[᭑1B]
᭑
᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸ ᭛ᬧᬸᬄᬤᬹᬃᬫ᭄ᬫᬵ᭛ᬳᬶᬲᭂᬂᬢᬶᬢ᭄ᬬᬂᬗ᭄ᬕᬯᬾᬓᬶᬤᬹᬂᬕᬕᬸᬭᬶᬢᬦ᭄᭞ᬳᬗ᭄ᬕᬾᬦᬵᬧᬜᬮᬶᬫᬹᬃᬲᭂᬤᬶᬄ᭞ᬳᬶᬩᬸᬓ᭄ᬢᬦ᭄ᬲᬧᬶᬭ᭞ᬓᬮᬸᬤᬶᬦ᭄ᬩᭂᬮᭀᬩ᭄ᬧᬶᬲᬦ᭄᭞ᬜᬮᬶᬫᬸᬃᬫᬗ᭄ᬕ
ᬯᬾᬕᭂᬡ᭄ᬥᬶᬂ᭞ᬧᬗ᭄ᬮᬶᬧᬹᬃᬫᬦᬄ᭞ᬓᬭᬦᬶᬂᬯᬗᬸᬦ᭄ᬕᬸᬭᬶᬢ᭄᭟ᬚᬧᬢ᭄ᬯᬦ᭄ᬓᬳᬶᬓᭂᬢ᭄ᬫᬸᬗ᭄ᬕᬸᬄᬭᬶᬂᬕᬶᬢ᭄ᬣ᭞ᬓᬭᭀᬲᬦᬓᬶᬋᬓᬶ᭞ᬦᬾᬓ᭄ᬮᬶᬳᬦ᭄ᬧᬸᬦᬶᬓᬵ᭞ᬳᬦᬫᬵᬕᬕᬓ᭄ᬢᬸᬭᬲ᭄᭞ᬳᬦᬸᬢ᭄ᬲᬲᬾᬮ᭄ᬯᬦᬶᬗ
ᬭᬶ᭞ᬢᬦ᭄ᬧᬶᬯᬮ᭄ᬮᬫ᭄ᬧᬄ᭞ᬓᬭᬦᬶᬂᬢᬶᬗ᭄ᬕᬮ᭄ᬕᬸᬫᬶ᭟ᬚ᭄ᬜᭂᬓ᭄ᬧᬕᭂᬄᬳᬓᬸᬯᬸᬦᬕᬭᬾᬭᬭ᭞ᬳᬫ᭄ᬧᬸᬭᬢᬶᬢ᭄ᬬᬂᬗᬯᬶ᭞ᬮ᭄ᬯᬶᬃᬫᬡ᭄ᬥᬸᬗᬶᬂᬯᬸᬮᬦ᭄᭞ᬤᬸᬭᬬᬦ᭄ᬲᬫᬓ᭄ᬦᬵ᭞ᬍᬯᬶᬄᬢᬫ᭄ᬩᭂᬢ᭄ᬫᬩᭂᬢ᭄ᬭᬶᬭᬶᬄ᭞ᬗᬤᬸᬲᭀ
ᬓ᭄ᬧᭀᬗᬄ᭞ᬳᬶᬥᭂᬧᬾᬢ᭄ᬯᬭᬥᬳᬶᬫ᭄ᬩᬶᬄ᭟ᬲᬫ᭄ᬧᬸᬭᬚᬵᬢᬶᬢ᭄ᬬᬂᬳᬦ᭄ᬢᬸᬓ᭄ᬧᬤᬭᬶᬂᬳ᭄ᬬᬂ᭞ᬢᬦ᭄ᬓᬢᬸᬮᬳᬶᬂᬫᬫᬶ᭞ᬢᬦ᭄ᬓᭂᬦᬾᬂᬧᬶᬭᬭ᭞ᬮᬸᬧᬸᬢᬶᬂᬭᬭᬵᬭᭀᬕ᭄ᬕᬵ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬥᬶ᭞ᬭ
[᭒2A]
ᬳᬬᬸᬧᬹᬃᬡ᭄ᬦ᭞ᬓᬸᬮᬲᬵᬦ᭄ᬢᬦᬫᬫᬶ᭟ᬓᬯᬸᬯᬸᬲᬦ᭄ᬭᬶᬦᬫᬵᬓᬶᬚᬧᬢ᭄ᬯᬦ᭄᭞ᬲᬫ᭄ᬧᬸᬦ᭄ᬮᬯᬲ᭄ᬳ᭄ᬬᬓ᭄ᬭᬫᬶ᭞ᬯᬾᬦ᭄ᬢᬶᬕᬂᬘᬦ᭄ᬤ᭄ᬭ᭞ᬮᬶᬦ᭄ᬢᬂᬳᬲᬶᬄᬳᬭᬶᬦ᭄ᬬ᭞ᬳᬦᬸᬢ᭄ᬲᬲᬾᬘ᭄ᬙᬭᬶᬗᬧ᭄ᬢᬶ᭟ᬢᬦ᭄ᬧᬶᬯᬮ᭄ᬓᬧ᭄ᬢ᭄ᬬ᭞ᬧᬥᬲᬮᬾᬂᬲᬸ
ᬓᬦᬶᬦ᭄᭟ᬢᬹᬭᬶᬦᬫᬳᬭᬶᬦ᭄ᬬᬦᬶᬭᬵᬢ᭄ᬦᬦᬶᬂᬭᬵᬢ᭄᭞ᬫᬓᬵᬓᭂᬫ᭄ᬩᬗᬶᬂᬪᬹᬫᬶ᭞ᬳᬦᬫᬥᬭᬶᬂᬭᬵᬢ᭄᭞ᬓᬤᬶᬳ᭄ᬬᬂᬲᬶᬢᬭᬲ᭄ᬫ᭄ᬬ᭞ᬢ᭄ᬓᬫᬫᬡ᭄ᬥᬸᬗᬶᬓᬧ᭄ᬢᬶ᭞ᬦᬶᬭᬵᬢ᭄ᬦᬦᬶᬂᬭᬵᬢ᭄᭞ᬧᬢᬶᬩ᭄ᬭᬢ᭄ᬣᬳᬮᬓᬶ᭟
ᬢᬹᬃᬳᬦᭂᬫ᭄ᬩᬄᬳᬲ᭄ᬢᬶᬢᬶᬪᬓ᭄ᬢᬶᬭᬶᬂᬮᬓ᭄ᬬ᭞ᬢᬦ᭄ᬮᬶᬧ᭄ᬬᬭᬳᬶᬦᬯᭂᬗᬶ᭞ᬓᬭᬦᬶᬂᬲᬸᬯᬶᬃᬬ᭄ᬬᬯᬶᬩᬸᬳᬶᬂᬧᬳᭀᬫᬳᬦ᭄᭞ᬢᬦ᭄ᬮ᭄ᬬᬦ᭄ᬲ᭄ᬯᬪᬓ᭄ᬢᬶᬭᬶᬂᬯᬶᬥᬶ᭞ᬢᬦ᭄ᬮᬫᬲᬸᬧ᭄ᬢᬳᬧᬦ᭄ᬧᬫᬫᬶᬢ᭄ᬳᬸᬦᬶ᭟ᬭᬵᬢ᭄ᬦᬪᬹᬫᬶᬫ
ᬢᬹᬃᬲᬃᬯᬶᬦᬶᬭᬦᭂᬫ᭄ᬩᬄ᭞ᬜᬮᬾᬬᭀᬕ᭄ᬲᬤᬫᬜᬶᬂ᭞ᬩ᭄ᬮᬶᬚᬧᬢ᭄ᬯᬦ᭄ᬲᬵᬫ᭄ᬧᬸᬦᬂᬲᬮᬶᬢᬃᬱ᭞ᬫᬜ᭄ᬚᬓᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬩᬬᬧᬦᬶᬢᬄᬗ᭄ᬕ᭄ᬯᬄᬢᬺᬱ᭄ᬡᬫ᭄ᬕᬢ᭄ᬩᬸᬤ᭄ᬥᬶ᭟ᬧᬶᬢᬸᬂᬤᬶᬦᬲᬫᬬᬦ᭄ᬢᬶᬢ᭄ᬬ
Page:Bali-lontar-gaguritan-japatuwan-300ppi.pdf/2
Jump to navigation
Jump to search
This page has been proofread.
