[᭑᭘18B]
᭑᭘
ᬦᬂᬓᬯᬳᬾᬲᬫᬶ᭞ᬯᬶᬭᬾᬄᬢᬸᬤᬸᬄ᭞ᬢᬦ᭄ᬲᬶᬤ᭄ᬥᬵᬧᬘᬂᬮᬾᬫ᭄ᬧᬲᬂ᭞ᬲᬂᬦᬝᬵᬳᬮᭀᬦ᭄ᬗᬦ᭄ᬤᬶᬓᬵ᭞ᬗᬸᬤᬵᬓᬾᬢᭀᬩᬳᬦ᭄ᬘᬳᬶ᭞ᬗ᭄ᬭᬾᬫᭀᬦ᭄ᬫᬜᭂᬮ᭄ᬲᭂ
ᬮ᭄ᬳᬯᬓ᭄᭞ᬓᬾᬦ᭄ᬓᬾᬦ᭄ᬓ᭄ᬯᬂᬘᬢᬸᬲᬳᬶ᭞ᬧᬲᬗᬹᬫᬶᬯᬄᬧᬶᬧᬶᬲ᭄᭞ᬤᭀᬂᬳᭀᬭᬳᬂᬳᬧᬂᬧᬢᬸᬢ᭄᭞ᬩᬦᬶᬭᬵᬫᬗᬶᬢᬸᬗᬂ᭞ᬤᬶᬢᬸᬤᬶᬲ᭄ᬤᬳᬦ᭄ᬳᬮᬶᬄ᭞ᬤᬚᬵ
ᬳᬶᬩᬸᬓ᭄᭞ᬲᭀᬓ᭄ᬩᬶᬲᬵᬳᬶᬩᬵᬗᭀᬭᬳᬂ᭞ᬳᬶᬓᬸᬦᬬᬦ᭄ᬫᬢᬹᬃᬜᬸᬫ᭄ᬩᬄ᭞᭠ᬢᬩᬸᬄᬍᬫᬸᬄᬜᬸᬜᬹᬃᬗᬢᬶᬄ᭞ᬩᭀᬬᬚᬳᬦ᭄ᬢᬸᬓ᭄ᬧᬸᬦᬶᬓᬵ᭞ᬗᬃᬤ᭄ᬥᬶᬧᬋᬓ
ᬦᬾᬭᬸᬡ᭄ᬝᬶᬓ᭄᭞ᬜᭂᬮ᭄ᬲᭂᬮᬂᬧᬸᬮᬵᬓᬺᬢ᭄ᬢᬶ᭞ᬓᬤᬶᬮᬗ᭄ᬖ᭄ᬬᬭᬶᬂᬳᬶᬭᬢᬸ᭞ᬢᬦ᭄ᬲᬶᬬᭀᬲ᭄ᬲᬦᬾᬗᬯᬦᬂ᭞ᬫᭂᬫᬃᬕ᭄ᬕᬶᬦ᭄ᬧᬭᬦᬾᬫᬗ᭄ᬓᬶᬦ᭄᭞ᬦᬾᬦ᭄ᬢᭂᬦ᭄ᬫᬦᬹᬢ᭄᭞ᬓ
[᭑᭙19A]
ᬤᬶᬤᬕᬶᬂᬧᬓᬬᬸᬦᬦ᭄᭟ᬓᬳᭂᬦ᭄ᬢᬶᬢ᭄ᬬᬂᬫᬫᬗ᭄ᬕᬸᬳᬂ᭞ᬳᬶᬓᬓᬵᬯᬗᬸᬮᬢ᭄ᬢᬭᬶᬂ᭞ᬗᭂᬲ᭄ᬓᬺᬧ᭄ᬫᬮᬶᬄᬫᬋᬧᬢ᭄᭞ᬤᬶᬧ᭄ᬭᬬᬗᬋᬋᬄᬩᬪᬸᬓ᭄ᬢᬶᬦ᭄᭞ᬍᬕᬸᬜᬶ᭠
ᬜᬶᬢ᭄ᬘᬧᬸᬂᬫᬸᬭᬶᬂ᭞ᬲᬫ᭄ᬬᬦ᭄ᬓᬢᬥᬄᬲᬵᬫ᭄ᬧᬸᬦ᭄᭞ᬳᬲᬶᬂᬓ᭄ᬦᬶᬓ᭄ᬭᬓᬤ᭄᭞ᬢᬦ᭄ᬧᬭᬶᬯᬗ᭄ᬤᬾᬗ᭄ᬫᬲᬶᬦ᭄᭞ᬯᬦ᭄ᬢᬄᬳᬶᬧᬸᬦ᭄ᬫᬗᭂᬚᬸᬓ᭄ᬲᬦᬾᬳᬮᬶᬢᬦ᭄᭟ᬦᬗ᭄ᬳᬶᬂᬮᬘᬹᬃᬬ
ᬦ᭄ᬩᬸᬘᬶᬘᬵ᭞ᬘᬭᬸᬓ᭄ᬘᬸᬓ᭄ᬫᬶᬯᬄᬓᬧ᭄ᬘᬶᬢ᭄᭞ᬳᬶᬚᬭᬶᬂᬢᬦ᭄ᬧᬭᬸᬦ᭄ᬫᬧᬲ᭄᭟ᬜᬮᬾᬬᭀᬕ᭄ᬳᬶᬧᬸᬦ᭄ᬫᬓ᭄ᬮᬶᬤ᭄᭞ᬳᭀᬂᬲ᭄ᬫᬸᬦ᭄ᬤᬭᬶᬂᬧᬸᬦᬧᬶ᭞ᬧᬸᬭᬸᬦᬾᬭᬶᬂᬳᬦᬓ᭄ᬢᬓᬸᬢ᭄᭞
ᬓᬤᬶᬭᬶᬂᬧᬯᬬᬗᬦ᭄᭞ᬫᬧᬶᬓᬦ᭄ᬤᭂᬮ᭄ᬚᬢ᭄ᬫᬵᬫ᭄ᬜᬶᬢ᭄᭞ᬬᬵᬳᬶᬲᬗᬹᬢ᭄᭞ᬫᬮᬳᬶᬩ᭄ᬗᬦ᭄ᬢᭂᬦᬂᬩᬶᬫᬵ᭟ᬭᬢᬸᬢᬶᬢ᭄ᬬᬂᬮᬶᬦ᭄ᬢᬂᬓᭂᬲ᭄ᬬᬩ᭄᭞ᬗᬦ᭄ᬢᭂᬦᬂᬧᬜᭂᬗ᭄ᬓᭂᬃ᭠
Page:Bali-lontar-gaguritan-manukan-400ppi.pdf/19
Jump to navigation
Jump to search
This page has been proofread.
