[᭓᭗ 37 B]
᭓᭗᭟
ᬲᬶᬄᬢᬸᬗ᭄ᬕᬮ᭄᭞ᬲᬗ᭄ᬓᬦ᭄ᬧᬭᬦ᭄᭞ᬧᬸᬦᬶᬓᬫᬲᬶᬄᬓᬢᬸᬚᬸ᭞ᬳᬚᬓ᭄ᬲᬳᬶᬲᬶᬦᬶᬂᬚᬕᬢ᭄᭞ᬤᬸᬳᬸᬃᬢᬦᬄᬩᭂᬢᬾᬦᬵᬮᬗᬶᬢ᭄᭟᭐᭟᭗᭟ᬮᬶᬬᬸᬳᬦᬓ᭄ᬫᬜᬶᬧ᭄ᬢᬬᬂ᭞ᬳᭂᬦ᭄ᬢᭀᬓ᭄ᬭᬶᬲ᭄ᬫᬭᬶᬂᬳᬸᬭ
ᬗ᭄ᬓᬗᬭᬜ᭄ᬚᬶᬂ᭞ᬳᬸᬭᬗ᭄ᬓᬫᬜ᭄ᬚᬶᬂᬫᬭᬶᬂᬤᬸᬳᬸᬂ᭞ᬓᬤᬶᬫᬶᬳᬶᬓᬾᬭᬶᬂᬲᭂᬓᬃᬲᭂᬓᬃᬫᬶᬳᬶᬓ᭄᭞ᬫᬭᬶᬂᬫᬶᬳᬶᬓᬾᬫᬮᬸᬗ᭄ᬕᬸᬄ᭞ᬓᬵᬤᬶᬢᬮᬸᬄᬚ᭄ᬭᭀᬦᬶᬂᬳᬬᬫ᭄᭞ᬳᬬᬫ᭄ᬚ᭄ᬭᭀᬦᬶᬂᬢᬮᬸᬄᬫᬮᬶᬄ᭟᭐
᭟᭘᭟ᬦᬶᬓᬫᬲᬶᬧ᭄ᬢᬫᬧ᭄ᬮᬸᬢ᭞ᬜᬦ᭄ᬤᬂᬕᬸᬕᬸᬬᬲᬸᬗ᭄ᬓᭂᬫᬶᬦ᭄ᬲᬋᬂᬲᬫᬶ᭞ᬲᬮ᭄ᬯᬶᬭᬶᬂᬫᬸᬗ᭄ᬕᬸᬄᬭᬶᬂᬢᬸᬢᬸᬃ᭞ᬧᬸᬦᬶᬓᬫᬗ᭄ᬤᬧᭂᬤᬲ᭄᭞ᬦᬾᬢᬢᬶᬕ᭞ᬦᬾᬮᬶᬬᬸᬦᬦ᭄ᬢᭀᬦ᭄ᬤᬾᬦ᭄ᬕᬸᬕᬸ᭞ᬧᬸᬦᬶᬓᬫᬮᬶᬄᬲᬸ
ᬮᬸᬳᬂ᭞ᬳᬧᬂᬲᬶᬦᬄᬩᬦ᭄ᬫᬦᬫ᭄ᬧᬶ᭟᭐᭟ᬫᬮᬶᬄᬯᬾᬦ᭄ᬢᭂᬦ᭄ᬫᬦᬸᬢᬸᬭᬂ᭞ᬳᬤᬢᬸᬜ᭄ᬚᬸᬂᬫᬸᬗ᭄ᬕᬸᬄᬭᬶᬂᬢ᭄ᬮᬕᬦᬾᬍᬯᬶᬄ᭞ᬲ᭄ᬭᬶᬦ᭄ᬜᬦᬾᬗᬦ᭄ᬢᬸᬕ᭄ᬫᬾᬭᬸ᭞ᬮᬯᬦ᭄ᬜᬦᬾᬗᭂᬩᭂᬓᬶᬦ᭄ᬳᬯᬓ᭄᭞ᬳ
[᭓᭘ 38 A]
ᬓᬄᬜᬦᬾ᭞ᬦ᭄ᬭᬸᬲ᭄ᬭᬶᬂᬧ᭄ᬭᬣᬶᬯᬷᬫᬸᬗ᭄ᬕᬸᬄ᭞ᬯᬗᬶᬦᬾᬗᭂᬩᭂᬓᬶᬚᬕᬢ᭄᭞ᬪᬶᬱᬓᬸᬘᬸ᭠ᬧ᭄ᬓᭂᬫ᭄ᬩᬂᬳᬸᬦᬶᬂ᭟᭐᭟᭑᭐᭟ᬦᬶᬓᬓᬭᬶᬢᬸᬗ᭄ᬓᬲ᭄ᬧᬶᬲᬦ᭄᭞ᬤᬦ᭄ᬤᬾᬦ᭄ᬗᬸᬕᬸᬳᬧᬂᬤᬭᬵᬕᬦᬾᬧᬮᬶᬂ᭞᭠
ᬩᭂᬍᬗᬾᬓᬤᬾᬦᬂᬲᬸᬭᬸᬄ᭞ᬳᭂᬦ᭄ᬢᭀᬫᬵᬤᬦ᭄ᬤᬦ᭄ᬫᬦᬶᬤ᭄ᬭ᭞ᬤᬸᬭᬸᬂᬗᭂᬦ᭄ᬤᬸᬲᬶᬦ᭄᭞ᬭᬚᬄᬢᬫᬳᬾᬫᬜᬸᬲᬸᬧ᭄᭞ᬤᭀᬂᬚᬧᬸᬍᬲ᭄ᬫᬵᬤᬦ᭄ᬦᬶᬤ᭄ᬭ᭞ᬳᭂᬦ᭄ᬢᭀᬫᬵᬤᬦ᭄ᬧᬸᬜᬄᬲᬳᬶ᭟᭐᭟
᭑᭑᭟ᬤᭀᬂᬢᬸᬯᬓᬾᬗᬯᬾᬧᬸᬜᬄ᭞ᬳᬦᬓ᭄ᬮᬶᬬᬸᬢᬶᬗ᭄ᬓᬳᬾᬫᬲᬶᬄᬫᬸᬜᬳᬶ᭠ᬦ᭄᭞ᬦ᭄ᬢᭀᬋᬱᭂᬧ᭄ᬋᬱᬧᬂᬫᬮᬸ᭞ᬧᬶᬦᭂᬄᬧᬶᬦᭂᬳᬂᬫᭂᬳᬸᬶᬂᬮᬳᬂ᭞ᬳᬧᬂᬢᬯᬂ᭞ᬦᬾᬫᬵᬤᬦ᭄ᬢᬸᬳᬸ
ᬦᬶᬂᬢᬸᬳᬸ᭞ᬲᬭᬶᬂᬲᬭᬶᬗᬶᬦ᭄ᬤᬶᬳᬯᬓ᭄᭞ᬳᭂᬤᬲᬸᬯᬸᬤ᭄ᬫᬗᭂᬦᭂᬳᬶᬦ᭄᭟᭐᭟᭑᭒᭟ᬮᬶᬬᬸᬦᬓ᭄ᬪᬶᬱᬫᬜᬫ᭄ᬩᬢ᭄᭞ᬯ᭄ᬬᬵᬲ᭄ᬢ᭄ᬭᬦᬾᬤᬰᬵᬓ᭄ᬱᬭᬧᬮᬶᬂᬍᬯᬶᬄ᭞ᬭᬶᬗ᭄ᬓᭂᬲ᭄ᬳᬧᬂᬗᬯᬶᬦ᭄ᬥᬸ᭞
Page:Bali-lontar-gaguritan-kawiswara-300ppi.pdf/38
Jump to navigation
Jump to search
This page has been proofread.
