[᭗7B]
᭗
ᬓᬾᬦ᭄ᬓᬾᬦ᭄ᬩᬳᬦ᭄ᬘᬳᬶᬧᬬᬗᬶᬢᬸᬗᬶᬦ᭄᭞ᬳᬤᬵᬓᬾᬳᬶᬤᬵᬲᬂᬧ᭄ᬭᬪᬹ᭞ᬢᬦ᭄ᬧᬭᬫᬶᬰ᭄ᬯᬃᬬ᭄ᬬ᭞ᬫᬢᬸᬦ᭄ᬩᬸᬮ᭄ᬯᬦ᭄᭞ᬳᬶᬤᬸᬧᬾᬲᬢᬢᬵᬩᬮᬸ᭞ᬫᬜᬸᬓ᭄ᬮᬵ
ᬩ᭄ᬭᬳ᭄ᬫᬘᬃᬬ᭄ᬬ᭞ᬳᬶᬤᬵᬢᬦ᭄ᬫᬤ᭄ᬯᬾᬭᬩᬶ᭟ᬲᬶᬗ᭄ᬓᬾᬫᬸᬗ᭄ᬕᬸᬄᬤᬶᬰᬰᬡ᭞ᬓᬲᬶᬦᬗ᭄ᬕᬄᬕᬸᬦᬸᬂᬢᬦ᭄ᬧᬲᬺᬗ᭄ᬕᬵᬤᬶ᭞ᬯᬮᬸᬬᬜᬕᬸᬦᬸᬂᬕᬸᬦ᭄ᬤᬸᬮ᭄᭞ᬳᬧᬵᬲᬶᬧ᭄ᬯ᭠
ᬭᬜ᭞ᬗᬯᬾᬕᭂᬲᬂ᭞ᬳ᭄ᬬᬂᬳᬢ᭄ᬫᬧᬕᭂᬄᬫᬦᬸᬗ᭄ᬕᬸ᭞ᬢᬦ᭄ᬮᬲ᭄ᬬᬦᬶᬗ᭄ᬕᬮ᭄ᬓᬸᬭᬸ᭠ᬗᬦ᭄᭞ᬧᬕᭂᬄᬓᬸᬓᬸᬄᬫᬗᬸᬮᬦ᭄ᬢᬶᬂ᭟ᬭᬯᬳᬸᬳᬲᬧᬸᬦᬶᬓᬵᬯᬓ᭄ᬬᬦ᭄ᬳᬶᬤᬵᬰ᭄ᬭᬶ᭠
ᬘᬗᬓ᭄ᬤᬶᬧᬢᬶ᭞ᬳᬶᬩᬮᬶᬩᬶᬲ᭄ᬭᬭᬶᬲ᭄ᬫᬢᬹᬃ᭞ᬲᬶᬗ᭄ᬕᬶᬄᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬕᬸᬂᬳ᭠ᬫ᭄ᬧᬹᬭᬵᬳᬢᬹᬃᬢᬶᬢ᭄ᬬᬗᬾᬧᬸᬓᬸᬮᬸᬦ᭄᭞ᬫᬜᬗ᭄ᬕᬵᬮᬶᬂᬧᬘᬸᬓᬵ᭞ᬓᬤᬶ᭠
[᭘8A]
ᬢᬜᬰ᭄ᬭᬶᬪᬹᬧᬢᬶ᭟ᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬓᬯᭀᬦ᭄ᬧᬶᬲᬦ᭄ᬲᬂᬦᬵᬣᬢᬦ᭄ᬧᬭᬩᬶ᭞ᬧᬸᬦᬶᬓᬵᬳᬯᬦᬦ᭄ᬭᬢᬸ᭞ᬤᬸᬭᬸᬲ᭄ᬢᬓᬶᬢᬓ᭄ᬬᬂ᭞ᬬᬦᬶᬂᬧ᭄ᬕᬢ᭄ᬲ
ᬦ᭄ᬢᬦᬵᬧᬸᬦᬶᬓᬵᬧᬸᬢᬸᬂ᭞ᬚᬦ᭄ᬢᭂᬦ᭄ᬧᬶᬲᬦ᭄ᬓᬲᬸᬗ᭄ᬓᬦᬦ᭄᭞ᬭᬚᬵᬤᬾᬯᬢ᭄ᬣᬵᬤᬾᬯᬢ᭄ᬣᬶ᭟ᬫᬦᬹᬢ᭄ᬮᬶᬗᬶᬂᬳᬥᬶᬧᬃᬯ᭄ᬯ᭞ᬯᬦ᭄ᬢᬄᬳᬶᬤᬵᬲᬂᬚᬭᬢ᭄ᬓᬭᬸᬧᬧᬲᬶᬄ᭞ᬓᬳᬸ
ᬘᬧ᭄ᬓᬮᬶᬦ᭄ᬢᬂᬧᬸᬢᬸᬲ᭄᭞ᬢᬲᬓᬶᬂᬘᬢᬹᬃᬯᬾᬤ᭄ᬥᬵ᭞ᬫ᭄ᬯᬂᬩ᭄ᬭᬢ᭄ᬣᬢᬧᬵᬬᭀᬕ᭄ᬖᬵᬲᬫᬤᬶᬕᬶᬦᬸᬂ᭞ᬳᬯᬦᬦ᭄ᬲᬶᬤ᭄ᬥᬦᬶᬂᬭᬕᬵ᭞ᬓᬰ᭄ᬯᬃᬕ᭄ᬕᬦ᭄ᬳᬸᬮᬂᬳᬸᬮᬶᬄ᭟ᬭᬶᬓᬵᬮᬳᬶ
ᬤᬵᬭᬶᬂᬓᬾᬦ᭄ᬤ᭄ᬭᬦ᭄᭞ᬫᬮᬬ᭄ᬘᬭᬦ᭄ᬳᬶᬤᬵᬫᬓᬬᬸᬦ᭄ᬗᬓ᭄ᬱᬶ᭞ᬭᬭᬶᬲ᭄ᬜᬸᬚᬹᬃᬓ᭄ᬮᭀᬤ᭄ᬓᬯᬸᬄ᭞ᬭᬯᬸᬄᬭᬶᬂᬦᬭᬓᬵᬮᭀᬓᬵ᭞ᬮᬶᬦ᭄ᬢᬂᬓᬢᬄ᭞ᬳᬢ᭄ᬫᬦᬵᬭᬓᬵᬓ
Page:Bali-lontar-gaguritan-manukan-400ppi.pdf/8
Jump to navigation
Jump to search
This page has been proofread.
