[᭑᭖16B]
᭑᭖
ᬫᬓᬓ᭄ᬤᬾᬓᬦ᭄᭞ᬫᬓᭂᬜᬸᬂᬲᬫᬶᬢᬫᬦᬶᬲ᭄᭞ᬳᬲᬶᬄᬳᬲᬸᬄ᭞ᬧᬥᬢᬢᬲᬶᬂᬧᬗ᭄ᬭᬱ᭟ᬭᬾᬄᬢᬶᬗ᭄ᬓᬄᬯᬕ᭄ᬫᬶᬫᬬᬵ᭞ᬢᬦ᭄ᬫᬭᬶᬜᬸᬓᬦᬶᬳᬢᬶ᭞ᬭᬲ᭄ᬧᬢᬶ᭠
ᬢᬫᬾᬂᬲ᭄ᬫᬶᬢᬵ᭞ᬤᬺᬤ᭄ᬥᬵᬪᬓ᭄ᬢᬶᬫᬦᬶᬯᬶ᭞ᬢ᭄ᬯᬶᬢ᭄ᬯᬄᬧᬭᬵᬫᬦ᭄ᬢ᭄ᬭᬶ᭞ᬗᬃᬤ᭄ᬥᬶᬦᬶᬦ᭄ᬓ᭄ᬭᬳ᭠ᬬ᭄ᬯᬦᬶᬂᬪᬸᬄ᭞ᬫᬮᬶᬂᬢᬦ᭄ᬯᬜᬫ᭄ᬬᬢ᭄᭞ᬤᬸᬭᬵᬘᬭᬵᬧᬥᬵᬯ᭄ᬤᬶ᭞ᬤᬾᬦᬶᬂᬳᬤᬸᬂ᭞
ᬧᬫᬦ᭄ᬧᬥᬗᬫᭀᬂᬧᬜ᭄ᬚᬓ᭄᭟ᬳᬶᬲᬸᬕᭂᬫ᭄ᬫᬢᬹᬃᬫᬫᭂᬤᬓ᭄᭞ᬢᬩᬸᬄᬩᬦ᭄ᬩᬦ᭄ᬦᬧ᭄ᬢᬧ᭄ᬫᬦᬶᬲ᭄᭞ᬲᬶᬕ᭄ᬕᬶᬄᬭᬢᬹᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬫᬗᬍᬫᬶᬦ᭄᭞᭠
ᬢᬶᬢ᭄ᬬᬂᬧᬸᬦᬶᬓᬶᬲᬫᬶ᭞ᬲᬵᬫ᭄ᬧᬸᬦ᭄ᬗ᭄ᬭᬱᬵᬤᬾᬯᬾᬓ᭄ᬤᬸᬕᬸᬮ᭄᭞ᬢᬦ᭄ᬧᬓᬾᬃᬢ᭄ᬢᬶᬧᬬᬰ᭞ᬮᬶᬦ᭄ᬢᬂᬦᬶᬱ᭄ᬝᬢᬸᬦᬵᬲᬫᬶ᭞ᬫᬸᬥᬧᬸᬗ᭄ᬕᬸᬂ᭞ᬢᬦ᭄ᬜᬦ᭄ᬤᬂᬧᬘᬂᬳᬋᬧᬂ᭟
[᭑᭗17A]
ᬦᬾᬦ᭄ᬢᭂᬦ᭄ᬜᬦ᭄ᬤᬂᬧᬧᬤ᭄ᬯᬂ᭞ᬩᬮᬸᬂᬮᬫ᭄ᬩᬵᬩᬸᬮᬸᬕᬸᬤᬶᬕ᭄᭞ᬩ᭄ᬮᬸᬮᬂᬓ᭄ᬧᭂᬤ᭄ᬚᬸᬚᬸᬚᭀᬗ᭄ᬓ᭄ᬭᬂ᭞ᬧᬮ᭄ᬬᬢ᭄ᬭᬓ᭄ᬱᬲᬵᬩᭂᬗᬶᬮ᭄᭞ᬤᬶᬓᬧᬦ᭄ᬲᬸᬭᬸᬦ᭄ᬫᬸᬯᬢᬶᬦ᭄᭞ᬩᬬᬸᬳᭂ᭠
ᬦ᭄ᬤᬸᬓ᭄ᬓ᭄ᬮᬸᬲ᭄ᬢᭂᬧᬸ᭞ᬬᬦ᭄ᬧ᭄ᬭᬤᬾᬧᬘᬂᬳᬤ᭄ᬯᬂ᭞ᬚᬦ᭄ᬢᭂᬦ᭄ᬳᬶᬧᬸᬦ᭄ᬫᬗᬾᬭᬗᬶᬦ᭄᭞ᬓᬼᬩᬕ᭄ᬕᭂᬮᭂᬩᬸᬕ᭄᭞ᬢᬦ᭄ᬧᬘᬂᬫᬸᬧᬸᬢᬂᬓᬵᬃᬬ᭄ᬬ᭟ᬬᬦ᭄ᬢᬦ᭄ᬲ᭄ᬯᬾᬘᬵᬰ᭄ᬭᬷᬦᬭᬾᬦ᭄ᬤ᭄ᬭᬵ᭞
ᬳᬃᬱᬗᬶᬘᬾᬦᬶᬦ᭄ᬧᬯᬶᬲᬶᬓ᭄᭞ᬫᬦᬹᬢᬶᬂᬓᬓ᭄ᬘᬧ᭄ᬳᬚᬶ᭞ᬲᬭᭀᬤᬺᬢ᭄ᬣᬵᬭᬚᬵᬦᬶᬢᬶ᭞ᬤᬶᬓᬧᬦ᭄ᬓᭀᬢᬶᬢ᭄ᬬᬂᬭᬢᬸ᭞ᬲᬶᬤ᭄ᬥᬗᬶᬭᬶᬂᬓᬬᬸᬦᬦ᭄᭞ᬗᬩᬶᬄᬮᬶᬗ᭄ᬕᬶᬄ
ᬰ᭄ᬭᬷᬦ᭄ᬤ᭄ᬭᬵᬧᬢᬶ᭞ᬮᬶᬦ᭄ᬢᬂᬓᬾᬯᬸᬄ᭞ᬓᬤᬶᬗ᭄ᬮᬗ᭄ᬓᬢᬶᬦ᭄ᬳᬓᬰ᭟ᬓᬮᬶᬄᬜᬸᬕ᭄ᬚᬸᬕᬶᬦ᭄ᬲᬕᬭᬵ᭞ᬧᬗ᭄ᬓᬄᬜᬸᬓᬢ᭄ᬳᬶᬫᬵᬕᬶᬭᬶ᭞ᬗ᭄ᬯᬶᬮᬗᬶᬦ᭄ᬩᬶᬬᬲ᭄ᬧᬲᭀᬯᬦ᭄᭞ᬦᭀ
Page:Bali-lontar-gaguritan-manukan-400ppi.pdf/17
Jump to navigation
Jump to search
This page has been proofread.
