[᭔᭐ 40 B]
᭔᭐
ᬦ᭄ᬳᬃᬬ᭄ᬬᬵᬧᬓᬸᬯᬚᬵ᭞ᬳᬫᬾᬢ᭄ᬲ᭄ᬓᬸᬮ᭄ᬯᬤᬵᬄᬲᬤ᭄ᬥᬶ᭟ᬲᬸᬮᬢᬦ᭄ᬲᬶᬕᬻᬢᬶᬦᬫ᭄ᬩᬦᬵᬦ᭄᭞ᬢᬦ᭄ᬤᬦ᭄ᬢᬭᬯᬮᬸᬬᬵᬧ᭄ᬭᬫᬗ᭄ᬓᬶᬦ᭄᭞ᬦᭀᬭᬡ᭄ᬦᬢᬶᬮᬲᬶᬂᬮᬘᬸᬃ᭞ᬲᬗ᭄ᬓᬦ᭄ᬯᬸᬯᬸᬄᬭᬶᬂᬓᬓ᭄ᬯᬢ᭄ᬢᬦ᭄᭞ᬢᬶᬦᬫ᭄ᬩᬦᬦ᭄ᬳᬸᬡ᭄ᬥᬓᬦ᭄ᬳᬶᬲ᭄ᬓᬃ᭠
ᬤ᭄ᬬᬸ᭞ᬧᬸᬃᬡ᭄ᬦᬢᬢᬸᬦᬶᬂᬭᬾᬓᭀ᭞ᬧᬸᬲ᭄ᬓ᭄ᬯᬢ᭄ᬭᬢᬸᬧ᭄ᬭᬫᬦ᭄ᬢ᭄ᬭᬶ᭟ᬲᬓᬢᬳᬾᬓᬂᬓᬘᬸᬃᬡ᭄ᬦᬦ᭄᭞ᬢᬶᬦᬫ᭄ᬩᬡ᭄ᬦᬦ᭄ᬲᬫᬶᬯᬮ᭄ᬬᬵᬦᬫᬗ᭄ᬓᬶᬦ᭄᭞ᬲᬫᬶᬳᬾᬕᬃᬗ᭄ᬭᬲᬾᬂᬓᬸᬓᬸᬄ᭞ᬢᬦ᭄ᬓᬯᬃᬡ᭄ᬦᬳᬶᬓᬂᬮᬢ᭄ᬢ᭄ᬭ᭄ᬬᬵ᭞ᬓᬯᬃᬡ᭄ᬦᬳᬵᬳᬾ᭠
ᬜ᭄ᬚᬶᬂ᭞ᬲᬸᬮ᭄ᬢᬦ᭄ᬳᬭᬩ᭄ᬳᬶᬓᬸ᭞ᬗᬓᭀᬦᬩᬸᬄᬕᭀᬂᬓᭂᬡ᭄ᬥᬂ᭞ᬳᬗᬸᬗ᭄ᬕᬳᬓᭂᬦ᭄ᬢᬸᬗ᭄ᬕᬸᬮᬶ᭟ᬳᬶᬗᬰᬶᬳᬦ᭄ᬳᬶᬲ᭄ᬓᬃᬤ᭄ᬯᬵᬢ᭄ᬬᬵ᭞ᬲᬓᬓ᭄ᬯᬾᬳᬶᬂᬯᬤ᭄ᬬᬫ᭄ᬓᬄᬳᬗᬫ᭄ᬩᬶᬮ᭄᭞ᬲᬳᬵᬕᬫᬦ᭄ᬳᬶᬧᬹᬦ᭄᭞ᬫᬲ᭄ᬳᬬᬸᬳᬶᬂᬳᬃᬖ᭄ᬕᬵᬧᬹᬭᬵ᭞ᬳ
ᬲᬶᬦᭂᬧ᭄ᬲᬸᬮᬶᬕᬶᬲᬶᬚᬶᬓᬯᬸᬯᬸᬲ᭄᭞ᬭᬶᬂᬭᬳᬤᬾᬦ᭄ᬧᬓ᭄ᬯᬚ᭄ᬬᬵ᭞ᬫᬓ᭄ᬢᬵᬪᬜᬸᬢᬶᬃᬢ᭄ᬣᬵᬖ᭄ᬦᬶ᭟ᬯᬶᬦᬤᬳᬦᬶᬂᬲ᭄ᬓᬸᬮᬵ᭞ᬲᭀᬕ᭄ᬭᬄᬲᬫ᭄ᬬᬫ᭄ᬢᬸᬓ᭄ᬯᬾᬄᬦᬢ᭄ᬣᬄᬩᬭᬶᬲ᭄᭞ᬢᬶᬦᬩᬸᬄᬕᭀᬂᬮᬦ᭄ᬢᬫ᭄ᬩᬸᬃ᭞ᬲᬸᬭᬓᬤᬶ᭠
[᭔᭑ 41 A]
ᬳ᭄ᬭᬸᬕ᭄ᬓᬂᬚᬕᬢ᭄᭞ᬯᭀᬂᬦᬸᬲᭀᬦ᭄ᬢᬭᬫ᭄ᬬᬃᬱᬵᬲᬸᬭᬓ᭄ᬳᬗᬸᬯᬸᬄ᭞ᬬᬦ᭄ᬯᭀᬂᬫ᭄ᬓᬄᬳᬶᬓᬵᬧ᭄ᬭᬧ᭄ᬢᬵ᭞ᬭᬶᬂ᭠ᬢ᭄ᬕᬮ᭄ᬳᬦᬢ᭄ᬣᬄᬩᬭᬶᬲ᭄᭟ᬧᬓ᭄ᬱᬵᬳᬫᬸᬮ᭄ᬬᬓᭂᬦ᭄ᬬᬸᬤ᭄ᬥᬵ᭞ᬰᬶᬕ᭄ᬭᬵᬕ᭄ᬮᬶᬲ᭄ᬓᬢᬸᬃᬭᬶᬂᬰ᭄ᬭᬶᬪᬹᬧᬢ᭄ᬣᬶ᭞ᬬᬾᬦ᭄ᬯᭀᬂᬫ᭄ᬓᬄᬯᬸᬲ᭄
ᬭᬯᬸᬄᬳᬶᬓᬸ᭞ᬧᬓ᭄ᬱᬵᬫᬮ᭄ᬬᬓᭂᬦ᭄ᬬᬸᬤ᭄ᬥᬵ᭞ᬰ᭄ᬭᬶᬪᬹᬧᬢᬶᬫ᭄ᬥᬬᬶᬦ᭄᭞ᬓᭂᬡ᭄ᬥᬶᬢ᭄ᬩᬶᬭᬬᬹᬂ᭞ᬫ᭄ᬥᬮ᭄ᬳᬶᬥᬵᬦᬾᬂᬧᬲᬾᬩᬦ᭄᭞ᬢᬗᬸᬭᬦ᭄ᬓᬶᬦᬩᬸᬄᬦᬸᬮᬶ᭟ᬳᬶᬱ᭄ᬢᬵᬫᬶᬬᭀᬲᬶᬂᬤᬶᬕ᭄ᬚᬬᬵ᭞ᬲᬓᬢᬄᬧ᭄ᬭᬚᬸᬭᬶᬢ᭄ᬦᬸᬲᭀᬦ᭄ᬢᬭᬶ᭞ᬮ
ᬦ᭄ᬯᬤ᭄ᬬᬯᬸᬲ᭄ᬲᬬᬕᬵᬲᬫ᭄ᬧᬸᬦ᭄᭞ᬦᬹᬮ᭄ᬬᬩᬸᬩᬃᬰ᭄ᬭᬶᬦᬭᬾᬦ᭄ᬤ᭄ᬭᭀ᭞ᬰ᭄ᬭᬶᬦᬸᬃᬲᬶᬯ᭄ᬯᬵᬦ᭄ᬓᭂᬡ᭄ᬥᬶᬢ᭄ᬩᬶᬭᬬᬹᬂ᭞ᬳᬶᬗᬶᬭᬶᬂᬤᬾᬦᬶᬂᬯᬤ᭄ᬬ᭞ᬯᬸᬲ᭄ᬲᬬᬕᬵᬲᬂᬓᭂᬧ᭄ᬲᬸᬮᬶᬕᬶ᭟ᬲᬂᬦᬢ᭄ᬣᬵᬳᬶᬂᬦᬸᬲᭀᬦ᭄ᬢᬭᬵ᭞ᬳᬦᬶᬢ᭄ᬢᬶᬳᬶᬦ᭄ᬯᬶᬮ᭄ᬫᬡ᭄ᬦᬵᬧᬹᬢ᭄ᬣᬶᬄ᭞ᬲᬂ
ᬧ᭄ᬭᬪᬹᬫ᭄ᬥᬬᬶᬦ᭄ᬳᬶᬓᬸ᭞ᬳᬯᬳᬡ᭄ᬦᬵᬓᬸᬤ᭄ᬥᬵᬧ᭄ᬢᬓ᭄᭞ᬳᬕᬜ᭄ᬘᬗᬦ᭄ᬮᬓᬸᬦᬾᬳᬫᬕᬸᬢ᭄ᬘᬸᬘᬸᬄ᭞ᬲᬶᬦᬯᬸᬭᬦᬶᬂᬕᬫ᭄ᬮᬦ᭄᭞ᬓᬥᬸᬃᬫᬗ᭄ᬕᬮᬦᬶᬂᬧ᭄ᬭᬧ᭄ᬢᬶ᭛ᬧᬹᬄᬥᬸᬃᬫ᭄ᬫᬵ᭞᭛ᬲᬶᬕ᭄ᬭᬵᬧ᭄ᬭᬧ᭄ᬢᬵᬳᬶᬂᬦᬸᬲᭀᬦ᭄ᬢᬭᬵ᭞
Page:Bali-lontar-gaguritan-kendit-birayung-300ppi.pdf/41
Jump to navigation
Jump to search
This page has been proofread.
