[ ᭑᭐᭕ 105B]
᭑᭐᭕᭞
ᬫᬦ᭄ᬮᬶᬓᬸᬭᬂᬩᬮ᭞ᬓᭀᬢᬦᬾᬓᬓᬶᬢᭂᬃᬕᭂᬮᬶᬲ᭄᭞ᬮᬯᬸᬢ᭄ᬫᬲᬸᬭᬓ᭄᭞ᬩᬮᬦᬾᬫᬯᬦ᭄ᬢᬶᬯᬦ᭄ᬢᬶ᭟ᬤᬶᬢᬸᬮᬯᬸᬢ᭄ᬩᬮᬦᬾᬲᬂᬧ᭄ᬭᬧᬸᬢ᭄ᬭ᭞ᬲᬓᬶᬂᬮ᭄ᬯᬶᬃᬚᬩᬕ᭄ᬦᬶᬬᬮᬶᬦᬦ᭄᭞ᬗᬸᬚᬦᬶ
ᬦ᭄ᬩᬦ᭄ᬧᬦᬄ᭞ᬦᬗ᭄ᬳᬶᬂᬢ᭄ᬯᬭᬤᬓᭂᬦ᭞ᬤᬤᬶᬚᬗ᭄ᬕᭂᬮ᭄ᬲ᭄ᬬᬢᬾᬚᬦᬶ᭞ᬫᬕᭂᬕᭂᬕᭂᬕ᭄ᬭᬦ᭄᭞ᬤᬤᬶᬧᬥᬲᬮᬾᬂᬳᬦ᭄ᬢᬶ᭟ᬩᬮᬦ᭄ᬧ᭄ᬭᬧᬸᬢ᭄ᬭᬦᬾᬜ᭄ᬚᬗ᭄ᬕᭂᬮ᭄ᬯᬭᬶᬂᬚᭂᬩᬕ᭄᭞ᬬᬦ᭄ᬳᬤᬧᬜ᭄ᬚ
ᬓ᭄ᬲᬂᬳᬚᬶ᭞ᬧᭂᬲᬸᬗ᭄ᬮᬶᬯᬢ᭄ᬚᭂᬩᬕ᭄᭞ᬳᭂᬦ᭄ᬢᭀᬧᬘᬂᬦ᭄ᬭᬓᬵ᭞ᬬᬦ᭄ᬩᬮᬦ᭄ᬯᬢᭂᬓ᭄ᬧ᭄ᬭᬫᬦ᭄ᬢ᭄ᬭᬶ᭞ᬳᬤᬫᬸᬮᬶᬬᬦ᭄᭞ᬫᬗ᭄ᬮᬶᬯᬢ᭄ᬚ᭄ᬭᭀᬦᬶᬂᬓᭀᬭᬶ᭟ᬫᬲᬶᬄᬚᬸᬓᬢᭂᬓᬾᬦ᭄ᬩᬮᬦᬾᬲᬂᬦᬣ᭞
ᬧᬥᬫᬗᭂᬮᬄᬧᬓᭂᬫᬶᬢ᭄᭞ᬫᬜᬕᬳᬶᬦ᭄ᬢᬶᬫ᭄ᬧᬮ᭄᭞ᬬᬦ᭄ᬳᬦ᭄ᬢᬸᬓ᭄ᬧᬜ᭄ᬚᬓ᭄ᬲᬂᬦᬵᬣ᭞ᬢ᭄ᬯᬭᬩᬦᬶᬧᭂᬲᬸᬚᬦᬶ᭞ᬳᬸᬮᬶᬄᬤᬶᬓᭀᬢ᭞ᬗᭂᬕᭂᬃᬚ᭄ᬭᭀᬦᬶᬂᬚᭂᬩᬕ᭄ᬚᬦᬶ᭟ᬓᬾᬢᭀᬢᬶ
[ ᭑᭐᭖ 106A]
ᬗ᭄ᬓᬄᬩᬮᬦᬾᬫᬓᬤᬤ᭄ᬯ᭞ᬳᭂᬦᬸᬗᭂᬕᭂᬃᬲᬮᬾᬂᬳᬦ᭄ᬢᬶ᭞ᬓᬬᬸᬦ᭄ᬲᬂᬧ᭄ᬭᬧᬸᬢ᭄ᬭ᭞ᬯᬦ᭄ᬢᬄᬓᬭᬶᬗᬦ᭄ᬢᭀᬲᬂ᭞ᬲᬶᬂᬓᬓᬬᬸᬦ᭄ᬰ᭄ᬭᬶᬪᬸᬧᬢᬶ᭞ᬦᬸᬗ᭄ᬓᬸᬮ᭄ᬜᭂᬭᬳᬂ᭞ᬧᬸᬢ᭄ᬭᬦᬾᬭᬤᬾᬦ᭄ᬤᬾᬯᬶ᭟ᬓ
ᬧᬶᬢᬓᭂᬄᬲᬂᬧ᭄ᬭᬪᬸᬧᬘᬂᬜᬭᬢᬂ᭞ᬧᬸᬢ᭄ᬭᬶᬦᬾᬲᬦᬾᬚᬦᬶ᭞ᬤᬾᬦᬶᬂᬢ᭄ᬯᬭᬳᬤ᭞ᬧᬜ᭄ᬚᬓ᭄ᬦᬾᬦᬸᬩᬦᬶᬦᬗ᭄ᬕᬮ᭄᭞ᬓᬾᬢᭀᬢᬓᬄᬲᬂᬧ᭄ᬭᬫᬦ᭄ᬢ᭄ᬭᬶ᭞ᬲᬋᬂᬳᬲ᭄ᬬ᭞ᬲᬂᬦᬵᬣᬉᬘᬧᬂ
ᬫᬗ᭄ᬓᬶᬦ᭄᭟ᬫᬦᬓᭀᬦᬶᬦ᭄ᬧ᭄ᬭᬚᬸᬭᬶᬢ᭄ᬳᬶᬤᬫᬓᭂᬚᬂ᭞ᬳᬤᬓᬾᬘᬳᬶᬗᭂᬦᭀᬢᬶᬦ᭄᭞ᬳᬦᬓᬾᬦᬾᬢᬭᬸᬡ᭞ᬳᬤᬢᭀᬬᬬᬫᬳᬶᬢᭂᬓᬵ᭞ᬦᬾᬢᬓᬾᬦᬶᬦ᭄ᬫᬢᬸᬭᬭᬶᬲ᭄᭞ᬬ
ᬦᬶᬂᬧᬸᬦᬶᬓᬵ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬳᬶᬦ᭄᭟ᬭᬭᬶᬲ᭄ᬩᭂᬗᭀᬂᬲᬂᬦᬵᬣᬫᬶᬦᭂᬳᬶᬦ᭄ᬭᬕ᭞ᬲᬸᬯᬾᬳᬶᬤᬫᬮᬶᬗ᭄ᬕᬶᬄ᭞ᬩᬯᬸᬫᬭᬳᬤ᭞ᬯᭂᬢᬸᬭᬶᬂᬧᭂᬓᬬᬸᬦᬦ᭄᭞ᬮᬯᬸᬢ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞᭠
Page:Bali-lontar-gaguritan-indra-bang-induraja-300ppi.pdf/106
Jump to navigation
Jump to search
This page has been proofread.
