[᭙᭔ 94B]
᭙᭕
ᬍᬃᬤᬸᬭᬸᬂᬦᬧᬓ᭄᭞ᬭᬶᬂᬧᬰ᭄ᬭᬫᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬳᬶᬤᬲᬂᬫ᭄ᬧᬸ᭞ᬫᬦᬯᬶᬲᬫ᭄ᬧᬸᬦ᭄ᬫᬸᬮᬶᬲᬄ᭟᭜᭟ᬲᬶᬦᬄᬲᬫ᭄ᬧᬸᬦ᭄᭞ᬓᬧᬃᬡ᭄ᬦᬳᬦ᭄ᬢᬸᬓ᭄ᬥᬂᬕᬸᬭᬸ᭞ᬳᬶᬤᬾᬯᬾᬓ᭄ᬲᬗ᭄ᬓᬮ᭞ᬗᬦ᭄ᬢᬸᬫ᭄ᬩᬾᬦ᭄ᬓᭂᬓᬮᬶᬚᬦᬶ᭞ᬢ᭄ᬯᬭᬭ
ᬯᬸᬄ᭞ᬤᬾᬯᬾᬓᬾᬓᬧᬰ᭄ᬭᬫᬦ᭄᭟᭜᭟ᬩᬶᬮᬶᬄᬤᬶᬢᬸ᭞ᬓᬢᬃᬓ᭄ᬓᬳᬦ᭄ᬢᬸᬓ᭄ᬥᬂᬕᬸᬭᬸ᭞ᬗᬫ᭄ᬩᬸᬮ᭄ᬢᬦ᭄ᬧᬲᬗ᭄ᬓᬦ᭄᭞ᬦᬤᬓ᭄ᬫᬶᬗ᭄ᬕᬢ᭄ᬢᬦ᭄ᬧᬳᬶᬦ᭄ᬤᬶᬓ᭄᭞ᬢᬸᬫ᭄ᬩᬾᬦ᭄ᬧᬸᬭᬸᬦ᭄᭞ᬤᬾᬯᬾᬓᬾᬓᬾᬲᬄᬢᭀᬂᬗᭀᬃᬢ᭄ᬢ᭟
᭐᭟ᬬᬦᬶᬂᬲᬫ᭄ᬧᬸᬦ᭄᭞ᬦᬧᬓ᭄ᬭᬶᬂᬧᬰ᭄ᬭᬫᬦ᭄ᬮᬳᬸᬢ᭄᭞ᬲᬶᬦᬄᬓᬢᬓᬾᬦᬦ᭄᭞ᬭᬶᬂᬳᬶᬤᬳᬦᬓᬾᬮᬶᬗ᭄ᬲᬶᬃ᭞ᬳᬧᬩᬕᬸᬲ᭄᭞ᬦᬾᬗᬯᬶᬦᬂᬫᬭᬢᭂᬓ᭟᭜᭟ᬬᬾᬦ᭄ᬫᬲᬯᬸᬃ᭞ᬲᬚᬳᬮᬸᬄᬗᬮᬓ᭄ᬗᬶᬮᬸᬓ᭄᭞ᬮ
ᬬᬄᬢᬦ᭄ᬧᬢᬸᬮᬂ᭞ᬤ᭄ᬬᬲ᭄ᬢᬸᬳᬢᬸᬭᬂᬢᬸᬦᬶ᭞ᬲᬤ᭄ᬬᬫᬗ᭄ᬕᬸᬄ᭞ᬲᬂᬳ᭄ᬬᬂᬲᬗ᭄ᬓᬭᬭᬶᬂᬳᬬᬲ᭄᭟᭜᭟ᬢᬶᬢ᭄ᬬᬂᬭᬢᬸ᭞ᬓᬳᬶᬘᬾᬦ᭄ᬧᬯᬶᬲᬶᬓ᭄ᬳᬬᬸ᭞ᬯᬸᬲ᭄ᬳᬶᬤᬗᬦ᭄ᬤᬶᬓ᭞ᬢᬦ᭄ᬧᬫᭂᬗᬦ᭄ᬢᬦ᭄ᬧᬯᬗ᭄ᬲᬶᬢ᭄᭞ᬮᬸᬢ᭄ᬓᬲ
[᭙᭕ 95A]
ᬳᬸᬧ᭄᭞ᬳᬗ᭄ᬕᬦᬢᬶᬢ᭄ᬬᬂᬓᬓᭂᬩᭂᬭᬂ᭟᭜᭟ᬩᭂᬘᬢ᭄ᬫᬩᬸᬃ᭞ᬲᬶᬓᬶᬬᬦ᭄ᬢᬶᬢ᭄ᬬᬗᬾᬓᬧᬸᬦ᭄ᬤᬸᬢ᭄᭞ᬮᬗ᭄ᬓᬸᬂᬓᬧᬶᬧᬶᬮᬦ᭄᭞ᬢᬶᬢ᭄ᬬᬂᬯᭀᬂᬲᬶᬤ᭄ᬥᬫᬫᬸᬜᬶ᭞ᬦᬗ᭄ᬳᬶᬂᬦᬳᬸ᭞ᬢᬦ᭄ᬧᬓᬫ᭄ᬧᬶᬤ᭄ᬩᬶᬲᬗᬶᬦ᭄ᬤᬂ᭟᭜᭟ᬳᬦ᭄ᬢᬸᬓ᭄ᬮ
ᬗ᭄ᬓᬸᬂ᭞ᬦᬢᬶᬢᬾᬳᬶᬤᬫᬓᭂᬩᬸᬃ᭞ᬲᬓᭂᬤᬧ᭄ᬢᬸᬫᬶᬩ᭞ᬭᬶᬂᬰᬶᬯᬪᬸᬯᬦᬧᬸᬭᬶ᭞ᬳᬗᭀᬩ᭄ᬤᬶᬢᬸ᭞ᬭᬾᬄᬲᬶᬂᬓᬢᭀᬦ᭄ᬲᬫᬶᬓᬫ᭄ᬩᬂ᭟᭜᭟ᬤᬯᭂᬕ᭄ᬤᬶᬢᬸ᭞ᬢᬶᬢ᭄ᬬᬂᬢᬦ᭄ᬫᬭᬲᬲᭂᬤᬸᬓ᭄᭞ᬩᭂᬮᬶᬦᬾᬗᬯᬶᬦᬂ
ᬓᬵᬮᬗᭂᬦᬾᬗᭂᬩᭂᬓ᭄ᬳᬢᬶ᭞ᬭᬲᬤᬶᬢᬸ᭞ᬢ᭄ᬯᬭᬳᬤᬫᬤᬦ᭄ᬤᬸᬄᬓ᭟᭜᭟ᬲᬦᬾᬮᬗ᭄ᬓᬸᬂ᭞ᬗᬃᬤ᭄ᬥᬶᬫᬦᬄᬢᬶᬢ᭄ᬬᬂᬩᬶᬗᬸᬂ᭞ᬤᬸᬓ᭄ᬢᬢ᭄ᬬᬂᬳᬶᬭᬶᬓᬵ᭞ᬢᭂᬓᬦᬤᬓ᭄ᬢᭂᬓᬳᬶᬬᬶᬂ᭞ᬲᬗ᭄ᬓᬦ᭄ᬧᬬᬸ᭞ᬭᬶᬂᬧᬸ
ᬬᬸᬗᬾᬫᬲ᭄ᬮᬾᬧᭀᬳᬦ᭄᭟᭜᭟ᬫᬶᬦᬩ᭄ᬲᬫ᭄ᬧᬸᬦ᭄᭞ᬳᬗ᭄ᬕᬦᬢᬶᬢ᭄ᬬᬗᬾᬓᬧᬲ᭄ᬢᬸ᭞ᬭᬶᬂᬳᬶᬤᬳ᭄ᬬᬂᬰᬶᬯᬵ᭞ᬲᬗ᭄ᬓᬦ᭄ᬩᬶᬲᬘᬭᬳᬗᬶᬦ᭄᭞ᬢ᭄ᬯᬭᬢᬸᬬᬸᬄ᭞ᬓᭂᬫᬫᬳᬶᬫᬢᬶᬦ᭄ᬤᬓᬦ᭄᭟᭜᭟
Page:Bali-lontar-gaguritan-giriputri-250ppi.pdf/96
Jump to navigation
Jump to search
This page has been proofread.
