[ ᭑᭔᭔ 144B]
᭑᭔᭔᭞
ᬢ᭄ᬬᬂᬲᬋᬂᬭᬵᬚᬧᬸᬢ᭄ᬭ᭄᭞ᬲᬤᬶᬲᭀᬮᬄᬭᬢᬸᬍᬯᬶᬄ᭞ᬧᬶᬤᬩ᭄ᬤᬩ᭄ᬓᬃᬬ᭄ᬬᬦ᭄ᬲᬂᬧ᭄ᬭᬪᬸ᭞ᬭᬫᬾᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄᭞ᬢᬶᬢ᭄ᬬᬂᬢᬍᬃᬫᭂᬗᬦᬸᬢᬶᬦ᭄᭞ᬧᬮᬶᬓ᭄ᬭᬫ᭞ᬗᬢᬸᬭᬂᬳᭂ
ᬫᬲ᭄ᬓᬯᬶᬦᬦ᭄᭟ᬓᬶᬄᬢ᭄ᬬᬂᬚᬕᬢᬸᬮᬓ᭄᭞ᬫᬦ᭄ᬢᬸᬓ᭄ᬓᬧ᭄ᬭ᭄ᬬᬮᬦᬵᬕᬭᬶ᭞ᬧᬋᬓ᭄ᬭᬶᬂᬳᬶᬤᬳᬶᬩᬧ᭞ᬫᬓᬵᬤᬶᬭᬶᬂᬳᬶᬤᬲᭀᬭᬶ᭞ᬫᬶᬯᬄᬢᬶᬢ᭄ᬬᬂᬚᬕᬗᬮᬶᬄ᭞ᬳᬶᬩᭂᬮᬶᬲᬶ᭠
ᬜᬓᬢᭂᬧᬸᬓ᭄᭞ᬧᬭᬩᬾᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬤᬦᬾᬳᬶᬘᬮ᭄ᬤᬸᬓᬶᬗᬸᬦᬶ᭞ᬲᬋᬂᬢᬶ᭠ᬢ᭄ᬬᬂ᭞ᬩᭂᬮᬲᬾᬭᬶᬂᬢᭂᬗᬄᬳᬮᬲ᭄᭟ᬓᬮᬶᬄᬲᬦᬾᬢᬸᬦᬲ᭄ᬢᬶᬢ᭄ᬬᬂ᭞ᬭᬶᬂᬦᬶᬦᬶᬦᬾᬤᬸᬓᬶ᭠
ᬗᬸᬦᬶ᭞ᬩᬸᬮᬸᬄᬩ᭄ᬭᬶᬡ᭄ᬥᬦᬾᬧᬸᬦᬶᬓᬵ᭞ᬤᬸᬫᬤᬓ᭄ᬲ᭄ᬯᬾᬘᬳ᭄ᬬᬂᬯᬶᬤᬶ᭞ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬘᬂᬢᬢᭂᬓᭂᬦ᭄ᬲᬂᬧ᭄ᬭᬪᬸ᭞ᬲᬂᬬᬓ᭄ᬱᬶᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬉᬚᬭᬾᬳᬭᬸᬫ᭄ᬢᬸᬃ
[ ᭑᭔᭕ 145A]
ᬫᬦᬶᬲ᭄᭞ᬇᬗ᭄ᬕᬶᬄᬭᬢᬸ᭞ᬤᬓᭀᬩᭂᬢ᭄ᬢᬶᬢ᭄ᬬᬂᬜᬶᬤᬬᬂ᭟ᬩᬶᬸᬗᬢᬸᬭᬂᬩᬸᬮᬸᬄᬧᬸᬦᬶᬓ᭞ᬧᬘᬂᬢᬢᭂᬓᭂᬦ᭄ᬲᬂᬗᬚᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬲᬂᬬᬓ᭄ᬱᬶᬧᬘᬂᬫᬗᬮᬶᬄ᭞ᬢ
ᬦ᭄ᬓᭀᬘᬧᬭᬶᬂᬫᬃᬕ᭄ᬕᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬕ᭄ᬦᬄᬩᬸᬮᬸᬄᬧᬸᬦᬶᬓᬲᬂᬬᬓ᭄ᬱᬶᬳᬶᬚᬸᬫᬗᬫ᭄ᬩᬶᬮ᭄᭞ᬩᬸᬮᬸᬄᬩ᭄ᬭᬶᬡ᭄ᬥᬸ᭞ᬫᬗ᭄ᬭᬭᬶᬲ᭄ᬫᬗ᭄ᬓᬶᬦ᭄ᬫᬢᬸᬮ᭄ᬓ᭄᭟ᬧᬫᬃᬕ᭄ᬕᬶᬦᬾ
ᬕᬕᭂᬮᬶᬲᬦ᭄᭞ᬢᬦᬲᬸᬯᬾᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬳᬬᬸᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬓ᭄ᬢᬩᬸᬮᬸᬄᬳᭂᬫ᭄ᬧᭂᬢ᭄ᬢᬸᬯᬶ᭞ᬤᬶᬢᬸᬮᬯᬸᬢ᭄ᬲᬂᬬᬓ᭄ᬱᬶ᭞ᬫᬦᬶᬯᬓᬂᬩᬸᬮᬸᬄᬩ᭄ᬭᬶᬡ᭄ᬥᬸ᭞ᬭᬶᬂᬧᬸᬢᬸᬦᬾᬭᬵᬚᬧᬸᬢ᭄ᬭ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫ
ᬦᬫ᭄ᬧᬶ᭞ᬮᬶᬦ᭄ᬢᬂᬮᬶᬬᬂ᭞ᬦᬶᬦᬶᬦᬾᬤᬶᬢᬸᬦᬶᬯᬓᬂ᭟ᬭᬶᬂᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬤᬾᬦᬵᬳᬶᬂᬢᬺᬱ᭄ᬡᬦᬾᬢᬦ᭄ᬲᬶᬧᬶ᭞ᬓᬤᬶᬫᬧᬸᬢᬸᬢᬢ᭄ᬯᬶᬬᬦ᭄᭞ᬤᬶᬢᬸᬮᬯᬸᬢ᭄ᬓᬧᬲᬶᬳᬶᬦ᭄᭞ᬲᬃᬯ᭄ᬯᬶᬫᬗᬭᬲ᭄ᬧᬶᬧᬶ᭞ᬗᭂᬮᬸᬢ᭄ᬩ
Page:Bali-lontar-gaguritan-indra-bang-induraja-300ppi.pdf/145
Jump to navigation
Jump to search
This page has been proofread.
