[ ᭘᭒ 82B]
᭘᭒᭞
ᬦ᭄ᬓᬫᬸᬮ᭄ᬬᬦ᭄ᬘᬳᬶ᭞ᬫᭂᬥᭂᬫ᭄ᬳᬚᬓ᭄ᬦᬶᬭᬤᬶᬢᬸ᭞ᬤᬶᬚ᭄ᬭᭀᬦᬶᬂᬧᬢᬶᬍᬫᬦ᭄᭞ᬤᬾᬦᬶᬂᬳᬶᬭᬓᬶᬬᬧ᭄ᬕᬢᬶ᭞ᬳᬸᬮᬶᬄᬢᬸᬦᬶ᭞ᬳᬶᬭᬤᬶᬦᬶᬫᭂᬗᬦ᭄ᬢ᭄ᬬᬂ᭟ᬤᬾᬦᬶᬂᬓᬬᬸᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞᭠
ᬫᬗ᭄ᬤᬾᬫᬗᭂᬜᬓᬶᬦ᭄ᬘᬳᬶ᭞ᬲᬶᬓᭂᬫ᭄ᬩᬃᬫᬳᬢᬸᬃᬜᭂᬫ᭄ᬩᬄ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬧᬶᬂᬓᬵᬮᬶᬄᬧᬶᬂᬢᬶᬕᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬦᬸᬦᬲ᭄ᬮᬸᬧᬸᬢ᭄᭞ᬕᬸᬂᬲᬶᬲᬶᬧ᭄ᬲᬶᬦᬫ᭄ᬧᬸ᭠
ᬭ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬗᬶᬂᬚ᭄ᬭᬶᬄ᭞ᬚᬳᬵᬢᬸᬮᬄ᭞ᬭᬾᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬳᬶᬤᬾᬯ᭟ᬭᬵᬚᬧᬸᬢ᭄ᬭᬶᬫᬗᬦ᭄ᬤᬶᬓᬵ᭞ᬗᬸᬤᬓᬾᬢᭀᬩᬳᬦ᭄ᬘᬳᬶ᭞ᬤᬾᬦᬶᬂᬲᬸᬩᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫᬶᬢᭂ
ᬫᭂᬲᬂᬢᭂᬓᬾᬦ᭄ᬘᬳᬶ᭞ᬳᬧᬂᬘᬳᬶᬗᬗ᭄ᬕᭀᬦ᭄ᬭᬩᬶ᭞ᬗᬸᬤ᭄ᬬᬂᬲᬗ᭄ᬓᬦ᭄ᬘᬳᬶᬢᬓᬸᬢ᭄᭞ᬲᬶᬓᭂᬫ᭄ᬩᬃᬫᬢᬸᬃᬦᬶᬫ᭄ᬩᬮ᭄᭞ᬧᬢᬸᬢ᭄ᬲᬧᬸᬦᬶᬓᬕᬸᬲ᭄ᬢᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬳᬶᬤᬫᬳᬶ
[ ᭘᭓ 83A]
ᬘᬬᬂ᭟ᬬ᭄ᬯᬤᬶᬦ᭄ᬲᭂᬋᬂᬓᬬᬸᬦᬦ᭄᭞ᬢᬶᬢ᭄ᬬᬂᬢᬍᬃᬫᬢᬸᬃᬲᬶᬲᬶᬧ᭄᭞ᬤᬾᬦᬶᬂᬢᬶᬢ᭄ᬬᬂᬫᬗᬳᬸᬮᬵ᭞ᬢ᭄ᬯᬦ᭄ᬯᭂᬦᬂᬮᬗ᭄ᬕ᭄ᬯᬭᬶᬂᬕᬸᬲ᭄ᬢᬶ᭞ᬚ᭄ᬭᬶᬄᬧᬶᬲᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬚᬕᬵᬫᬗ᭄ᬕᬶᬄᬢᬸᬮᬄᬫᬦᬸᬄ᭞ᬬ᭠
ᬦᬶᬂᬮᬾᬤᬂᬧᭂᬓᬬᬸᬦᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬚᬕᬵᬮᬸᬗ᭄ᬳᬵ᭞ᬫᬵᬜᬸᬲᬸᬧ᭄ᬓᬢᭂᬗᬄᬳᬮᬲ᭄᭟ᬬᬾᬦᬶᬂᬯᬾᬦ᭄ᬢᭂᬦ᭄ᬫᬦᬸᬦᬲᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬗᬾᬢᬦ᭄ᬓᬭᬶ᭞ᬇᬭᬶᬓᬵᬭᬶᬂᬚ᭄ᬭᭀᬦᬶᬂᬧᬸᬭ
ᬦ᭄ᬤᬶᬓᬬᬂᬭᬕᬦ᭄ᬳᬶᬕᬸᬲ᭄ᬢᬶ᭞ᬗᬫᭂᬗ᭄ᬕᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬗ᭄ᬮᬯᬸᬢ᭄ᬳ᭄ᬬᬫᬗᬫ᭄ᬩᬸᬮ᭄᭞ᬚᬦᬶ᭠ᬬᬓᬶᬚᬮᬓᬸᬦ᭄ᬜ᭞ᬲᬧᬸᬦᬶᬓᬵᬳᬦ᭄ᬢᬸᬓ᭄ᬕᬸᬲ᭄ᬢᬶ᭞ᬗᬦ᭄ᬤᬶᬓᬬᬂ᭞ᬬᬦ᭄ᬯᬾᬦ᭄ᬢᭂᬦ᭄ᬦᬓᬾᬦᬂᬢᬶᬢ᭄ᬬᬂ᭟ᬢ᭠
ᬍᬃᬚᬕᬵᬫᬦᬸᬢᬸᬭᬂ᭞ᬳᭂᬥᭂᬕ᭄ᬫᬗ᭄ᬕᬳᬶᬦ᭄ᬳᬶᬕᬸᬲ᭄ᬢᬶ᭞ᬲᬧᬸᬦᬶᬓᬵᬲᬯᬸᬃᬢᬶᬢ᭄ᬬᬂ᭞ᬭᬵᬚᬧ᭄ᬯ᭠ᬧᬸᬢ᭄ᬭᬶᬫᭂᬜᬯᬸᬭᬶᬦ᭄᭞ᬤᬸᬯᭂᬕ᭄ᬲᬦ᭄ᬘᬳᬶᬗᬚᬳᬶᬦ᭄᭞ᬗᬸᬤᬓᬾᬢᭀᬘᬳᬶᬤᬸᬫᬸᬦ᭄᭞ᬢᬸ
Page:Bali-lontar-gaguritan-indra-bang-induraja-300ppi.pdf/83
Jump to navigation
Jump to search
This page has been proofread.
