[᭗ 7B]
᭗
ᬢᬦ᭄ᬧ᭄ᬕᬢ᭄᭚ᬳᬯᬦᬦ᭄ᬗᬸᬩᭂᬂᬗᬲ᭄ᬢᬶᬢᬶ᭞ᬓᬃᬬ᭄ᬬᬦᬂᬲᬗ᭄ᬕᬃᬧᬜᬯ᭄ᬯᬵᬂ᭞ᬫᬗ᭄ᬤᬵᬲᬶᬤ᭄ᬥᬦᬾᬓᬳᬢᬹᬃ᭠᭞ᬳᬶᬤ᭄ᬥᬵᬧ᭄ᬭᬡ᭄ᬟᬵᬗᬲ᭄ᬢᬯᬬᬂ᭞ᬧ᭄ᬭᬡ᭄ᬤᬵᬕ᭄ᬤᬾᬓ᭄ᬢᬸᬢ᭄ᬧᬶᬦᬢᬶᬄ᭞ᬭᬶᬂᬕ᭄ᬭ᭄ᬬᬲᬸᬲᬸᬯᬦ᭄ᬓᬢᬸᬯᬸᬃ᭞ᬗᬱ᭄ᬝᬸᬢᬶᬬᬵᬂ᭞ᬩ᭠
ᬩᬦ᭄ᬢᭂᬦ᭄ᬲᬸᬚᬢᬶᬳᬶᬓᬵ᭚ᬲ᭄ᬥᭂᬂᬩ᭄ᬘᬶᬓᬤᬸᬮᬸᬭᬶᬦ᭄᭞ᬧᬲ᭄ᬯᬭᬲᬓᬶᬂᬧᬫᬺᬦ᭄ᬢᬄ᭞ᬦᬾᬢᬦ᭄ᬲᬶᬤ᭄ᬥᬵᬗᭂ᭠ᬦᬄᬭᬯᬸᬄ᭞ᬫᬢᬹᬭᬦ᭄ᬭᬶᬂᬕ᭄ᬦᬄᬓᬃᬬ᭄ᬬ᭞ᬧᬢᬸᬢ᭄ᬭᬶᬂᬧᬸᬲᭂᬄᬗᬱ᭄ᬝᬶᬢᬶ᭞ᬫᬢᬹᬭᬜ᭄ᬘᬦᬂᬫᬗᬸᬗ᭄ᬲᬸᬂ᭞ᬗᬱ᭄ᬝᬸᬢᬶᬬᬂ᭞᭠
ᬫᬫᬶᬦ᭄ᬢᬵᬓ᭄ᬭᬳᬬ᭄ᬯᬦ᭄ᬚᬕᬢ᭄᭚ᬧᬸᬦᬶᬓᬵᬗ᭄ᬮᬦ᭄ᬢᬭᬫᬮᬶᬄ᭞ᬭᬶᬂᬤᬾᬰᬵᬤᬾᬰᬵᬲᬶᬦᬫ᭄ᬬᬦ᭄᭞ᬭᬫᬾᬧᬥᬵᬗᬸᬬᬸᬳᬸᬬᬸ᭞ᬫᬳᬢᬹᬭᬦ᭄ᬩᬶᬮᬂᬧᬸᬭᬵ᭞ᬫᬶᬯᬄᬫᬫᬾᬜ᭄ᬚᭀᬃᬭᬶᬂᬫᬃᬕ᭄ᬕᬶ᭞ᬘ᭄ᬭᬶᬓ᭄ᬮᬶᬄᬧᬥᬢ᭄ᬥᬸᬦ᭄᭞ᬫᬳ
ᬢᬹᬭᬦ᭄᭞ᬢᬍᬃᬗᬱ᭄ᬝᬶᬢᬶᬬᬂᬓᬃᬬ᭄ᬬ᭚ᬳᬫᬶᬦ᭄ᬢᬲᬦ᭄ᬫᬢᬦ᭄ᬯᬶᬤ᭄ᬥᬶ᭞ᬫᬗ᭄ᬤᬵᬳᬶᬤ᭄ᬥᬵᬳᬲᬸᬂᬳᬶᬘ᭄ᬙᬵ᭞ᬗᬶᬘ᭄ᬙᬾᬜ᭄ᬚᬕᬢᬾᬭᬳᬬᬸ᭞ᬲᬯᬶᬭᬾᬄᬓᬢᬶᬩᬦ᭄ᬤᬦ᭄ᬤᬵ᭞ᬉᬢ᭄ᬨᬝᬦᬾᬢᬦ᭄ᬳᬶᬳᬶᬲᬶᬦ᭄᭞ᬳᬸᬤᬦ᭄ᬧᬗ᭄ᬲᭂᬗ᭠
[᭘ 8A]
ᬦ᭄ᬓᬬᬸ᭞ᬲᬫᬶᬢ᭄ᬮᬲ᭄᭞ᬢᬦ᭄ᬓᬭᬶᬳᬦᬵᬭᬸᬯᬜ᭚ᬲ᭄ᬮᬲ᭄ᬕ᭄ᬲᭂᬂᬳᬳᬲ᭄ᬲᬫᬶ᭞ᬢᬦ᭄ᬧᬤᬳᬸᬦ᭄ᬭᬯᬶᬂᬧᬤ᭄ᬥᬂ᭞ᬲᬓᬶᬂᬗᬸᬘᬧ᭄ᬓᬃᬬ᭄ᬬᬵᬳᬶᬓᬸ᭞ᬗᬸᬘᬧᬂᬤᬰᬵᬭᬳᬶᬦᬵ᭞ᬳᬶᬭᬶᬓᬵᬳᬸᬚᬦᬾᬢᬭᬶᬓ᭄᭞ᬳᬲᬶᬂᬓ᭄ᬦᬶᬢ᭄ᬮᬲ᭄ᬧᬸᬳᬸᬦ᭄᭞
ᬢ᭄ᬯᬄᬳᬤᬶᬦᬵ᭞ᬢ᭄ᬮᬲ᭄ᬮᭀᬧ᭄ᬬᭀᬓ᭄ᬦᬶᬳᬸᬤᬦ᭄᭚ᬳᬶᬓᬵᬫᬗᬯᬦᬂᬧᬮᬶᬂ᭞ᬚᬦ᭄ᬫᬵᬦᬾᬗ᭄ᬯᬸᬯᬸᬳᬂᬮᬧᬵ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬗ᭄ᬕᭀᬚᬸᬓᬸᬢ᭄᭞ᬳᭀᬲᬄᬩᬮᬶᬲᬄᬳᬗ᭄ᬲᬄ᭞ᬧᬮᬶᬂᬫᬗᬺᬋᬳᬶᬦ᭄ᬩᬸᬦ᭄ᬢᬶ᭞ᬲᬢᭀᬲ᭄ᬫᬦᬄ
ᬓᬭᬶᬩᬶᬗᬸᬂ᭞ᬢᬹᬃᬓᬮᬧᬦ᭄᭞ᬲᬗᬸᬦᬾᬓᬮᬳᬶᬦ᭄ᬮᬸᬯᬲ᭄᭚ᬜᬮᬸᬓ᭄ᬱᬸᬓ᭄ᬩᭂᬮᬶᬤᬂᬉᬭᬶᬧ᭄᭞ᬩ᭠ᬦ᭄ᬤᬯᭀᬓᬾᬫᬗᬢᭀᬦᬂ᭞ᬳᬸᬚᬦ᭄ᬩᬶᬬᬲ᭄ᬳᬸᬚᬦ᭄ᬩᬢᬸ᭞ᬮ᭄ᬬᬦ᭄ᬮᬶᬡ᭄ᬤᬸᬦᬾᬩᬸᬲᬦ᭄ᬩᬸᬲᬦ᭄᭞ᬜᬸᬫᬗ᭄ᬓᬶᬦ᭄ᬫᬦᬳᬾ᭠
ᬧᬮᬶᬂ᭞ᬓᬢᬸᬚᬸᬲ᭄ᬯᬾᬘ᭄ᬙᬵᬳ᭄ᬬᬂᬗ᭄ᬳᬕᬸᬂ᭞ᬧᬫ᭄ᬭᬾᬦ᭄ᬢᬳᬦ᭄᭞ᬫᬶᬘᬬᬂᬚᬫᬶᬦᬦ᭄ᬲᬩ᭄ᬭᬦ᭄᭚ᬯᬳᬸᬧᬹᬃᬡ᭄ᬦᬬ᭠ᬦ᭄ᬳᬓᬶᬤᬶᬓ᭄᭞ᬫᬦᬳᬾᬩᬸᬗ᭄ᬲᬂᬓᬮᬭᬦ᭄᭞ᬯᬾᬦ᭄ᬢᭂᬦ᭄ᬳᬗ᭄ᬕᬾᬦ᭄ᬧᬜᬮᬶᬫᬹᬃ᭞ᬲᬓᬶᬂᬧᬫᬺᬦ᭄ᬢᬳᬦ᭄ᬜᬸ᭠
Page:Bali-lontar-gaguritan-gunung-agung-meletus-04-300ppi.pdf/8
Jump to navigation
Jump to search
This page has been proofread.
