[᭒᭓23B]
᭒᭓
ᬦ᭄᭞ᬢᬦ᭄ᬧᬫᬦ᭄ᬢ᭄ᬭᬵᬲᬶᬤ᭄ᬥᬵᬫᬦ᭄ᬤ᭄ᬬᬵ᭟ᬳᬸᬦᬶᬂᬦᭂᬫ᭄ᬧᬹᬃᬲᬸᬗ᭄ᬓᬦ᭄ᬳᬸᬬᬂ᭞ᬲᬶᬤ᭄ᬥᬵᬯᬭ᭠ᬲ᭄ᬧᬭᬵᬫᬗ᭄ᬓᬶᬦ᭄᭞ᬲᬭᬕᬢ᭄ᬭᬕᬢ᭄ᬧᬶᬦᬸᬗ᭄ᬓᬦ᭄᭞ᬩᭀᬬᬵᬧᬘᬂᬫᬶᬗ᭄ᬓᬮᬶᬳᬶ
ᬦ᭄᭞ᬳᬲᬮ᭄ᬲᬵᬫ᭄ᬧᬸᬦ᭄ᬢᬶᬩᬓᬶᬦ᭄᭞ᬮᬭᬵᬯᬶᬡ᭄ᬦᬦᬾᬳ᭄ᬫᬹᬃ᭞ᬢ᭄ᬮᬲ᭄ᬓᬤᬶᬲᬧᬸᬢᬂ᭞ᬢᬦ᭄ᬧᬸᬭᬸᬦ᭄ᬓᬦ᭄ᬢᬸᬦ᭄ᬫᬶᬘᬭᬶ᭞ᬲᬓ᭄ᬱᬢ᭄ᬭᬢᬸ᭞ᬓ᭄ᬦᬶᬯᬶᬚᬵᬬᬓᬸᬲᬸᬫᬵ᭟ᬢᬦ᭄ᬮ᭄ᬬᬦ᭄ᬲ
ᬦᬾᬮᬸᬗ᭄ᬲᬹᬃᬢᬶᬢ᭄ᬬᬂ᭞ᬳᬶᬤᬵᬲᬂᬫᬡᬶᬓᬶᬂᬧᬸᬭᬶ᭞ᬫᬗ᭄ᬤᬵᬲ᭄ᬯᬾᬘᬵᬫᬗ᭄ᬮᬾᬲᬂ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬢ᭄ᬕᬸᬮ᭄ᬫᬓ᭄ᬭᬗ᭄ᬓᬾᬂᬩᭂᬲᬶ᭞ᬧᬜ᭄ᬚᬭᬦ᭄ᬲᬂᬳ᭄ᬬᬂᬫᬦᭀ
ᬪᬹ᭞ᬮᬫᬶᬲᬵᬫ᭄ᬧᬸᬦ᭄ᬓᬲ᭄ᬫᬭᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬫ᭄ᬩᬵᬗ᭄ᬯᬭᬲᬶᬦ᭄᭞ᬓᬢᬄᬲᬵᬫ᭄ᬧᬸᬦ᭄ᬩᬮ᭄ᬬᬦ᭄ᬫᬗᬢᬹᬭᬂᬢᬫ᭄ᬩᬵ᭟ᬬᬦᬶᬂᬳᬶᬭᬢᬸᬲ᭄ᬯᬾᬘᬵ᭞ᬫᬗᬶᬘᬾᬦᬶᬦ᭄ᬲ
[᭒᭔24A]
ᬜ᭄ᬚᬶᬯᬡᬶ᭞ᬫᬗᬶᬘᬮᬦ᭄ᬮᬭᬵᬭᬶᬫᬂ᭞ᬧᬗᬸᬤᭂᬧ᭄ᬲ᭄ᬫᬭᬵᬩᬳ᭄ᬦᬶ᭞ᬯᬦ᭄ᬢᬄᬳᬶᬤᬵᬲᬂᬮ᭄ᬯᬶᬃᬭᬢᬶᬄ᭞ᬮᬸᬗ᭄ᬲᬹᬃᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬦᭂᬫ᭄ᬩᬳᬦ᭄᭞ᬫᬗ᭄ᬤᬵ
ᬯ᭄ᬯᬾᬦ᭄ᬢᭂᬦ᭄ᬫᬗᬮᬗᬶᬦ᭄᭞ᬭᬶᬂᬫᬦᬸᬓᬦ᭄ᬚᬕᬢᬾᬓᬦ᭄ᬢᬸᬦ᭄ᬓᬯᭂᬜᬦ᭄᭟ᬬᬦ᭄ᬲ᭄ᬯᬾᬘᬵᬭᬢᬸᬫᬶᬘᬬᬂ᭞ᬧᬸᬢ᭄ᬭᬶᬦ᭄ᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬚᬦ᭄ᬢᭂᬦ᭄ᬩᭂᬘᬶᬓ᭄ᬧᬕᬢᬦ᭄
᭞ᬲᬄᬲᬄᬤᭂᬕ᭄ᬤᭂᬕ᭄ᬫᬮᬶᬄᬭᬤᬶᬦ᭄᭞ᬲᬶᬭᬵᬧᬸᬭᬸᬦ᭄ᬫᬩᬮᬶᬓ᭄᭞ᬘᭀᬗᬄᬭᬶᬂ᭠ᬳᬗ᭄ᬕᬦ᭄ᬳᬶᬭᬢᬸ᭞ᬯᬶᬭᬾᬄᬧᬓᬕᬦ᭄ᬫᬦᬹᬓᬦ᭄᭞ᬲᬶᬤ᭄ᬥᬵᬦᬾᬭᬭᬶᬲ᭄ᬫᬦᬸᬗ᭄ᬕᬶᬮ᭄᭞ᬲᬶ
ᬭᬵᬧᬸᬭᬸᬦ᭄ᬧᬘᬂᬦᬓ᭄ᬭᬂᬧ᭄ᬭᬪᬯᬵ᭟ᬳᬶᬘᬍᬧᬸᬓ᭄ᬫᬢᬹᬃᬦᬶᬫ᭄ᬩᬮ᭄᭞ᬲᬶᬗ᭄ᬕᬶᬄᬭᬢᬸᬮᬶᬦ᭄ᬢᬂᬯ᭄ᬬᬓ᭄ᬢᬶ᭞ᬓᬤᬶᬳᬢᬹᬃᬩ᭄ᬮᬶᬦ᭄ᬢᬶᬢ᭄ᬬᬂ᭞ᬧᬢᬸᬢ᭄ᬧᬸᬦᬶᬓᬵᬮᬶᬗ᭄ᬕᬶᬳᬶᬦ᭄᭞ᬬᬦ᭄ᬢ
Page:Bali-lontar-gaguritan-manukan-400ppi.pdf/24
Jump to navigation
Jump to search
This page has been proofread.
