[᭘᭗ 87B]
᭘᭘
᭐᭟ᬧᬢᬶᬓᬧ᭄ᬮᬸᬕ᭄ᬫᬕᬤᬗᬦ᭄᭞ᬲᬫ᭄ᬩᬶᬮ᭄ᬗᬘᬸᬄᬳᬶᬧᬸᬦ᭄ᬗᭂᬮᬶᬂ᭞ᬯᬾᬮ᭄ᬜᬓᬶᬫᬸᬤ᭄ᬫᬶᬋᬗᬂ᭞ᬲᬂᬗᭀᬦᬾᬓ᭄ᬓᬳᬸᬫ᭄ᬩᬄᬳᬬᬬᬸ᭞ᬓᬦ᭄ᬢᬶᬩᬸᬯᬸᬂᬫᬤᬦ᭄ᬧ᭄ᬭᬚ᭄ᬜᬦ᭄᭞ᬧᬬᬸᬭᬶᬭᬶᬄ᭞ᬭᬶᬭᬶᬄᬗᬗᬩᬶᬮ᭄ᬩᬶᬮᬂᬢᬶᬫ᭄ᬧᬮ᭄᭟᭜᭟ᬦ
ᬗ᭄ᬳᬶᬂᬲᬂᬓᬩᬶᬮ᭄ᬩᬶᬮᬂ᭞ᬬᬾᬦ᭄ᬜᬶᬤᬬᬂᬢᬦ᭄ᬩ᭄ᬭᬗ᭄ᬢᬶ᭞ᬢᬸᬃᬚᬢᬶᬳᬶᬧᬸᬦ᭄ᬢᬦ᭄ᬤᬸᬄᬓ᭞ᬤᬯᭂᬕ᭄ᬜᬓᬘᬾᬤᬤᬶᬢᬸ᭞ᬫᬸᬯᬸᬄᬲᬸᬓᬗᬫ᭄ᬧᬸᬭᬬᬂ᭞ᬚ᭄ᬭᭀᬦᬶᬂᬳᬢᬶ᭞ᬦ᭄ᬢᭀᬦᬾᬚᬢᬶᬳᬦᬓ᭄ᬧ᭄ᬭᬚ᭄ᬜᬦ᭄᭟᭜᭟ᬥᬸᬄ
ᬩᭂᬮᬶᬲᬂᬓᬦ᭄ᬢᬶᬦ᭄ᬪᬬ᭞ᬩᬲ᭄ᬗ᭄ᬮᬦ᭄ᬢᬸᬃᬢᬶᬢ᭄ᬬᬂᬫᬫᬸᬜᬶ᭞ᬢᬸᬮ᭄ᬬᬓᬘᭂᬧ᭄ᬯᬓᬦ᭄ᬕᬕ᭞ᬢᬦ᭄ᬢᬗᭂᬄᬭᬶᬂᬤᬾᬯᬾᬓ᭄ᬤᬸᬲᬸᬦ᭄᭞ᬢ᭄ᬯᬭᬩᬶᬲᬫᬓᬶᬧᭂᬓᬘ᭄᭞ᬚᬢᬶᬧᬶᬗ᭄ᬕᬶᬃ᭞ᬢᬦ᭄ᬳᬸᬦᬶᬂᬜᬸᬓᬦᬶᬦ᭄ᬫᬦᬄ᭟᭜᭟ᬦᬾᬢᬸᬦ᭄ᬬ
ᬦ᭄ᬩᭂᬮᬶᬦᬓᬾᬦᬂ᭞ᬳᬤᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬧᬭᬩ᭄ᬳᬶᬬᬚᬶᬳᬶᬩᬶᬬᬂ᭞ᬢᬸᬃᬦᬓᬾᬦᬂᬕᭂᬦᬄᬗᬸᬩᬸ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬜᬶᬦᬳᬂ᭞ᬢᬦ᭄ᬚᬧᬶᬗᬶᬢ᭄᭞ᬳᬤᬦ᭄ᬢᬶᬢ᭄ᬬᬂᬦᬶᬫᬾᬢ᭄ᬭ᭄ᬬᬵ᭟᭜᭟ᬳᬶᬕᬸ
[᭘᭘ 88A]
ᬭᬸᬯᬦ᭄ᬢᬄᬫᬧᬭᬩ᭄᭞ᬤᬸᬓᬸᬄᬥᬃᬫ᭄ᬫᬶᬓᬢᬷᬩᭂᬮᬶ᭞ᬩᬶᬬᬂᬢᬶᬢ᭄ᬬᬗᬾᬫᬧᬭᬩ᭄᭞ᬤᬸᬓᬸᬄᬳᬲ᭄ᬢ᭄ᬭᬦ᭄ᬬᬢᭀᬭᬢᬸ᭞ᬢᬦ᭄ᬚᬳᬤᭀᬄᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬲᬗ᭄ᬓᬦ᭄ᬳᬶᬮᬶᬤ᭄᭞ᬤᬶᬂᬤᬶᬗᬶᬦ᭄ᬫᬸ
ᬦ᭄ᬤᬸᬓ᭄ᬳᬓᬩᬂ᭟᭜᭟ᬳᬶᬬᬚᬶᬫᬸᬯᬄᬳᬶᬩᬶᬬᬂ᭞ᬬᬸᬱᬦ᭄ᬳᬶᬤᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬫᬤᬯᬾᬯᭂᬓᬲᬦᬸᬗ᭄ᬕᬮ᭄᭞ᬯᬦ᭄ᬢᬄᬲᬶᬓ᭄ᬬᬦ᭄ᬢᬶᬢ᭄ᬬᬂᬭᬢᬸ᭞ᬫᬯᬦᬦ᭄ᬓᭂᬦᬶᬓᬚᬭᬄ᭞ᬲᬦᬾᬢᬸᬦᬶ᭞ᬭᬶᬂᬳᬶᬧᬸᬦ᭄ᬓᬓᬶ
ᬭᬵᬓ᭄ᬱᬲ᭟᭜᭟ᬯᬶᬢ᭄ᬢᬶᬢ᭄ᬬᬂᬗᬋᬋᬄᬲᭂᬓᬃ᭞ᬭᬶᬂᬧᬶᬗ᭄ᬕᬶᬃᬢᬸᬓᬤ᭄ᬜᬮᬶᬓ᭄ᬱᬶᬓ᭄᭞ᬳᬶᬬᬚᬶᬫᬗᬸᬤᬸᬄᬢᬶᬢ᭄ᬬᬂ᭞ᬫᬗ᭄ᬕᬾᬭᬶᬂᬧᬫᬸᬚᬦ᭄ᬳᬶᬓᬸ᭞ᬓᬢᬸᬗ᭄ᬓᬸᬮ᭄ᬢᬶᬢ᭄ᬬᬦᬸᬗᬤᬄ᭞ᬗᬶᬮᬶᬢ᭄ᬓᬢᬶᬓ᭄᭞ᬲᭂᬓᬭᬾᬤᬶᬮᬶ
ᬤᬶᬦ᭄ᬤᭀᬦ᭄ᬬ᭟᭜᭟ᬬᬦᬶᬂᬓᬧᭀᬲᬓᬶᬂᬤᬶᬚ᭞ᬳᬶᬭᬵᬓ᭄ᬱᬲᬚᭂᬕ᭄ᬜᬯᬸᬧᬶᬦ᭄᭞ᬢᬶᬢ᭄ᬬᬂᬩᬗᭂᬢ᭄ᬓᬫᭂᬫᭂᬕᬦ᭄᭞ᬯᬦ᭄ᬢᬄᬳᬶᬗᭂᬢ᭄ᬢᬸᬮᬸᬂᬢᬸᬮᬸᬂ᭞ᬤᬸᬓ᭄ᬓᬲᬗ᭄ᬓᭀᬮ᭄ᬭᬶᬂᬓᬶᬬᬓ᭄ᬱ᭞ᬓᬕᬾᬢ᭄ᬗᭂᬮᬶᬂ᭞ᬜᬕ᭄ᬚᬕᬶᬦ᭄ᬢᬶ᭠
Page:Bali-lontar-gaguritan-giriputri-250ppi.pdf/89
Jump to navigation
Jump to search
This page has been proofread.
