[ ᭑᭐ 10B]
᭑᭐᭞
ᬳᬦ᭄ᬢᬸᬓ᭄ᬳ᭄ᬬᬂᬕᬸᬭᬸ᭞ᬢᬶᬗ᭄ᬓᬳᬶᬂᬤᬤᭀᬲ᭄ᬚᬢ᭄ᬫᬵ᭞ᬢᬦ᭄ᬓᬾᬗᬶᬦ᭄ᬳᬸᬮᬄᬓᭂᬮᬶᬤᬶᬦ᭄᭟ᬲᬓᬾᬯᬦ᭄ᬢᭂᬦ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬓᬬᬸᬦ᭄ᬳᬶᬩᬸᬓᭂᬦᬶᬢᬸᬮᬸᬲ᭄ᬫᬗᭂᬦ᭄ᬢᬶᬦᬶᬦ᭄᭞ᬦᬸᬦᬲᬂᬭᬶᬂᬲᬂᬳ᭄ᬬᬂᬢᬸ
ᬤᬸᬄ᭞ᬫᬗ᭄ᬤᬾᬓᭂᬲᬶᬤ᭄ᬥᬦ᭄ᬩᬓᬢ᭄᭞ᬲᬧᬸᬦᬶᬓᬵᬳᬢᬸᬃᬧᬸᬢ᭄ᬭᬦᬾᬭᬶᬂᬳᬶᬩᬸ᭞ᬧ᭄ᬭᬫᬶᬰ᭄ᬯᬭᬷᬫᬳᬗ᭄ᬕᬸᬢᬦ᭄᭞ᬢᬦ᭄ᬲᬄᬫᭂᬗᬘᭂᬧ᭄ᬳ᭄ᬬᬂᬯᬶᬥᬶ᭟ᬫᬗ᭄ᬤᬾᬧᬸᬢ᭄ᬭᬦᬾᬓᬲᬶᬥ᭄ᬬᬦ᭄᭞ᬓ
ᬤᬸᬮᬸᬭᬦ᭄ᬭᬶᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬲᬶᬤ᭄ᬥᬫᭂᬫᬗ᭄ᬕᬶᬄᬭᬳᬬᬸ᭞ᬫᬵᬫ᭄ᬩᬸᬮ᭄ᬢᭀᬧᬶᬦᬸᬦᬲ᭄ᬳᬶᬤ᭞ᬧ᭄ᬭᬫᬶᬰ᭄ᬯᬭᬶᬧᬸᬢ᭄ᬭᬦᬾᬫᬧᬫᬶᬢ᭄ᬮᬯᬸᬢ᭄᭞ᬫᬜᬸᬫ᭄ᬩᬄᬗᬸᬲᬧ᭄ᬧᬤ᭞ᬫᬗᬤᭂᬕ᭄ᬭᬭᬶᬲ᭄ᬫ
ᬫᬃᬕ᭄ᬕᬶ᭟ᬢᬦ᭄ᬓᭀᬘᬧᬵᬤᬶᬦᬵᬕᬭ᭞ᬭᬵᬚᬧᬸᬢ᭄ᬭᬵᬲᬂᬓᬵᬮᬶᬄᬳᬸᬘᬧᬂᬫᬗ᭄ᬓᬶᬦ᭄᭞ᬧᭂᬫᬵᬃᬕ᭄ᬕᬶᬦ᭄ᬳᬶᬤᬦᬾᬲᬫ᭄ᬧᬸᬦ᭄᭞ᬫᬗ᭄ᬮᬶᬦ᭄ᬢᬂᬭᬶᬂᬦᬵᬕᬭ᭞ᬳᬮᬲ᭄ᬯᬬᬄᬇᬭᬶᬓᬵᬫᬗ᭄ᬓᬶᬦ᭄ᬓᭂᬲ᭄ᬮᬸᬓ᭄ᬱᬸᬓ᭄᭞
[ ᭑᭑ 11A]
ᬧᬗ᭄ᬓᬸᬂᬚᬸᬭᬂᬓᬮᬶᬦ᭄ᬢᬗᬦ᭄᭞ᬕᬸᬦᬸᬂᬧᬶᬮᬄᬓᬳᬸᬗ᭄ᬕᬳᬶᬦ᭄᭟ᬢᭂᬥᬸᬦ᭄ᬫᬗ᭄ᬕᬶᬄᬢᭂᬕᬮ᭄ᬚᬶᬫ᭄ᬩᬃ᭞ᬢ᭄ᬯᬭᬳᬸᬦᬶᬂᬳᬭᬳᬭᬄᬓᭂᬫᬃᬕ᭄ᬕᬶᬦᬶᬦ᭄᭞ᬓᬾᬯᬦ᭄ᬢᭂᬦ᭄ᬢᬓᬵᬮᬸᬫᬓᬸᬄ᭞ᬫᬜᬸᬚᬸᬃᬳᭂᬂ
ᬦ᭄ᬤᬳᬦ᭄ᬲᬹᬃᬬ᭄ᬬ᭞ᬩᭂᬦᭂᬄᬓᬗᬶᬦ᭄ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸᬦ᭄᭞ᬫᬜᬸᬲᬸᬧ᭄ᬢᭂᬗᬳᬶᬗᬮᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬳᬶᬦ᭄᭟ᬬᬦ᭄ᬍᬲᬸᬫᬲᬶᬄᬢᬗ᭄ᬓᬲᬂ᭞ᬓᬧᬓ᭄ᬯᬢᬶ
ᬦ᭄ᬢᬦ᭄ᬢᬸᬓ᭄ᬤᬦᬾᬫᭂᬫᬃᬕ᭄ᬕᬶ᭞ᬢᬦ᭄ᬯᬾᬦ᭄ᬢᭂᬦ᭄ᬫᬭᬱᬵᬲᭂᬥᬸᬓ᭄᭞ᬫᭂᬓᬵᬤᬶᬫ᭄ᬭᬱᬵᬓᬲᬢᬦ᭄᭞ᬫᭂᬜᬳᬢᬂᬧᭂᬫᬃᬕ᭄ᬕᬶᬦᬾᬫᬸᬗ᭄ᬕᬄᬢᭂᬥᬸᬦ᭄᭞ᬮᬶᬬᬸᬩᬸᬭᭀᬦᬾᬓᬘᬶᬗᬓ᭄᭞ᬫᬸᬜᬶ
ᬦᬾᬧᬘᭂᬗᬓ᭄ᬧᬘᭂᬗᬶᬓ᭄᭟ᬬᬦᬶᬂᬲᬫᬸᬜᬶᬦ᭄ᬳᬶᬯᬭᬓ᭄᭞ᬘᭂᬗᬸᬓ᭄ᬘᭂᬗᬸᬓ᭄ᬫᬗᬺᬋᬄᬗᬸᬯᬲ᭄ᬩᬸᬯᬶᬲ᭄᭞ᬫᬸᬜᬶᬦ᭄ᬲᬶᬗ᭄ᬓᬦᬾᬫᭂᬜᬮᬸᬂ᭞ᬅᬳᬸᬂᬅᬳᬸᬂᬗ᭄ᬭᬲᬶᬂᬘᬶᬢ᭄ᬢᬵ᭞ᬫᬸᬜᬶᬦ᭄ᬫᬘᬵ
Page:Bali-lontar-gaguritan-indra-bang-induraja-300ppi.pdf/11
Jump to navigation
Jump to search
This page has been proofread.
