[᭔4B]
᭔
ᬲᬧᬸᬦᬶᬓᬵᬩ᭄ᬯᬢ᭄ᬧᬫᬸᬚᬶᬦᬶᬭᬲᬂᬦᬵᬣ᭞ᬳᬶᬕᭀᬯᬓ᭄ᬓ᭄ᬜᬸᬲ᭄ᬓᭂᬜᬸᬲ᭄᭞ᬭᬾᬄᬤᬾᬯᬾᬓ᭄ᬓᬳᬚᬸᬫ᭄᭞ᬳᬦ᭄ᬢᬸᬓ᭄ᬳᬶᬤᬵᬰ᭄ᬭᬶᬦ᭄ᬤ᭄ᬭᬵᬧᬢᬶ᭞ᬲᬬᬦ᭄ᬫᬯᬸᬯᬸᬄᬩᬶᬦ
ᬮ᭄᭞ᬫᬤ᭄ᬥᬫᭀᬳᬦᬾᬫᬜᬸᬲᬸᬧ᭄᭞ᬫᬮᬢᬸᬮᬢᬸᬩᬺᬓᬧᬓ᭄᭞ᬢᬶᬗ᭄ᬓᬳᬾᬗᬤᭂᬕ᭄ᬤᬶᬧᬵᬢᬶ᭞ᬧ᭄ᬭᬓᬦ᭄ᬢᬶᬳᭀᬜᬂᬳᬾᬦ᭄ᬤᬾᬧᬂ᭞ᬗ᭄ᬭᬱᬵᬤᬾᬯᬾᬓ᭄ᬧᬮᬶᬂ
ᬳᬕᬸᬂ᭟ᬫᬓ᭄ᬚᬂᬳᭂᬜ᭄ᬚᬸᬄᬳᭀᬭᬶᬦᬶᬦ᭄ᬢᬦ᭄ᬧᬢᬢᬵ᭞ᬧᬥᬓᬤᬾᬦ᭄ᬢᬓᬸᬢ᭄᭞ᬭᬾᬄᬧᬥᬫᬗᬸᬦ᭄ᬢᬸᬓ᭄᭞ᬜᬫᬓᬓᬦ᭄ᬢᬾᬦᬦ᭄ᬲᬫᬶ᭞ᬘ᭄ᬭᬶᬓ᭄ᬢ᭄ᬯᬩᬚᬂ᭞ᬫᬓ᭄ᬚᬂᬓᬲ᭠
ᬭᬸᬲᬭᬸ᭞ᬭᬾᬄᬲᬸᬩᬵᬫᬳᬦ᭄ᬢᭂᬕᬓ᭄᭞ᬓᭀᬗᭀᬲᬶᬦ᭄ᬧ᭄ᬮᬗ᭄ᬓᬫᬉᬓᬶᬃ᭞᭠ᬧᬶᬤᬦ᭄ᬤᬸᬓᬾᬦᬸᬲᬗ᭄ᬰᬭᬵ᭞ᬦᬭᬓᬵᬫᬫᬸᬂᬧᬂᬮᬓᬸ᭟ᬫᬓ᭄ᬚᬂᬧᬶᬲᬕᬵᬓᬯᬸᬓᬶᬦ᭄
[᭕5A]
ᬓᬳᬚᬓᬦ᭄᭞ᬫᬦᭂᬫ᭄ᬧᬶᬮ᭄ᬦᭂᬫ᭄ᬧᬶᬮ᭄ᬮᬘᬹᬃ᭞ᬧᭂᬲᬸᬫᬸᬜᬶᬳᬮᬸᬲ᭄᭞ᬢᬶᬗ᭄ᬓᬳᬾᬫᬗᬲᬶᬳᬲᬶᬄ᭞ᬲᬮᬸᬂᬮᬸᬂᬲᬪᬬᬵᬦ᭄ᬢᬓᬵ᭞ᬫᬢᬶᬳᬶᬤᬸᬧ᭄ᬲᬤ᭄ᬬᬮᬘᬹᬃ᭞ᬩᬋᬂ
ᬳᬚᬓ᭄ᬚᭂᬮᬾᬫ᭄ᬮᬄ᭞ᬜᬾᬦ᭄ᬧᬢᬸᬢ᭄ᬧᬘᬂᬧᬮᬭᬶᬦ᭄᭞ᬳᭂᬦ᭄ᬢᭀᬓ᭄ᬭᬡᬲᬕᬺᬳᬦ᭄ᬦᬸᬮᬸᬗᬶᬦ᭄ᬳᬶᬓᬯᬄᬳᭂᬦ᭄ᬤᬸᬢ᭄᭟ᬳᬶᬭᬶᬓᬵᬭᬭᬶᬲ᭄ᬫᬜᬯᬶᬲ᭄ᬲᬳᬵ
ᬲᭂᬫ᭄ᬩᬄ᭞ᬳᬶᬧᬸᬦ᭄ᬳᬶᬢᬸᬳᬸᬢᬸᬳᬸ᭞ᬲᬶᬗ᭄ᬕᬶᬄᬭᬢᬸᬤ᭄ᬯᬕᬸᬂ᭞ᬧᬗᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬳᬓ᭄ᬱᬶ᭞ᬳᬗ᭄ᬕᬾᬦ᭄ᬲᬤ᭄ᬲᬤ᭄ᬧᬤ᭄ᬥᬵ᭞ᬲᬮᬫᬶᬮᬫᬶᬦᬶᬂᬢᬸᬯᬸᬄ᭞ᬢᬶᬢ᭄ᬬᬂᬲᬤ᭄ᬬᬗᬬᬄ᭞
ᬭᬶᬂᬮᬶᬗ᭄ᬕᬶᬄᬰ᭄ᬭᬶᬦ᭄ᬤ᭄ᬭᬧᬵᬢᬶ᭞ᬲᬓᬹᬮᬵᬯᬃᬕ᭄ᬕᬲᬫ᭄ᬬᬦ᭄᭞ᬫᬗ᭄ᬤᬵᬢᬦ᭄ᬲᬄᬭᬶᬂᬳᬶᬭᬢᬸ᭟ᬯᬦ᭄ᬢᬄᬭᬢᬸᬢ᭄ᬯᬶᬬᬓ᭄ᬢᬶᬲᬧᬸᬦᬶᬓᬵ᭞ᬳᬤᬶᬳᬢᬹᬃᬳᬶᬧᬸᬦ᭄᭞᭠
Page:Bali-lontar-gaguritan-manukan-400ppi.pdf/5
Jump to navigation
Jump to search
This page has been proofread.
