This page has been proofread.
[᭒᭒ 22B]
᭒᭒
ᬤᬗᬯᬕ᭄ᬳᬯᬕ᭄ᬘᬳᬶ᭟ᬳᬦᬾᬧᬶᬤᬦ᭄ᬳᬶᬘᬂᬓᬤᬸᬂᬦᬶᬗᭂᬄᬳᭀᬃᬣ᭞ᬓᭀᬦᬾᬲ᭄ᬯᬃᬕ᭄ᬕᬦᬾᬳᭂᬫ᭄ᬩᬶᬤ᭄᭞ᬓᬯᬄᬳᬫᬮ᭄ᬯᬩ᭄᭞ᬩᬲ᭄ᬮ᭄ᬬᬸᬦ
ᬦ᭄ᬫᬶᬲᬶᬳᬢ᭄ᬫ᭞ᬭᬾᬄᬚᬤ᭄ᬫᬦᬾᬮ᭄ᬬᬸᬫᬢᬶ᭞ᬩᬦᬾᬮᬶᬦ᭄ᬢᬂᬩ᭄ᬭᬢ᭄᭞ᬓ᭄ᬭᬡᬤᬤᬶᬢᬸᬗ᭄ᬕᬂᬢᬸᬗ᭄ᬕᬶᬂ᭟ᬯᬶᬭᬾᬄᬮ᭄ᬬᬸᬧᬶᬢᬭᬦᬾᬓᬲ᭄ᬯᬃᬕ᭄ᬕᬦ᭄᭞
ᬩᬳᬢ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭞ᬢᭀᬤᬤᬶᬦ᭄ᬜᬢᬯᬄ᭞ᬲ᭄ᬯᬃᬕ᭄ᬕᬦᬾᬳᭂᬜ᭄ᬚᭂᬓᬶᬦ᭄ᬳᬢ᭄ᬫ᭞ᬩᬲ᭄ᬩᬳᬢᬦ᭄ᬕᬸᬜ᭄ᬚᬢ᭄ᬕᬸᬜ᭄ᬚᬶᬢ᭄
ᬢᭀᬤᬤᬶᬫᬮ᭄ᬯᬩ᭄᭞ᬧᭂᬲᬸᬳᬗᬸᬲ᭄ᬢ᭄ᬓᭂᬤ᭄ᬫᬳᬶ᭟ᬳᬤᬗᬸᬘᬧ᭄ᬫᬗᭀᬭᬳᬂᬚᬤ᭄ᬫᬩᭀᬩᬩ᭄᭞ᬩᬲ᭄ᬮᬕᬲ᭄ᬩᬦ᭄ᬫᬫᬸᬜᬶ᭞ᬫᬧᬶᬦᬯᬂᬲ᭄ᬯᬃ
[᭒᭓ 23A]
ᬕ᭄ᬕᬦ᭄᭞ᬧᬤᬳᬲᬶᬦ᭄ᬩᬦ᭄ᬫᬧᭂᬢ᭞ᬩᭀᬩᬤᬾᬫᬦᬶᬮᬸᬦ᭄ᬓᬸᬧᬶᬂ᭞ᬜᬾᬦ᭄ᬫᬗᬶᬥᭂᬧᬂ᭞ᬫᬸᬜᬶᬦ᭄ᬕᬫᬂᬮᬶᬜᭀᬓ᭄ᬲᬳᬶ᭟ᬲᬕᬾᬢ᭄ᬯᬾᬦ᭄ᬢᭂᬦ᭄ᬢᬶᬫ᭄ᬧ
ᬮ᭄ᬜᬭᬯᬸᬄᬦᬃᬣᬬᬂ᭞ᬫᬭᬶᬢᬢᬲ᭄ᬫᬓᬲᬫᬶ᭞ᬫᬗᭀᬭᬳᬂᬗᭀᬃᬣ᭞ᬕᬸᬦᬸᬂᬳᬕᬸᬗᬾᬫᬍᬤᬓ᭄᭞ᬫᭂᬲᬸᬳᬦ᭄ᬤᬸᬲ᭄ᬕ᭄ᬤᬾᬕᬢᬶ᭞ᬢᭀᬤᬶᬢᬸ
ᬢ᭄ᬓᬦ᭄ᬜ᭞ᬤᬢᬤᬢᬧᬋᬩᬶᬦ᭄᭟ᬧᬤᬩᭂᬗᭀᬂᬫᬧᬶᬦᭂᬄᬲᬫ᭄ᬩᬶᬮ᭄ᬫᭂᬤᬲᬂ᭞ᬩᬤᬄᬫᬶᬭᬶᬩ᭄ᬲᬚᬘᬳᬶ᭞ᬤᬶᬩᬲᬓᬶᬄᬓᬃᬬ᭄ᬬ᭞ᬧᬘᬂᬗᬾ
ᬓᬤᬰᬮᬸᬤ᭄ᬭ᭞ᬢᭀᬦᬾᬫᬤᬦ᭄ᬢᬯᬸᬃᬕᬸᬫᬶ᭞ᬩᬶᬮᬂᬲᬢᬸᬲ᭄ᬢᬶᬩᬦ᭄᭞ᬫᬶᬭᬶᬗ᭄ᬲᬸᬩᬫᬲᬦ᭄ᬚᬚᬶ᭟ᬧ᭄ᬢᭂᬂᬤᭂᬤᭂᬢ᭄ᬚᬕᬢᬾᬓᬧ᭄ᬢᭂᬗᬦ᭄᭞
