[᭓᭓ 33B]
᭓᭓
ᬤᬶᬓᬵᬮᬶᬸᬮᬕᬸᬢᬾᬩᬶᬱᬲᬳᬶᬭᬶᬂᬬᬦ᭄ᬧᬢᬸᬢ᭄ᬦᬾᬦ᭄ᬲᬶᬩᬦᬶᬧᬶᬯᬮ᭄ᬓᬾᬦ᭄ᬲᬂᬳᬤᬶ᭠ᬕᬸᬭᬸᬦᬯᬂᬫᬤᬦ᭄ᬲᬰᬡ᭄ᬦᬵᬢᬶᬗ᭄ᬓᬄᬳᬋᬧᬾᬫᬕᬸᬲ᭄ᬢᬶᬓᬧᭀᬮᬘᬹᬃᬲᬶᬂᬤᬵᬤᬤᬶᬲᬾᬯᬓᬬᬂ᭟
ᬬᬤᬶᬦ᭄ᬢᬶᬗ᭄ᬓᬄᬫᬲᬾᬯᬓᬲᬶᬓᬸᬢ᭄ᬩᬶᬱᬵᬫᬫᬢᬶᬢᬶᬲ᭄ᬦᬾᬬᭀᬕ᭄ᬬᬧᬘᬂᬗᭀᬤᬕᬂᬲᬶᬂᬧᬶᬲᬦ᭄ᬢᬳᬾᬦ᭄ᬫᬶᬯᬮᬶᬦ᭄ᬫᬓᬵᬤᬶᬢ᭄ᬓᬾᬦ᭄ᬕᬸᬲ᭄ᬢᬶᬯᬶᬢ᭄ᬫᬓᬫᬸᬮᬦ᭄ᬢᬓᬸᬢ᭄ᬢᬸᬯᬄᬓᬸᬫᬯᬸᬮᬵᬧᬶ᭠
ᬲᬦ᭄ᬫᬓ᭄ᬦᭂᬄᬚᬢᬶᬫᬕᬸᬲ᭄ᬢᬶᬳᬶᬗᭂᬢ᭄ᬧᬶᬲᬦ᭄ᬲᬫ᭄ᬢᭀᬦ᭄ᬳᬶᬤᬵᬳᬶᬩᬧᬵ᭞ᬳᬸᬮᬶᬘ᭄ᬭᬶᬓ᭄ᬧᬶᬦᬄᬢᬸᬯ᭄ᬯᬵᬲᬶᬂᬧᬶᬲᬦ᭄ᬢᬳᬾᬦ᭄ᬫᬶᬯᬮᬶᬦ᭄ᬲᬧᬦᬸᬤᬸᬄᬗᬦ᭄ᬤᬶᬓᬬᬂᬢᬶᬢ᭄ᬬᬂᬯᬦ᭄ᬢᬄᬫ᭄ᬮᬚᬳᬶᬦ᭄ᬳᬲᬶᬂ
ᬯᬶᬓᬦ᭄ᬤᭂᬲᭂᬓᬶᬦ᭄ᬫᬓ᭄ᬦᭂᬄᬲᬳᬶᬫᬳᬸᬭᬸᬓ᭄ᬳᬧᬂᬧ᭄ᬤᬲ᭄ᬫᬦᬯᬂᬲᬦᬾᬫᬤᬦ᭄ᬩᭂᬦᭂᬄᬧ᭄ᬮᬶᬄᬫᬗ᭄ᬤᬾᬦᬯᬂᬳᬧᬦ᭄ᬫᬕᬸᬲ᭄ᬢᬶᬓᬯᬶᬢᬦ᭄᭟ᬢᭀᬲᬳᬶᬳᬗ᭄ᬕᭀᬦ᭄ᬓᭂᬦᭂᬳᬦ᭄ᬫᬗ᭄ᬤᬾᬭᬳᬬᬸᬢᭂ
[᭓᭔ 34A]
ᬧᬸᬓᬶᬦ᭄ᬮ᭄ᬕᬢᬶᬢ᭄ᬬᬂᬩᬦ᭄ᬢᬲ᭄ᬚᬸᬫᬄᬲᬶᬂᬧᬶᬲᬦ᭄ᬫᬓ᭄ᬦᭂᬄᬳᬶᬭᬶᬤ᭄ᬭᭀᬯᬓᬵᬢ᭄ᬓᬾᬦ᭄ᬕᬸᬲ᭄ᬢᬶᬳᬧᬂᬓᬶᬘᬾᬦ᭄ᬩ᭄ᬭᬦᬵᬮᬶᬬᬸᬫᬗ᭄ᬤᬵᬓᬾᬧ᭄ᬲᬸᬳᬤᬵᬫᬳᬾᬓᬵᬤᬶᬳᬸᬮᬸᬦ᭄ᬳᬢᬶᬳᬸᬲᬶᬂᬧᬶᬲᬦ᭄ᬩᬦᬶᬜᬓ᭄ᬱᬶᬬᬂ
ᬓᬾᬦ᭄ᬤᬾᬯ᭄ᬯᬵ᭟ᬬᬾᬦ᭄ᬳᬤᬵᬫᬲᬶᬄᬫᬘᬶᬳ᭄ᬦᬵᬕᭀᬩᬜᬯ᭄ᬢᬸᬓᬧᬶᬗ᭄ᬕᬶᬃᬢᭀᬓᬸᬤ᭄ᬬᬂᬧ᭠ᬘᬂᬗ᭄ᬮᬶᬤᬂᬫᬓ᭄ᬚᬂᬩ᭄ᬮᭀᬕ᭄ᬦᭂᬗᭂᬭᬶᬦ᭄ᬳᬦᬓᬾᬲᬦᬾᬭᬶᬭᬶᬄᬯᬶᬤᬕ᭄ᬤᬵᬯ᭄ᬭᬸᬳᬶᬂᬲ᭄ᬫᬸᬯ᭄ᬭᬸᬳᬶᬂᬧᬗᬸᬦᬵ᭠
ᬤᬶᬓᬵᬱ᭄ᬤᬲ᭄ᬳᭀᬭᬳᬗᬵᬧ᭄ᬕᬶᬄᬳᬯᬓ᭄ᬮᭀᬪᬵᬫᬗᬓᬸᬥᬃᬫ᭄ᬫᬧᬲᬚᬵ᭟ᬲᬚᬵᬢᭀ᭠ᬚ᭄ᬜᬳᬂᬢᬶᬢ᭄ᬬᬢ᭄ᬬᬂᬫᬗᬓᬸᬦᬾᬢ᭄ᬯᬭᬵᬚᬢᬶᬚᬢᬶᬳᬓᬾᬢᭀᬳᬶᬲᬶᬜᬩᬸᬓᬵᬦᬾᬫ᭄ᬦᬾᬓ᭄ᬤᬶᬢᬸᬮᬶᬲ᭄
ᬲᬫ᭄ᬩᬶᬮᬂᬲ᭄ᬤᬶᬄᬤᬶᬤᬸᬦᬸᬗᬦ᭄ᬫᬗ᭄ᬭᬸᬓ᭄ᬭᬸᬓ᭄ᬲᬶᬂᬤᬵᬩᬦᬶᬧ᭄ᬲᬸᬯᬦ᭄ᬳᬓᬸᬤᬂᬩᬸᬮᬦ᭄ᬳᬤᬦᬶᬦ᭄ᬲᬳᬶᬢᬦ᭄ᬤ᭄ᬭᬸᬄᬚᬢ᭄ᬬᬦᬶᬂᬤᬤᬶᬫᬦᬸᬱ᭟ᬫᬓᬵᬤᬶᬮᬶᬦ᭄ᬢᬂᬓᬢᬸᬦᬦ᭄ᬓ᭄ᬭᬦᬵᬓᬢᬦ᭄ᬤ᭄ᬭᬸᬳ
Page:Bali-lontar-gaguritan-maselong-ka-jembrana-350ppi.pdf/34
Jump to navigation
Jump to search
This page has been proofread.
