[᭕᭖56B]
᭕᭖
ᬓᬦ᭄ᬓᬾᬦ᭄ᬘᬳᬶᬘᬍᬧᬸᬓ᭄᭞ᬫᬶᬯᬄᬓᬾᬘᬳᬶᬗᭀᬲ᭄ᬗᭀᬲᬦ᭄᭞ᬧ᭄ᬭᬕᬢᬂᬫᬮᬸᬜᬢ᭄ᬯᬬᬂ᭟ᬳᬶᬗᭀᬲ᭄ᬗᭀᬲᬦ᭄ᬫᬮᬶᬄᬫᬦᬶᬫ᭄ᬩᬮ᭄ᬳᬢᬹᬃ᭞ᬲᬶᬗ᭄ᬕᬶᬄᬤᬾᬯᬦ᭄ᬢᬶᬢ᭄ᬬᬂ
᭞ᬲᬂᬫᬓᬵᬘᬢ᭄ᬭᬦᬶᬂᬪᬹᬫᬶ᭞ᬬᬦ᭄ᬯᬦ᭄ᬢᬄᬳᬆᬃᬱᬳᬶᬭᬢᬸ᭞ᬳᬢᬹᬃᬢᬶᬢ᭄ᬬᬗᬾᬳᬶᬮᬘᬹᬃ᭞ᬦᬶᬃᬕᬸᬡᬤᬤᭀᬲ᭄ᬧᬗᬬᬄ᭞ᬧᬘᬂᬫᬸᬗ᭄ᬯᬂᬳᬢᬹᬃ᭞ᬩᭀᬬᬲᬓᬶᬂᬍᬫᬄᬫᬦᬄ
᭞ᬜᬤ᭄ᬲᬤᬶᬦ᭄ᬧᬤ᭄ᬥᬵᬦ᭄ᬲᬂᬦᬵᬣ᭟ᬯᬦ᭄ᬢᬄᬯ᭄ᬬᬓ᭄ᬢᬶᬢᬶᬢ᭄ᬬᬂᬮᬶᬦ᭄ᬢᬂᬓᬶᬫᬸᬤ᭄᭞ᬗᬢᬹᬭᬂᬧᬗᬬᬄ᭞ᬫᭂᬜᬶᬢᬾᬫᬹᬮᬫᬳᬸᬫ᭄ᬩᬶ᭞ᬲᬓᬤᬶᬢᬦ᭄ᬫᬩᬸᬢᬸᬄ᭞ᬢᬦ᭄ᬧᬸᬭᬸ
ᬦ᭄ᬧᬘᬂᬫᬢᬭᬸᬂ᭞ᬦᬶᬓᬶᬯᬾᬦ᭄ᬢᭂᬦ᭄ᬲᬓ᭄ᬱᬶᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬳᬶᬧᬸᬦ᭄ᬘᬍᬧᬸᬓ᭄᭞ᬤᬸᬭᬸᬲ᭄ᬳᬶᬭᬢᬸᬦᬓᬾᬦᬂ᭞ᬧᬫᬃᬕ᭄ᬕᬦ᭄ᬢᬶᬢ᭄ᬬᬗᬾᬲᬫ᭄ᬬᬦ᭄᭟ᬲᬂᬦᬵᬣᬫᬗ᭄ᬓᬾ᭠
[᭕᭗57A]
ᬲᬶᬭᬵᬳᬫᬸᬯᬸᬲ᭄᭞ᬤᬸᬄᬘᬼᬧᬸᬓ᭄ᬮᬯᬸᬢᬂ᭞ᬲᬢ᭄ᬯᬬᬂᬳᬸᬦ᭄ᬤᬸᬓᬾᬗᬹᬦᬶ᭞ᬢᬶᬗ᭄ᬓᬳᬾᬫᬶᬦᬂᬲᬗᬬᬸ᭞ᬦᬸᬮᬶᬦᬯᬶᬲ᭄ᬳᬶᬘᬍᬧᬸᬓ᭄᭞ᬤᬸᬭᬸᬲ᭄ᬭᬢᬸᬧ᭄ᬬᬃᬱᬬᬂ᭞ᬬᬦ᭄ᬢᬶᬢ᭄ᬬᬂᬫᬗ
ᬕᬸᬳᬕᬸ᭞ᬲᬓᬵᬮᬦᬶᬲ᭄ᬓᬮᬵᬢᬶᬢ᭄ᬬᬂ᭞ᬮᬾᬤᬂᬳᬶᬭᬢᬸᬦᬶᬩᬓᬂ᭟ᬳᬸᬢ᭄ᬲᬳᬦ᭄ᬢᬶᬢ᭄ᬬᬗᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬤᬸᬓᬾᬭᬶᬂᬧᬓᬕᬦ᭄᭞ᬓᬦ᭄ᬢᭀᬲ᭄ᬢᬶᬢ᭄ᬬᬂᬤᬤᭀ᭠
ᬲ᭄ᬕ᭄ᬭᬶᬂ᭞ᬗ᭄ᬮᬭᬂᬤᬹᬃᬕ᭄ᬕᬵᬧᬦ᭄ᬮᬸᬄ᭞ᬓᬢᬄᬬᬦ᭄ᬫᬮᬶᬄᬓᬯᬸᬯᬸᬲ᭄᭞ᬦᬗ᭄ᬳᬶᬂᬓᬾᬢᬦ᭄ᬲᬶᬤ᭄ᬥᬳᬧ᭄ᬢ᭄ᬬ᭞ᬭᬾᬄᬲᬂᬤ᭄ᬬᬄᬧᬸᬢ᭄ᬭᬶᬲ᭄ᬬᬸᬂ᭞ᬲᬓ᭄ᬢᬶᬦᬾᬓᬩᬶᬦᬵᬩᬶᬦᬵ᭞ᬢᬦ᭄ᬯᬾᬦ᭄ᬢᭂᬦ᭄ᬲ
ᬭᬸᬦ᭄ᬫᬢᬗ᭄ᬕᬮ᭄᭟ᬮ᭄ᬯᬶᬃᬩᬶᬘᬭᬵᬫ᭄ᬯᬄᬲᬓᬢᬄᬧᬦ᭄ᬮᬸᬄ᭞ᬧᬦ᭄ᬗᭂᬦ᭄ᬧᬗᬶᬯ᭄ᬯᬵ᭞ᬲᬶᬂᬫᬧᬧᬲ᭄ᬲᬶᬃᬡ᭄ᬦᬪᬱ᭄ᬫᬶ᭞ᬲᬧᬲᬶᬭᬵᬧᬘᬂᬧᬸᬭᬸᬦ᭄᭞ᬳᬶᬧᬸᬦ᭄ᬳᬶᬗᭀᬲ᭄ᬗᭀᬲᬦ᭄ᬦᬸᬗ᭄ᬓᬸᬮ᭄᭞᭠
Page:Bali-lontar-gaguritan-manukan-400ppi.pdf/57
Jump to navigation
Jump to search
This page has been proofread.
