[᭕᭑51B]
᭕᭑
ᬓᬧᬶᬢ᭄ᬮᬦ᭄ᬩᬸᬗᬸᬢ᭄᭞ᬲᬦᬾᬧᬘᬂᬜᬗ᭄ᬓᬮᬾᬦᬶᬦ᭄᭞ᬭᬶᬂᬳᬸᬦ᭄ᬢᬸᬢ᭄ᬯᬦ᭄ᬢᬄᬕ᭄ᬦᬄᬜ᭞ᬲᬶᬗᬶᬤ᭄ᬢᬦ᭄ᬲᬶᬤ᭄ᬥᬵᬢᬗᬭᬶᬦ᭄᭞ᬲᬶᬬᭀᬲ᭄ᬭᬶᬂᬳᬶᬧᬸᬦ᭄ᬳᬶᬫᬘᬦ᭄ᬫ᭄ᬩᬸᬗᬸᬢ᭄ᬳᬶᬧᬸᬦᬾ
ᬚ᭄ᬭᬶᬳᬶᬦ᭄᭟ᬤᬳᬢ᭄ᬫᬳᬸᬢ᭄ᬢᬫᬵᬭᬢᬸ᭞ᬬᬦ᭄ᬓ᭄ᬓᬬᬸᬦ᭄ᬫᬗᬸᬮᬶᬳᬸᬮᬶᬄ᭞ᬫᬦᬶᬫ᭄ᬩᬂᬦᬶᬫ᭄ᬩᬂ᭠ᬯᬶᬭᬱ᭞ᬫᬦᬹᬢᬶᬂᬓᬓ᭄ᬘᬧ᭄ᬳᬚᬶ᭞ᬲᬶᬦᬄᬲᬶᬤ᭄ᬥᬵᬲᬶᬂᬓᬬᬸᬦᬂ᭞ᬬᬦ᭄ᬲᬵᬫ᭄ᬧᬸᬦ᭄ᬲᬸᬚᬢᬶ
ᬢᬶᬮᬶᬂ᭟ᬤᬸᬭᬸᬂᬧᬸᬧᬸᬢ᭄ᬲᬗᬫᬸᬯᬸᬲ᭄᭞ᬲᬕᬾᬢᬦ᭄ᬲᬂᬓᬮᬶᬄᬧ᭄ᬭᬧ᭄ᬢᬶ᭞ᬭᬶᬂᬦᬢᬃᬲᬵᬫ᭄ᬧᬸᬦ᭄ᬫᬜᬸᬫ᭄ᬩᬄ᭞ᬳᬢᬹᬭᬾᬫᬲ᭄ᬫᬸᬲ᭄ᬤᬶᬄ᭞ᬲᬂᬦᬵᬣᬵᬕ᭄ᬮᬶᬲ᭄ᬗᬦ᭄ᬤᬶᬓᬵ᭞ᬤᭀᬂᬧᬳᭂᬓᬂᬓᬸ
ᬤᬵᬫᬳᬶ᭟ᬳᬶᬗᭀᬲ᭄ᬗᭀᬲᬦ᭄ᬳᬶᬘᬍᬧᬸᬓ᭄᭞ᬓᬶᬧᬓ᭄ᬓᬶᬧᭂᬓ᭄ᬲᬮᬶᬂᬢᭀᬮᬶᬄ᭞ᬢᭀᬂᬳᬤᬵᬩᬦᬶᬫᬮ᭄ᬯᬦ᭄᭞ᬜᭂᬄᬩᬬᬸᬦᬾᬧᬘᬂᬲᬶᬲᬶᬧ᭄᭞ᬯᬶᬭᬾᬄᬢ᭄ᬯᬭᬵ
[᭕᭒52A]
ᬫᬜᬶᬤᬬᬂ᭞ᬦ᭄ᬦᬕᬶᬗᬶᬦ᭄ᬳ᭄ᬬᬸᬦ᭄ᬳᬶᬕᬸᬲ᭄ᬢᬶ᭟ᬫᬦᭀᬕᬲᬂᬳᬶᬘᬍᬧᬸᬓ᭄᭞ᬳᬶᬗᭀᬲ᭄ᬗᭀᬲᬦ᭄ᬫᬦᭀᬭᬶᬦᬶᬦ᭄᭞ᬢᬶᬦ᭄ᬤᬓᬦᬾᬲᬤ᭄ᬥᬵᬕᬬᬮ᭄᭞ᬫᬗᬸᬦ᭄ᬢᬸᬓ᭄ᬫᬲᭂᬩᭂᬂᬚ᭄ᬗᬶ
ᬲ᭄᭞ᬫᬜᬸᬚᬹᬃᬮᬶᬗ᭄ᬕᬶᬄᬲᬂᬦᬵᬣ᭞ᬜᭀᬗ᭄ᬓᭀᬓ᭄ᬫᬗᬢᬹᬭᬂᬪᬓ᭄ᬢᬶ᭟ᬲᬶᬗ᭄ᬕᬶᬄᬭᬢᬸᬰ᭄ᬭᬶᬧᬸᬓᬸᬮᬸᬦ᭄᭞ᬲᬂᬫᬓᬵᬘᬢ᭄ᬭᬪᬸᬫᬶ᭞ᬦᭂᬤᬸᬗᬶᬦ᭄ᬚᬕᬢ᭄ᬫᬦᬹᬓᬦ᭄᭞ᬫ᭄ᬭᬕᬵᬉ
ᬢ᭄ᬧᬢᬶᬲ᭄ᬣᬶᬢᬶ᭞ᬫᬓᬫᬶᬯᬄᬧᬭᬮᬶᬡ᭞ᬗ᭄ᬯᬶᬰᬾᬱᬳᬶᬧᬓ᭄ᬱᬶᬲᬫᬶ᭟ᬤᬕᬶᬂ᭠ᬢᬶᬢ᭄ᬬᬂᬫᬗᬮᬸᬗ᭄ᬲᬹᬃ᭞ᬮᬾᬤᬂᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬲ᭄ᬯᬾᬘᬳᬶᬤᬾᬯᬫ᭠
ᬜ᭄ᬚᬓᬂ᭞ᬧᬸᬦᬶᬓᬶᬳᬶᬳᬲᬸᬕᬸᬤᬶᬕ᭄᭞ᬜᭂᬧᬸᬗᬶᬦ᭄ᬳ᭄ᬬᬸᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬗᬃᬤ᭄ᬥᬶ᭠ᬘ᭄ᬫᭂᬂᬭᬶᬂᬦᬵᬕᬭᬶ᭟ᬯᬦ᭄ᬢᬄᬢᬦ᭄ᬲᬶᬤ᭄ᬥᬵᬦᬶᬂᬓᬬᬸᬦ᭄᭞ᬢᬶᬢ᭄ᬬᬂᬓᬳᬸᬢᬸᬲ᭄ᬫᬫᬃᬕ᭄ᬕᬶ᭞᭠
Page:Bali-lontar-gaguritan-manukan-400ppi.pdf/52
Jump to navigation
Jump to search
This page has been proofread.
