[᭑᭕ 15B]
᭑᭕
ᬢ᭄ᬧᬲᭂᬮᬾᬂᬢᬭᬶ᭞ᬢᬓᬦᬶᬂᬧᬜ᭄ᬚᬓ᭄᭞ᬲᬗ᭄ᬕᬸᬧᬾᬢᬶᬤᭀᬂᬕᬶᬕᬶᬲ᭄᭟ᬮᬯᬸᬢ᭄ᬫᬭᬓᬂᬤᬶᬢᬸᬯᭀᬯᬘᬂᬫᬢᬸᬗ᭄ᬓᬲ᭄᭞ᬧᬜ᭄ᬚᬓ᭄ᬲᬸᬩᬫᬲᭂᬮᬶᬓ᭄᭞ᬦᬾᬦᬾᬲᬤᬕᬦᬮ᭄᭞ᬫᬢᬸᬗ᭄ᬓᬲ᭄ᬳᬸᬮᬶᬓᬚ᭞ᬕᬸᬲ᭄ᬢᬶᬗᬸᬭᬄᬫᬫᭀ
ᬗ᭄ᬓᭀᬮᬶᬦ᭄᭞ᬭᬭᬶᬲ᭄ᬗᬡ᭄ᬥᬶᬓ᭞ᬭᬶᬂᬤᬤᬾᬕᬸᬲ᭄ᬢᬶᬍᬲᬶᬢ᭄᭟ᬘᬳᬶᬘᭂᬦᬶᬓ᭄ᬳᬸᬮᬶᬓᬚᬮᬯᬸᬢ᭄ᬢᬸᬗ᭄ᬓᬲ᭄᭞ᬳᬦ᭄ᬢᬶᬳᬸᬮᬶᬤᬶᬦᬶ᭞ᬬᬾᬦ᭄ᬲᬸᬫᬦᬧᬓ᭄᭞ᬫᭂᬗ᭄ᬓᬶᬄᬩᬯᬸᬫᬲᬸᬭᬓ᭄᭞ᬤᬶᬢᬸᬘᬳᬶᬫᬜᭂᬩᬸᬭᬶᬦ᭄᭞ᬢᬢ
ᬤᬂᬢᬸᬫ᭄ᬩᬓ᭄᭞ᬤᭂᬲᭂᬓ᭄ᬤᬵᬫᬗᬾᬲᭂᬫᬶᬦ᭄᭟ᬭᬭᬶᬲ᭄ᬧᬫᬶᬢ᭄ᬕᬸᬲ᭄ᬢᬶᬍᬲᬶᬢ᭄ᬫᬗᬯᬸᬳᬂᬗᬾᬓᬢᬾᬳᬓᬄᬫᬫᬶᬗᬶᬄ᭞ᬳᬭᬶᬗᬂᬮᬮᬜ᭄ᬘᬂ᭞ᬢᬦ᭄ᬲᬄᬫᬧᬚᭂᬂᬓᭂᬫ᭄ᬩᬃ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬍᬯᬶᬄ᭞ᬗᬧᬶᬓᬶᬦ᭄ᬢᬦ᭄ᬤᬂ᭞
ᬳᬤᬲᬢᬸᬲ᭄ᬦᬸᬢᬸᬦᬶᬦ᭄᭟ᬳᬶᬕᬸᬲ᭄ᬢᬶᬗᬸᬭᬄᬫᬢᬸᬗ᭄ᬓᬲ᭄ᬳᬸᬮᬶᬓᬚ᭞ᬧᬜ᭄ᬚᬓᬾᬲᬸᬩᬗᬶᬮᬶᬲ᭄᭞ᬳᬤᬓᬭᭀᬲᬶᬕᬃ᭞ᬤᬶᬢᬸᬳᬶᬕᬸᬲ᭄ᬢᬶᬗᬸᬭᬄ᭞ᬮᬦ᭄ᬢᬲ᭄ᬫᬦᬶᬫ᭄ᬩᬮ᭄ᬘᬮᬧᬶᬮ᭄᭞ᬢᭂᬓᬾᬦ᭄ᬓᬯᬸᬮ᭞ᬩᬋᬂᬓᬸᬮᬫ᭄ᬩᬶ
[᭑᭖ 16A]
ᬤᭂᬓᬶᬮ᭄᭟ᬧᬓᬬᬸᬦᬦᬾᬓᭂᬦᬶᬫᬫ᭄ᬩᬳᬦ᭄ᬦᬗᬄ᭞ᬓᬳᬋᬧ᭄ᬫᬫᬸᬘᬸᬓᬶᬦ᭄᭞ᬜᬭᬸᬩᬋᬂᬧᬜ᭄ᬚᬓ᭄᭞ᬫᬗ᭄ᬤᬾᬢᭀᬂᬓᬓᭂᬗᭂᬭᬦ᭄᭞ᬩᬦ᭄ᬢ᭄ᬭᬸᬡᬫᬸᬗ᭄ᬕᬸᬗᬶᬗᭂᬢᬶᬦ᭄᭞ᬳᬶᬕᬸᬲ᭄ᬢᬶᬗᬸᬭᬄ᭞ᬫᬩᬶᬓᬰ᭄ᬘᬭᬢᬦᬶ᭟
ᬳᬯᭀᬃᬳᬸᬚᬦ᭄ᬲᬸᬫᬗ᭄ᬓᬶᬦ᭄ᬩᬸᬓᬓᭂᬢᭀᬕᬂ᭞ᬓᬭᬸᬕ᭄ᬓᬍᬧᬾᬕ᭄ᬢᬶᬢᬶᬃ᭞ᬢᬝᬶᬢ᭄ᬧᬓᬮᬧ᭄ᬮᬧ᭄᭞ᬓᭀᬘᬧ᭄ᬦᬾᬳᬸᬮᬶᬓᬚ᭞ᬕᬸᬲ᭄ᬢᬶᬗᬸᬭᬄᬳᬯᭀᬃᬜᬶᬮᬶᬩ᭄᭞ᬩᬋᬂᬓᬳᬸᬮ᭞ᬜ᭄ᬚᬕ᭄ᬚᬕ᭄ᬭᬭᬶᬲ᭄ᬜᬸᬭᬓᬶᬦ᭄᭟ᬢ᭄ᬭᬸ
ᬡᬫᬸᬗ᭄ᬕᬸᬦᬾᬢ᭄ᬭᬕ᭄ᬬᬲᬸᬩᬫᬗᬫ᭄ᬩ᭄ᬬᬃ᭞ᬲᬸᬭᬓ᭄ᬱᭂᬮᬾᬂᬢᬶᬫ᭄ᬩᬮᬶᬦ᭄᭞ᬫᬗᬸᬯᬶᬫᬭᬓᬂ᭞ᬦᬗ᭄ᬲᭂᬓ᭄ᬫᬫᬾᬲ᭄ᬩᬾᬲ᭄ᬕᭂᬮᬃ᭞ᬳᬤᬲᬳᬲᬵᬜᬩᬢᬶᬦ᭄᭞ᬓᬚ᭄ᬭᭀᬦᬶᬂᬕᭂᬮᬃ᭞ᬤᬤᬶᬲᭂᬮᬾᬂᬲᬩᬢᬶᬦ᭄᭟ᬩᬳ
ᬦ᭄ᬩᭀᬗ᭄ᬓᬮᬦ᭄ᬮᬾᬦ᭄ᬳᭂᬦ᭄ᬤᬸᬢ᭄ᬓᬢᬶᬫ᭄ᬧᬸᬕᬂ᭞ᬳᬤᬦᬾᬓᭂᬦᬧᬶᬧᬶ᭞ᬫᭀᬯᬦᬾᬳᬲᬶᬩᬓ᭄᭞ᬤᭂᬓᭂᬢ᭄ᬳᭂᬦ᭄ᬤᬸᬢ᭄ᬫᬭᬾᬗᬾᬲᬦ᭄᭞ᬓᬶᬚᬧ᭄ᬓᬶᬚᬧ᭄ᬫᬗᬸᬲᬧᬶᬦ᭄᭞ᬮᬾᬦ᭄ᬳᬤᬳᭂᬩᬄ᭞ᬫᬲᭂᬭᭀᬤ᭄ᬩᬦᬾᬩᭂᬮᬶᬕ᭄᭟
Page:Bali-lontar-gaguritan-gusti-made-agung-300ppi.pdf/16
Jump to navigation
Jump to search
This page has been proofread.
