[᭒᭙ 29 B]
᭒᭙᭟
᭕᭟ᬳᬧᬗ᭄ᬕᬦ᭄ᬗᬲ᭄ᬣᬶᬢᬶᬭᬶᬂᬲᬂᬳ᭄ᬬᬂᬯᬶᬥᬶᬳ᭄ᬬᬂᬯᬶᬥᬶ᭞ᬦ᭄ᬢᭀᬓᭂᬦᭂᬳᬂ᭞ᬤᬾᬯᬦᬾᬤᬶᬩᬲᬂ᭞ᬕᭂᬮᬸᬫᬦᬕᬶᬄᬩᬦ᭄ᬢᭂᬦᬶᬦ᭄᭞ᬬᬦ᭄ᬩᬦ᭄ᬢᭂᬦᬶᬦ᭄ᬩᬳᬦ᭄ᬢᬸᬢᬸᬃ᭞ᬩᬶᬮᬶᬄᬬᬢ᭄ᬯᬭᬓᬢᬫ᭄ᬧᬶ᭞ᬳ
ᬲᭂᬧᬶᬦ᭄ᬩᬳᬦ᭄ᬲᬸᬓ᭄ᬱ᭄ᬫ᭞ᬪᬝᬭᬲᬸᬫᬶᬗ᭄ᬓᬶᬦ᭄ᬩᭂᬦ᭄ᬥᬸ᭞ᬓᬤᬶᬕᭂᬋᬳᬶᬂᬳᬓᬰ᭞ᬫᬗᬦ᭄ᬤᬶᬓ᭞ᬤᬶᬓᬾᬢᭀᬦᬾᬓᬸᬤ᭄ᬬᬂᬩᭂᬮᬶ᭞ᬗ᭄ᬯᬋᬕᬂᬳᬘᭂᬧ᭄ᬳᬘᭂᬧᬦ᭄᭟᭐᭟᭖᭟ᬤᬶᬚᬳᬤᬳ᭠
ᬦᬓ᭄ᬪᬶᬱᬗᬶᬢᬸᬗᬶᬦ᭄᭞ᬳᬶᬲᬶᬦ᭄ᬩᬲᬂ᭞ᬳᭂᬦ᭄ᬢᭀᬜᬦ᭄ᬤᬂᬢᬸᬮᬤ᭄᭞ᬗᬗ᭄ᬕᭀᬦ᭄ᬥᬦᬯᬶ᭠ᬯᬸᬶᬭᬢᬶᬦᬾ᭞ᬬᬰᬦᬾᬜᬦ᭄ᬤᬂᬓᬕᬸᬕᬸ᭞ᬬᬤ᭄ᬬᬦ᭄ᬩᭂᬮᭀᬕᬦ᭄ᬳᬓᬶᬥᬶᬓ᭄᭞ᬓᬾᬯᬮᬤᬗ
ᬫ᭄ᬩᭂᬓᬂᬘᭀᬭᬄ᭞ᬧᬗ᭄ᬮᬓ᭄ᬱᬡᬦᬾᬧᬢᬹᬢ᭄᭞ᬢ᭄ᬯᬭᬤᬺᬗ᭄ᬕᬶᬭᬶᬂᬳᬸᬲᬳ᭞ᬓᬸᬤᬸᬭᬶᬭᬶᬄ᭞ᬮᬶᬬᬸᬳᬦᬓ᭄ᬫᬗᭂᬤᬾᬓᬶᬦ᭄᭞ᬤᬬᬦᬾᬫᬫᬗ᭄ᬕᬮᬕᬫ᭄ᬩᬂ᭟᭐᭟᭙᭟ᬳᬶᬭᬲᬸᬢ᭄ᬢ
᭓᭐ 30 A]
ᬫᬫᬗ᭄ᬭᬱᬲᬚ᭄ᬭᭀᬦᭀᬂᬳᬢᬶ᭞ᬦᭂᬫᬸᬚᭂᬗᬄ᭞ᬓᬮᬄᬫᬧᬗ᭄ᬭᬱ᭞ᬲᬸᬫᬯᬸᬃᬳᬮᬸᬲᬸᬚᬭᬾ᭞ᬧᬸᬦᬶᬓᬯᬦ᭄ᬢᬄᬲᬢᬸᬳᬸ᭞ᬓᬵᬤᬶᬧᬗᬦ᭄ᬤᬶᬓᬦ᭄ᬩᭂᬮᬶ᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬢᬶᬗ᭄ᬓᬄ
ᬳᬧᬂᬲᬶᬤ᭄ᬥᬬᬫᬢᭂᬫᬸ᭞ᬩᭂᬓᭂᬮᬾᬦᬸᬫᬤᬶᬳᬦ᭄ᬫ᭞ᬳᬧᬂᬩᭂᬘᬶᬓ᭄᭞ᬲᬓᬮᬦᬶᬲ᭄ᬓᬮᬳᬧ᭄ᬢᬶ᭞ᬓᬶᬚᬮᬓᬸᬜᬓᭀᬮᬳᬂ᭟᭐᭟᭘᭟ᬢᬦ᭄ᬘᬭᬶᬢᬳᭀᬯᬕᬸᬩᭂᬕᬾᬲᬋᬂᬓᬮᬶᬄ᭞ᬓ
ᬘᬭᬶᬢ᭞ᬓᬮᬶᬄᬲᬂᬉᬥᬦ᭞ᬜᬫᬦᬾᬧᬮᬶᬂᬓᭂᬮᬶᬳ᭞ᬢᬶᬗ᭄ᬓᬄᬓᬵᬤᬶᬩᭂᬮᭀᬕ᭄ᬢᬸᬢᬹᬢ᭄᭞ᬢᭀᬂᬧᬢᬶᬧᬢᬶᬫᬫᬸᬜᬶ᭞ᬦᬗ᭄ᬳᬶᬓᬮᬶᬯᬢ᭄ᬯᬶᬥᬕ᭄ᬤ᭞ᬫᬗᬗ᭄ᬕᬾᬲᬶ᭠
ᬤ᭄ᬥᬲᬓᬳ᭄ᬭᬸᬦ᭄᭞ᬮᬶᬬᬸᬳᬦᬓ᭄ᬫᬜᬬᬗᬂ᭞ᬓᬥᬂᬫᬶᬢ᭄ᬭ᭞ᬲᬫᬶᬧᬥᬯᭂᬮᬲ᭄ᬳᬲᬶᬄ᭞ᬲᬓᬶᬂᬪᬕᬯᬵᬦ᭄ᬪ᭄ᬬᬱ᭟᭐᭟᭙᭟ᬦᬸᬮᬶᬤᬦᬾᬗᬦ᭄ᬤᬶᬓᬳᬭᬶᬲ᭄᭞ᬲᭂᬫᬸᬓᭂ
Page:Bali-lontar-gaguritan-kawiswara-300ppi.pdf/30
Jump to navigation
Jump to search
This page has been proofread.
