[ ᭓᭘ 38B]
᭓᭘᭞
ᬢᬶ᭞ᬓᬮᬶᬗᬦ᭄ᬜ᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬧ᭄ᬮᬮ᭄ᬬᬦ᭄᭟ᬳᬚᬓ᭄ᬤᬶᬦᬶᬤᬶᬫᭂᬕᬮ᭄ᬯᬦ᭄᭞ᬓᬾᬢᭀᬓᬬᬸᬦ᭄ᬭᬤᬾᬦ᭄ᬤᬾᬯᬶ᭞ᬮᬮᬥᬸᬓ᭄ᬓᬓᬬ᭄ᬬᬦᬶᬂᬳᬤᬦ᭄᭞ᬳᬦᬓᬾᬘᭂᬦᬶᬓ᭄ᬧ᭄ᬭᬚᬦᬶ᭞ᬭᬭᬶᬲ᭄ᬓᬳᬤ
ᬦᬶᬦ᭄ᬫᬗ᭄ᬓᬶᬦ᭄᭞ᬲᬶᬯᭀᬂᬳᭀᬃᬧᬵᬦ᭄ᬯᬲ᭄ᬢᬦ᭄ᬳᬶᬧᬸᬦ᭄᭞ᬲᬳᬶᬓᬵᬳᬗ᭄ᬕᬾᬦ᭄ᬧ᭄ᬮᬮ᭄ᬬᬦ᭄᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬢᬸᬢᬸᬢ᭄ᬩᬤᬄ᭞ᬩᬶᬱᬵᬫᬳᬶᬕᭂᬮ᭄ᬳᬶᬕᭂᬮᬦ᭄᭟ᬢᬸᬃᬩᬶᬱᬵᬫᬫᬸᬜᬶᬚᬤ᭄ᬫ᭞ᬦᬸ
ᬭᬄᬫᬸᬜᬶᬤᬶᬦᬵᬕᬭᬶ᭞ᬧᭂᬦ᭄ᬢᬾᬲ᭄ᬢᬾᬢᬾᬄᬢᬸᬃᬫᬢᬢᬵ᭞ᬫᬶᬭᬶᬩ᭄ᬢᬸᬯᬄᬚᬢ᭄ᬫᬭᬶᬭᬶᬄ᭞ᬮᬾᬤᬂᬓᬬᬸᬦ᭄ᬭᬚᬧᬸᬢ᭄ᬭᬶ᭞ᬜᬶᬗᬓᬶᬦ᭄ᬲᬶᬳᭀᬃᬢ᭄ᬢᬦ᭄ᬤᬶᬢᬸ᭞ᬲᬸᬯᬾᬲᬫ᭄ᬧᬸᬦ᭄ᬘᬭᬶᬢᬬᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯ
ᬡᬵᬤᬶᬧᬸᬭᬶ᭞ᬫᭂᬫᬋᬓᬦ᭄᭞ᬭᬶᬂᬳᬶᬤᬲᬂᬭᬵᬚᬚ᭄ᬯᬶᬢ᭟ᬤᬾᬦᬶᬂᬫᬸᬮᬚᬢᬶᬧ᭄ᬭᬚ᭄ᬜᬦ᭄᭞ᬤᬸᬯᭂᬕ᭄ᬳ᭄ᬬᬗ᭄ᬮᬾᬗᬶᬦ᭄ᬕᬸᬲ᭄ᬢᬶ᭞ᬲᬓᬬᬸᬦ᭄ᬢ᭄ᬯᬄᬓᬲᬶᬤ᭄ᬥᬬᬂ᭞ᬢᭀᬂᬢᬳᬾᬦ᭄ᬫᬲᬮᬶᬦ᭄ᬫᬸᬜᬶ᭞ᬤᬤ᭄ᬬᬜᬲᬂ
[ ᭓᭙ 39A]
ᬭᬵᬚᬧᬸᬢ᭄ᬭᬶ᭞ᬲ᭄ᬯᬾᬘᬦᬾᬲᬬᬦ᭄ᬫᬯᬸᬯᬸᬄ᭞ᬤᬶᬢᬸᬓᬢᬸᬳᬸᬓᬶᬦ᭄ᬧᬶᬲᬦ᭄᭞ᬲᬶᬯᭀᬲᬦ᭄ᬭᬶᬂᬲᬯ᭄ᬯᬪᬸᬓ᭄ᬢᬶ᭞ᬤᬤᬶᬯᭂᬢᬸ᭞ᬓᬬᬸᬦ᭄ᬳᬶᬤᬭᬚᬚ᭄ᬯᬶᬢ᭟ᬗᬦ᭄ᬤᬶᬓᬬᬂᬲᬶᬯᭀᬂᬳᭀᬃᬢ᭄ᬢᬦ᭄᭞ᬧ
ᬘᬂᬫᬗᬗᭀᬦᬂᬓᬫ᭄ᬩᬶᬂ᭞ᬢ᭄ᬯᬦ᭄ᬤᬾᬯᬶᬫᭂᬗᬦ᭄ᬤᬶᬓᬵ᭞ᬉᬚᬭᬾᬳᬭᬸᬫ᭄ᬫᬫᬦᬶᬲ᭄᭞ᬇᬄᬳᭀᬃᬢ᭄ᬢᬦ᭄ᬮᬫᬸᬦ᭄ᬘᬳᬶ᭞ᬚᬢᬶᬍᬕᬦᬾᬫᬦᭂᬭᬸᬲ᭄᭞ᬫᬕᬸᬲ᭄ᬢᬶᬢᭂᬓᬾᬦᬶᬭ᭞ᬦᬶᬭᬗᬶᬤᬶᬄᬍ
ᬕᬜ᭄ᬘᬳᬶ᭞ᬭᬭᬶᬲ᭄ᬫᬢᬸᬃ᭞ᬲᬶᬯᭀᬃᬢ᭄ᬢᬦ᭄ᬲᬳᬵᬧ᭄ᬭᬦᬫ᭄ᬬ᭟ᬇᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬤᬶᬗ᭄ᬓᬾᬦᬾᬢᬶᬢ᭄ᬬᬂᬢᬦ᭄ᬪᬓ᭄ᬢᬶ᭞ᬢᬶᬗ᭄ᬓᬳᬶᬂᬲᬫ᭄ᬧᬸᬦ᭄ᬓᬯᬯᬵ᭞ᬢᬦᭀᬕ᭄ᬬᬫᬫᬮᬶᬄᬩᬸ
ᬤ᭄ᬥᬶ᭞ᬲᬧᬓᬬᬸᬦᬦᬾᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬬᬂᬢᬶᬢ᭄ᬬᬂᬭᬢᬸ᭞ᬫᬲᬵᬧᬸᬭᬸᬦ᭄ᬚᬕᬵᬧᬶᬯᬮ᭄᭞ᬬ᭄ᬯᬤᬶᬦ᭄ᬫᬗᭂᬫᬲᬶᬦ᭄ᬫᬢᬶ᭞ᬢᬶᬢ᭄ᬬᬂᬢᬸᬮᬸᬲ᭄᭞ᬫᬗᬶᬭᬶᬂᬓᬬᬸᬦ᭄ᬳᬶᬤᬾᬯᬵ᭟ᬓᭂᬜᭂ
Page:Bali-lontar-gaguritan-indra-bang-induraja-300ppi.pdf/39
Jump to navigation
Jump to search
This page has been proofread.
