᬳ᭄ᬬᬂᬧ᭄ᬭᬢᬗ᭄ᬕᬤᬶᬧᬢ᭄ᬬ᭞ᬲᬸᬫᬸᬭᬸᬧᬶᬂᬧᬬᭀᬦᬶᬤ᭄ᬥᬶ᭞ᬩᬭᬬᬵᬩᬗᬸᬦ᭄ᬫᬓ᭄ᬚᬂ᭞ᬓᬘᬸᬧᭂᬮ᭄ᬫᬗᬜᬸᬢ᭄ᬕᬮᬶᬄ᭟ᬯᬢᭂᬓ᭄ᬳᬦ᭄ᬢᭂᬦᬭᬾᬫᬶᬮᬸ᭞ᬫᬓᬵᬤᬶ᭠
ᬳᬶᬢ᭄ᬯᬦ᭄ᬓᬸᬦ᭄ᬢᭂᬮᬶᬃ᭞ᬤᬦᬾᬦ᭄ᬕᬓᬶᬦ᭄ᬧᬭᬾᬫᬦ᭄᭞ᬤᭀᬓᬃᬲᬫ᭄ᬧᬾᬤᬵᬫᬗᬶᬭᬶᬂ᭞ᬩᬭᬬᬦᬾᬧᬤᬕᬶᬭᬂ᭞ᬫᬓ᭄ᬚᬂᬳ᭄ᬬᬫᬓᬓᬯᬶᬦ᭄᭟ᬤᬶᬫᬵᬃᬕ᭄ᬕᬦᬾᬢᬦᬾᬫᬸᬳᬸᬕ᭄᭞ᬤᬶᬧᬫ᭄ᬧᬢᬦᬾᬫᬧᬮᬶᬄ
᭞ᬢᬶᬢ᭄ᬬᬂᬫᬸᬮᬶᬄᬓᬤᬸᬦᬸᬗᬦ᭄᭞ᬩᬸᬲᬦ᭄ᬩᬸᬲᬦ᭄ᬢᭀᬮᬄᬢᭀᬮᬶᬄ᭞ᬯᬤᬄᬕᬮᬶᬄᬳᬾᬦᬸᬗᭂᬦᬄ᭞ᬢᭀᬮᬶᬄᬦᬸᬗᭂᬦᬄᬧᬩᬮᬶᬄ᭟ᬩᬸᬗᬦᬾᬧᬓ᭄ᬭᬶᬦᬶᬂᬮᬸᬳᬸᬂ᭞ᬫ᭄ᬓᬦᬾᬩᬸᬓᬵᬗᬸᬮᬧᬶᬦ᭄᭞ᬫᬗᬚ
Page:Bali-lontar-gaguritan-maselong-ka-jembrana-350ppi.pdf/49
Jump to navigation
Jump to search
This page has been proofread.
