[᭓᭔34B]
᭓᭔
ᬭᬷᬭᬵᬫᬭᬱᬧᬸᬬᬸᬂ᭞ᬳᬢᭂᬧ᭄ᬧ᭄ᬭᬣᬶᬯᬶᬅᬓᬰᬵᬯ᭄ᬢᬸᬯ᭄ᬗᬶ᭞ᬗᬮᬶᬧᬸᬢ᭄ᬢᬦ᭄ᬧᬲᬶᬗ᭄ᬓᬩᬦ᭄᭟ᬭᬶᬂᬢ᭄ᬗᬄᬧᬸᬦᬶᬓᬵ᭞ᬯ᭄ᬢᬸᬕᬮᬂᬓᬤᬶᬚᬯᬶ᭞ᬕᬮᬗᬾᬫᬮᬶᬄ
ᬳᬸᬍᬗᬂ᭞ᬯ᭄ᬢᬸᬘᬬᬵᬳᭂᬦ᭄ᬤᬶᬄᬫᬸᬭᬸᬩ᭄᭞ᬗᬶᬘᬮᬂᬯ᭄ᬗᬶᬳᬶᬦᬸᬘᬧ᭄᭞ᬘᬶᬭᬶᬮ᭄ᬯᬶᬄᬧᬘᬂᬫᬗ᭄ᬕᬸᬳᬂᬲ᭄ᬯᬲᬤ᭄ᬬᬦ᭄᭟ᬓᬵᬮᬧᬸᬦᬶᬓᬵᬫᬢ᭄ᬓᬂ᭞ᬗᬃᬘ᭄ᬘᬡᬲᬂᬳ᭄ᬬᬂᬪᬾᬭ
ᬯᬶ᭞ᬳᬚᬳᬦ᭄ᬯᬾᬦ᭄ᬢᭂᬦ᭄ᬧ᭄ᬭᬘᬶᬳ᭄ᬦᬵ᭞ᬓᬸᬫᬂᬫᬂᬭᬯᬸᬄᬗᬮᬸᬮᬸᬓ᭄᭞ᬳᭂᬜ᭄ᬚᭂᬓ᭄ᬧᬸᬧᬸᬢᬗᬦ᭄ᬢᬗᬦ᭄᭞ᬲᬫᬶᬗᭂᬦ᭄ᬤᬶᬄ᭟ᬪᬹᬝᬵᬩ᭄ᬮᭀᬄᬳᬜ᭄ᬚᬳᬜ᭄ᬚ᭟ᬳᬍᬦᬦ᭄ᬢᭂ
ᬓᬵᬮᬦ᭄ᬓ᭄ᬮᬩᬂ᭞ᬩ᭄ᬮᬓᬲ᭄ᬫᬶᬯᬄᬧᬗᬸᬢᬶᬓ᭄᭞ᬗᬋᬢᭂᬓ᭄ᬢᬦ᭄ᬧᬧ᭄ᬕᬢᬦ᭄᭞᭠ᬮᬦ᭄ᬢᬲ᭄ᬢᭂᬓᬵᬳᬶᬕ᭄ᬭᬫᬸᬲ᭄᭞ᬲᭀᬮᬳᬾᬗᬺᬲ᭄ᬋᬲᬂᬫᬦᬄ᭞ᬗᬯᬾᬚ᭄ᬭᬶᬄ᭞ᬫᬗᬶ
[᭓᭕35A]
ᬕᭂᬮ᭄ᬫᬗᬩᬵᬩᬾᬭᬂ᭟ᬳᬚᬳᬦ᭄ᬕᬕᭀᬤᬦ᭄ᬳᬶᬘᬮ᭄᭞ᬚᬕ᭄ᬫᬶᬚᬶᬮ᭄ᬳᬶᬤᬵᬪᬝᬵᬭᬶ᭞ᬯᬃᬡ᭄ᬦᬦᬾᬤᬹᬃᬕ᭄ᬕᬵᬓᬢᬭᬵ᭞ᬫᬲ᭄ᬓᬃᬓᬃᬡ᭄ᬦᬧᬧᬭᬸ᭞ᬫᬲᬮᬶᬫ᭄ᬫ᭄ᬧᭂᬢ᭄ᬩᬲᬂᬩᬲᬂ
᭞ᬗᬯᬾᬭᬶᬫ᭄ᬭᬶᬫ᭄᭞ᬮᬶᬫ᭄ᬧᬵᬓᬗ᭄ᬕᬾᬦ᭄ᬕ᭄ᬮᬂᬓᬦᬵ᭟ᬯᬃᬡ᭄ᬦᬦᬾᬓᬩᬶᬦᬵᬩᬶᬦᬵ᭞ᬩᬶᬮᬂᬲᬦ᭄ᬤᬶᬫᬶᬚᬶᬮ᭄ᬖ᭄ᬦᬶ᭞ᬮᬶᬤᬳᬾᬧᬜ᭄ᬚᬂᬫᬮᬾᬫᬤ᭄᭞ᬳᭂᬦ᭄ᬤᬶ᭠
ᬳᬦ᭄ᬕᭂᬦᬶᬦᬾᬧ᭄ᬮᬸᬂ᭞ᬳᬜᬢᬹᬃᬮᬸᬫᬶᬜ᭄ᬘᬓ᭄ᬮᬶᬜ᭄ᬘᬓ᭄᭞ᬫᬜ᭄ᬘᬩᬸᬫᬶ᭞ᬮᬶᬦᬶᬫ᭄ᬩᬾᬮᬶᬫ᭄ᬩᬾᬳᬮᬤ᭄᭟ᬳᬶᬘᬍᬧᬸᬓ᭄ᬭᬭᬶᬲ᭄ᬫᬜᬕ᭄ᬚᬕ᭄᭞ᬳᬶᬗᭀᬲ᭄ᬗᭀᬲᬦ᭄ᬫ
ᬜᬋᬗᬶᬦ᭄᭞ᬫᬜᭀᬗ᭄ᬓᭀᬓ᭄ᬫᬵᬢᬹᬃᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬧᬥᬸᬓᬵᬧᬸ᭠ᬓᬸᬮᬸᬦ᭄᭞ᬭᬢᬸᬳᬓ᭄ᬱᬶᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬫᬵᬢᬹᬃᬲᬶᬲᬶᬧ᭄᭞ᬢᬦ᭄ᬧᬥᬲᬃᬳᬢᬹᬃ
Page:Bali-lontar-gaguritan-manukan-400ppi.pdf/35
Jump to navigation
Jump to search
This page has been proofread.
