[᭒᭙ 29B]
᭒᭙
ᬦ᭄ᬢᬫᬗ᭄ᬓᬾ᭞ᬳᬶᬓᬶᬫᬲ᭄ᬢᬶᬕᬂᬧᬼᬗ᭄ᬓᬸ᭞ᬓᭀᬫ᭄ᬩᬮᬵᬢᬶᬕᬂᬕ᭄ᬮᬸᬂ᭞ᬩᬓ᭄ᬢᬦᭂᬦ᭄ᬳᬶᬧᬸᬢᬸᬫᬦ᭄ᬢᬸᬓ᭄᭞ᬳᬢᬸᬭᬂᬩᬳᬶᬓᬸᬫᬗ᭄ᬓᬾ᭞ᬫᬭᬶᬂᬲᬶᬭᬲᬗᬳᬸᬮᬸᬦ᭄᭞ᬲᬶᬤ᭄ᬟᬧᬓ᭄ᬱᬵᬫᬶᬢ᭄ᬳᬦᭂᬫ᭄ᬩᬄ᭞ᬓᬦ᭄ᬢᬸᬦ᭄ᬧᬥᬦᬶᬭᬶᬂᬳ᭄ᬬᬂ᭟
ᬳᬮᬸᬯᬭᬦ᭄ᬫᬗ᭄ᬓᬾᬧᬥᬫᬦ᭄ᬢᬸᬓ᭄᭞ᬫᬭᬳ᭄ᬬᬂᬗ᭄ᬬᬂᬫᬗ᭄ᬓᬾ᭞ᬓᬩᬾᬄᬳᬫᬶᬢ᭄ᬳᬗᬩᬓ᭄ᬢᬶ᭞ᬪᬝᬵᬭᬇᬦ᭄ᬤ᭄ᬭᬫᬸᬯᬸᬲ᭄᭞ᬮᬄᬫᬦ᭄ᬢᬸᬓᬧᬸᬢᬸᬦᬶᬗ᭄ᬲᬸᬦ᭄᭞ᬢᬦ᭄ᬓ᭄ᬭᭀᬤᬧᬦ᭄ᬲᬶᬭᬫᬗ᭄ᬓᬾ᭞ᬯᬶᬤ᭄ᬬᬥᬭᬶ
ᬓᬂᬯᬶᬦᬸᬯᬸᬲ᭄᭞ᬳᬕᬸᬂᬩ᭄ᬭᬦ᭄ᬢᬮᬭᬦᬾᬢᬺ᭞ᬓᬾᬤᬦᬦ᭄ᬭᬶᬂᬲᬶᬤ᭄ᬟᬧᬓ᭄ᬱᬵ᭟ᬓᬯᬵᬃᬡ᭄ᬦᬦᭂᬦ᭄ᬮᬵᬫ᭄ᬧᬳᬾᬭᬶᬂᬦᬸ᭞ᬍᬧᬲ᭄ᬮᬫ᭄ᬧᬳᬾ᭞ᬧ᭄ᬭᬧ᭄ᬢᬶᬭᬶᬂᬩᬜ᭄ᬘᬭᬓᬸᬲᬭᬶ᭞ᬲ᭄ᬓᬃᬳᬕ᭄ᬮᬭᬶᬂᬲᬶᬯᬶ᭞ᬲᬸᬮᬢ᭄ᬭᬶ᭠
ᬮᬦᬕᬲᬦ᭄ᬢᬸᬦ᭄᭞ᬳᬗ᭄ᬲᭀᬓᬵᬲᭂᬳᭂᬦ᭄ᬲ᭄ᬓᬭᬾ᭞ᬲ᭄ᬓᬵᬃᬲᬸᬫᬦᬰᬵᬯᬶᬮᬶᬲ᭄᭞ᬭᬶᬚᬰᬵᬧᬹᬃᬡ᭄ᬦᬫᬲᬤ᭄ᬟᬵ᭞ᬧ᭄ᬭᬲᬫᬢᬸᬃᬲᬸᬳᬸᬦ᭄ᬲ᭄ᬓᬵᬃ᭟ᬲ᭄ᬓᬵᬃᬢᬜ᭄ᬚᬸᬂᬳᬕ᭄ᬮᬭᬶᬂᬲᬶᬢᬶ᭞ᬰ᭄ᬭᬶᬤᬡ᭄ᬝᬵᬭᭀᬯ
[᭓᭐ 30A]
ᬗᬾ᭞ᬳᬤᬲ᭄ᬮᬯᬦ᭄ᬓᭂᬫ᭄ᬩᬂᬓᬸᬦᬶᬂ᭞ᬲᬯᬵᬃᬡ᭄ᬦᬵᬚᬕᬲᬢ᭄ᬭᬸ᭞ᬲ᭄ᬓᬃᬳᬸᬗᬸᬳᬕ᭄ᬮᬭᬸᬦ᭄ᬢᬸᬄ᭞ᬧᬳᭀᬫᬦᬚᬚᬯᬶᬢ᭄ᬗᭀ᭞ᬓᬧᬯᬦᬦ᭄ᬤ᭄ᬭᬄᬲᬸᬫᬧᬸᬢ᭄᭞ᬓᬲᬶᬲᬶᬢᬸᬫᬶᬩᬾᬂᬢᭀᬬ᭞ᬯᭀᬳᬯᬭᬶᬄ
ᬳᬗ᭄ᬭᬲᬶᬳᬦ᭄᭟ᬓᬯᬵᬃᬡ᭄ᬦᬲ᭄ᬓᬵᬃᬓᭂᬫ᭄ᬩᬂᬦᬶᬸᬭᬶᬂᬩᬜᬸ᭞ᬓᭂᬫ᭄ᬩᬂᬲᬲᬤᬭᬾ᭞ᬓᬓᬢᬂᬲ᭄ᬓᬃᬢᬮᬸᬓᬶ᭞ᬢᬸᬜ᭄ᬚᬸᬂᬩᬂᬢᬸᬜ᭄ᬚᬸᬂᬩᬶᬭᬸ᭞ᬢᬮᬢᬾᬮᬳᬶᬭᬶᬲᬭᬶ᭞ᬘᬫ᭄ᬧᬓᬓᬸᬦᬶᬂᬭᭀᬯᬗᬾ᭞ᬲ᭄ᬓᬵᬃᬤᬾᬫ᭄ᬧᭀᬮ᭄
ᬕ᭄ᬮᬭᬶᬂᬧᬭᬸᬂ᭞ᬳᬦ᭄ᬤᭀᬂᬫᬶᬤᬦᬾᬂᬢᭀᬬᬵ᭞ᬯᭀᬗᬯᬭᬶᬳᬾᬩᬺᬱᬶᬳᬦ᭄᭟ᬓᬯᬵᬃᬡ᭄ᬦᬳᬵᬮᬫ᭄ᬧᬳᬦᬾᬂᬦᬸ᭞ᬲᬶᬤ᭄ᬟᬧᬓ᭄ᬱᬫᬗ᭄ᬓᬾ᭞ᬓᬍᬲᭀᬦ᭄ᬳᬦ᭄ᬤᬸᬲ᭄ᬭᬶᬂᬩᬾᬚᬶ᭞ᬲᬫ᭄ᬧᬸᬦᬶᬭᬫᬗ᭄ᬓᬾᬤᬸᬲ᭄᭞ᬫᭂ
ᬦ᭄ᬢᬓ᭄ᬱᬮᬸᬗ᭄ᬕᬸᬄᬭᬶᬂᬧᬢᬶ᭞ᬤᬾᬦ᭄ᬲᬃᬯ᭄ᬯᬶᬬᬶᬂᬯᬶᬮᭀᬫᬗ᭄ᬓᬾ᭞ᬢᬸᬯᬸᬭᬸᬧᬦᬶᬭᬩᬕᬸᬲ᭄᭞ᬳᬾᬫᬦᬾᬳᬦᭀᬫ᭄ᬢᬦ᭄ᬧᭀᬭᬢ᭄᭞ᬤᬸᬭᬸᬂᬳᬫᬗ᭄ᬕᬶᬄᬓᬯᬶᬃᬬ᭄ᬬᬦ᭄᭟ᬢᬶᬢᬶᬗ᭄ᬓᬳᬦ᭄ᬫᬗ᭄ᬓᬾᬲᬶᬭᬲᬭᬶᬍ
Page:Bali-lontar-gaguritan-istri-tanjung-02-300ppi.pdf/30
Jump to navigation
Jump to search
This page has been proofread.
