[᭔᭑41B]
᭔᭑
ᬢᬩᬸᬳᬾᬕ᭄ᬢᬃ᭞ᬫᬶᬦᬩ᭄ᬗᭂᬚᭀᬢ᭄ᬭᬸᬚᬓ᭄ᬕᬥᬸᬂ᭞ᬬᬾᬦ᭄ᬧᬤᬾᬧᬘᬂᬳᬚᭂᬗᬂ᭞ᬗᬮ᭄ᬗᭂᬳᬶᬦ᭄᭞ᬲᭂᬫ᭄ᬓᬮᬵᬬᬦᬶᬂᬮᬮ᭄ᬯᬂ᭟ᬯᬦ᭄ᬢᬄᬳᬶᬧᬸᬦ᭄ᬳᬶᬜᬦ᭄ᬢᬶᬢ᭄ᬬᬂ᭞ᬳᬶᬘ᭄ᬭᬸ
ᬓ᭄ᬘᬸᬓ᭄ᬳᬶᬫ᭄ᬭᬓ᭄ᬳᬮᬶᬢ᭄᭞ᬫᬓᬵᬤᬶᬜᬳᬶᬩᬸᬘᬶᬘᬵ᭞ᬫᬩᬯᬵᬲ᭄ᬲᬳᬵᬫᬦᬸᬦ᭄ᬤᬸᬂ᭞ᬫᬸᬜᬶᬜᬦ᭄ᬢᭂᬮ᭄ᬗᭂᬢᭂᬮ᭄ᬫᬦᬄ᭞ᬗᬯᬾᬭᬸᬡ᭄ᬝᬶᬓ᭄᭞ᬫᬗᬃᬤ᭄ᬥᬶᬲᬂᬓᬵᬮᬶᬄᬩᬸᬤ
ᬮ᭄᭟ᬲᬶᬗ᭄ᬕᬶᬄᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬲᬫ᭄ᬧᬸᬦ᭄ᬩᬲ᭄ᬩᬗᭂᬢ᭄ᬫᬶᬦᭂᬳᬶᬦ᭄᭞ᬩᬗ᭄ᬕᬬᬂᬢ᭄ᬬᬂᬘᬭᬸᬯᬂ᭞ᬫᬧᬕᬶᬦ᭄ᬳᬶᬧᬸᬦ᭄ᬳᬶᬘ᭄ᬮᭂᬧᬸᬓ᭄᭞ᬓᬵᬮᬶᬄᬳᬶᬧᬸᬦ᭄ᬳᬶᬗᭀᬲ᭄ᬗᭀᬲ
ᬦ᭄᭞ᬲᬦᬾᬚᬸᬢᬶ᭞ᬧᬸᬭᬸᬦ᭄ᬗᬼᬢᭂᬳᬶᬦ᭄ᬦᬵᬕᬭᬵ᭟ᬤᭀᬦᬶᬂᬢᬶᬢ᭄ᬬᬂᬲᬵ᭠ᬫ᭄ᬧᬸᬦ᭄ᬢᬢᬲ᭄᭞ᬮᬦ᭄ᬢᬭᬦ᭄ᬳᬶᬧᬸᬦᬾᬲ᭄ᬗᬶᬢ᭄᭞ᬯᬦ᭄ᬢᬄᬲᬓᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬢ
[᭔᭒42A]
ᬦ᭄ᬦᬕᬶᬗᬶᬦ᭄ᬫᬵᬦᬄᬳᬶᬧᬸᬦ᭄ᬩᬗ᭄ᬕ᭄ᬬᬂᬢᬶᬢ᭄ᬬᬂᬫᬦᬫ᭄ᬧᭂᬤᬂ᭞ᬫᬗᬋᬧᬶᬦ᭄᭞ᬲᬭᬯᬸᬄᬳᬶᬧᬸᬦᬾᬲᬫ᭄ᬬᬦ᭄᭟ᬓᬥ᭄ᬬᬗ᭄ᬕᬦ᭄ᬫᬦᬥᬄᬳᬸᬮᬫ᭄᭞ᬧᬲ᭄ᬢᬶᬓᭀᬧᬸᬭᬸ
ᬦ᭄ᬫᬘᬘᬶᬂ᭞ᬫᬦᬧᬶᬲᬢ᭄ᬓᬦ᭄ᬢᬶᬢᬄ᭞ᬬᬤ᭄ᬬᬦ᭄ᬢᬾᬫᬤᬾᬯᬾᬓ᭄ᬳ᭄ᬮᬸᬄ᭞ᬲᬸᬫᬤ᭄ᬬᬢᬶᬢ᭄ᬬᬂᬫᬗᬬᬄ᭞ᬭᬶᬂᬦᬵᬕᬭᬶ᭞ᬗᬃᬤ᭄ᬥᬶᬦᬶᬦ᭄ᬓᬚᬕᬢ᭄ᬥᬶᬢᬦ᭄᭟ᬲᬂᬧ᭄ᬭᬪᬹ᭠
ᬭᬱᬓᬾᬫ᭄ᬗᬦ᭄᭞ᬫᬶᬋᬂᬳᬢᬹᬃᬭᬵᬚᬧᬸᬢ᭄ᬭᬶ᭞ᬓᬬᬸᬦᬾᬳ᭄ᬜᬕ᭄ᬧᬢ᭄ᬮᬤ᭄ᬢᬤ᭄᭞ᬭᬱᬬᬂᬳ᭄ᬬᬂᬚᬶᬯ᭄ᬯᬵᬳ᭄ᬫᬹᬃ᭞ᬗᬦ᭄ᬤᬶᬓᬳᬶᬤᬵᬦᭀᬕᬲᬂ᭞ᬳᬸᬤᬸᬄᬘ᭄ᬦᬶᬂ᭞ᬫ᭄ᬮᬳᬂᬚ᭄ᬯ
ᬗᬩᬳᬯᬓ᭄᭟ᬩᬧᬵᬘᬸᬢᭂᬢ᭄ᬫᬜ᭄ᬭᬳᬂ᭞ᬓᬗ᭄ᬕᭀᬤᬾᬯᬫᬗᬶᬢᬸᬗᬶᬦ᭄᭞ᬬᬤᬶᬦ᭄ᬚ᭄ᬮᬾᬫᬶᬯᬄᬫ᭄ᬮᬄ᭞ᬳᬶᬤᬾᬯᬓᬫᬸᬮᬦ᭄ᬧᬢᬸᬢ᭄᭞ᬗ᭄ᬯᬶᬰᬾᬱᬚᬕ᭠
Page:Bali-lontar-gaguritan-manukan-400ppi.pdf/42
Jump to navigation
Jump to search
This page has been proofread.
