[᭑᭔14B]
᭑᭔
ᬓᬮᬶᬄᬭᬭᬶᬲ᭄ᬫᬧᬫᬶᬢ᭄᭞ᬗ᭄ᬮᬦ᭄ᬢᬲ᭄ᬳᬶᬧᬸᬦ᭄ᬫᬓ᭄ᬩᬹᬃ᭞ᬲᬫ᭄ᬩᬶᬮ᭄ᬫᬭᬭᬱᬦᬦ᭄᭞ᬬᬦ᭄ᬲᬯᬗᬂᬓᬤᬶᬲᬂᬕᬦ᭄ᬥᬃᬵᬯ᭄ᬯᬳᬕᬸᬂ᭞ᬩᬚ᭄ᬭᬦᭂᬬ᭄ᬬᬫᬵᬏᬭᬯᬦ᭄᭞ᬤᬸᬓ᭄ᬫᬫᬶᬦᬂᬲᬂ᭠
ᬓᬶᬭᬶᬣᬶ᭟ᬢᬦ᭄ᬘᬭᬶᬢ᭄ᬣᬮᬫ᭄ᬧᬄᬲᬂᬓᬵᬃᬯ᭄ᬯ᭞ᬲᬤ᭄ᬥᬵᬩᬦ᭄ᬩᬦ᭄ᬧᬓᭂᬩᬹᬭᬾᬢᭀᬮᬄᬢᭀᬮᬶᬄ᭞ᬳᬩᭂᬲ᭄ᬧᬓᭂᬩᬹᬃᬳᬶᬧᬸᬦ᭄᭞ᬭᬾᬄᬲᬵᬫ᭄ᬩᬶᬮ᭄ᬫᬧᬯᬘᬦ᭄᭞ᬫᬋ᭠
ᬭᬱᬦ᭄ᬳᬓ᭄ᬯᬾᬄᬢᬂᬭᬫ᭄ᬬᬓᬮᬮᬸᬂ᭞ᬲᬺᬗ᭄ᬕᬦᬶᬂᬚᬸᬭᬂᬚᬸᬭᬂ᭞ᬭᬶᬦᭂᬗ᭄ᬕᬵᬲᬶᬦ᭄ᬯᬫ᭄ᬓᬲᬶᬮᬶᬃ᭛᭜᭛ᬲᬶᬦᭀᬫ᭄᭛᭜᭛ᬯᬾᬦ᭄ᬢᭂᬦ᭄ᬭᬢᬸᬲᬓ᭄ᬢᬶᬫᬦ᭄ᬢ
ᬥᭂᬃᬫ᭄ᬫᬯᬵᬳᬦ᭄ᬫᬜᬓᬺᬯᬃᬵᬢ᭄ᬢᬶ᭞ᬭᬶᬂᬧᬓᬵᬕᬦ᭄ᬭᬚ᭄ᬬᬦᬶᬭᬵ᭞ᬯᬶᬯᬾᬓᬵᬧ᭄ᬬ᭠ᬚ᭄ᬜᬦᬶᬂᬩᬸᬤ᭄ᬥᬶ᭞ᬫᬓᬵᬯᬢ᭄ᬭᬦᬶᬂᬪᬸᬫᬶ᭞ᬓᬶᬦᬢ᭄ᬯᬗᬶᬂᬧᬭᬵᬭᬢᬸ᭞ᬚᬦᬵᬦᬸᬭᬵ᭠
[᭑᭕15A]
ᬕᬲᬶᬭᬵ᭞ᬧᬜ᭄ᬚᬓᬾᬲᬫ᭄ᬬᬦ᭄ᬲᬸᬪᬓ᭄ᬢᬶ᭞ᬲᬦᬾᬓᬲᬸᬩ᭄ᬰ᭄ᬭᬶᬫᬳᬵᬲ᭄ᬬᬸᬤᬶᬦᬵᬣ᭞ᬯᬸᬲ᭄ᬧᬲ᭄ᬘᬢᬶᬂᬳᬚᬶᬳᬕᬫᬵ᭞ᬲᬢᬢᬵᬪᬓ᭄ᬢᬶᬭᬶᬂᬯᬶᬤ᭄ᬥᬶ᭞ᬢᬦ᭄ᬮᬮᬶ
ᬭᬶᬂᬧᬶᬢ᭄ᬭᬧᬹᬚ᭞ᬓᬳᬦᬦ᭄ᬳᬚ᭄ᬜᬡᬲᬶᬤ᭄ᬥᬶ᭞ᬯᬓ᭄ᬩᬚ᭄ᬭᬵᬲᬶᬤ᭄ᬥᬶᬫᬦ᭄ᬤᬶ᭞ᬓᬶᬦᬢ᭄ᬯᬗᬶᬂᬧᬭᬵᬳᬕᬸᬂ᭞ᬳᬲᬶᬳᬶᬂᬧᬭᬵᬚᬦᬵ᭞ᬳᬶᬦᬫ᭄ᬬᬦ᭄ᬪᬓ᭄ᬢᬶᬫᬦᬶᬯᬶ᭞ᬧᬥᬜᬸᬗ᭄ᬲᬸᬂ᭞
ᬯᬮᬸᬬᬵᬤᬾᬯᬵᬓᬵᬮ᭟ᬳᬦᬵᬯ᭄ᬓᬦᬶᬭᬵᬲᬦᬸᬗ᭄ᬕᬮ᭄᭞ᬧᬸᬢ᭄ᬭᬶᬲ᭄ᬬᬸᬂᬳᬭᬦᬶᬓᬶ᭞ᬳᬬᬸᬦᬾᬫᬗᭀᬜᬂᬗᭀᬜᬂ᭞ᬧ᭄ᬭᬚ᭄ᬜᬦ᭄ᬘᬾᬰ᭄ᬝᬓᬭᬾᬂᬳᬢᬶ᭞᭠
ᬲᬢᬢᬵᬜᬸᬓᬦᬶᬳᬢᬶ᭞ᬳ᭄ᬬᬂᬕᬶᬭᬶᬯᬥᬸᬫᬦᬸᬭᬸᬦ᭄᭞ᬳᬯᬦᬦ᭄ᬧᬭᬵᬤᬾᬯᬢᬵ᭞ᬧᬢᬶᬲᬺᬧ᭄ᬫᬗᬸᬮᬢᬶ᭞ᬯᬶᬭᬾᬄᬲᬸᬯᬸᬂᬭᬶᬂᬰ᭄ᬯᬃᬕ᭄ᬕᬦ᭄ᬢᬶᬗ᭄ᬕᬮᬶᬦᬶᬤᬵ᭟᭠
Page:Bali-lontar-gaguritan-manukan-400ppi.pdf/15
Jump to navigation
Jump to search
This page has been proofread.
