[᭗᭖ 76B]
᭗᭗
ᬬᬾᬦ᭄ᬢᬶᬢ᭄ᬬᬂᬗᬶᬭᬶᬂᬫᬭᬩᬶ᭞ᬩᬗᭂᬢ᭄ᬲᬗ᭄ᬲᬬᬭᬶᬂᬫᬦᬄ᭞ᬲᬶᬂᬲᭀᬮᬳᬂᬫᬶᬦᬢ᭄ᬧᭂᬮᬶᬄ᭞ᬫ᭄ᬭᬲᬭᬶᬓᬸᬄᬳᬲᬶᬂᬳᬫ᭄ᬩᬶᬮ᭄᭞ᬦᬸᬗ᭄ᬓᬮᬶᬓ᭄ᬤᬤᭀᬲ᭄ᬜᬭᬢᬸ᭞ᬲᭀᬫᬄᬮᬸᬧᬸᬢ᭄ᬭᬶᬂᬲᬜ᭄ᬚᬢ᭞ᬯᬶᬢ᭄ᬓᬶᬫᬸᬤ᭄ᬗᭂᬓᭀᬄ
ᬦᬓᬾᬦᬶᬦ᭄᭞ᬗᬯᬾᬮᬘᬸᬃ᭞ᬲᬦᬾᬧᬶᬗᬶᬢ᭄ᬩᬓᬢ᭄ᬕᬤᬩ᭄᭟᭜᭟ᬩᬗᭂᬢ᭄ᬫᬗᬯᬾᬧᬗᭂᬦᬦ᭄᭞ᬳᬦ᭄ᬢᬸᬓ᭄ᬲᬮᬶᬢ᭄ᬳᬦ᭄ᬢᬸᬕ᭄ᬓᬶᬤᬶᬓ᭄᭞ᬩᭂᬮᬶᬫᭂᬫᬲᬶᬦ᭄ᬧᭂᬚᬄ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬜᬓᬶᬢ᭄ᬳᬢᬶ᭞ᬫ᭄ᬭ
ᬲᬢᬦ᭄ᬧᬕᬸᬡᬳᬸᬭᬶᬧ᭄᭞ᬳᬸᬦ᭄ᬢᭂᬂᬢᬶᬦᬾᬢᬦ᭄ᬓᬦ᭄ᬢᬸᬦ᭄᭞ᬧᬶᬦᭂᬳᬶᬦ᭄ᬤᬸᬫᬸᬦ᭄ᬧᬜ᭄ᬚᬗᬂ᭞ᬳᬢᬸᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬢᬦ᭄ᬓᬾᬧᬢᬸᬢ᭄᭞ᬬᬦ᭄ᬢᬶᬢ᭄ᬬᬂᬘᬸᬘᬸᬤ᭄ᬦᬓᬾᬦᬂ᭟᭜᭟ᬬᬾᬦ᭄ᬲᬗ᭄ᬓᬦᬶᬂᬚᬢᬶ
ᬢᬺᬱ᭄ᬡᬵ᭞ᬧᬘᬂᬗᬗ᭄ᬕᬾᬦ᭄ᬢᬶᬢ᭄ᬬᬂᬭᬩᬶ᭞ᬦ᭄ᬤᬶᬓᬳᬶᬦ᭄ᬚᬓᬸᬤᬢᬶᬢ᭄ᬬᬂ᭞ᬮᬶᬗ᭄ᬕᬶᬄᬓᬯᬶᬰᬾᬱᬦ᭄ᬩᭂᬮᬶ᭞ᬓᭂᬦᬶᬳᬾᬮᬄᬫᬗᭂᬮᬶᬤᬶᬦ᭄᭞ᬲᬦᬾᬳᭂᬜ᭄ᬘᬾᬦ᭄ᬢᬦ᭄ᬤᬤᭀᬲ᭄ᬳᬦ᭄ᬢᬸᬕ᭄᭞ᬬᬾᬦᬶᬂᬩᭂᬮᬶᬳᬚᬯᬾᬭ
[᭗᭗ 77A]
᭞ᬢᬦ᭄ᬓᬾᬗᬯᬾᬲᬓᬶᬢ᭄ᬳᬢᬶ᭞ᬲᭀᬫᬄᬮᬫ᭄ᬧᬸᬲ᭄᭞ᬓᭂᬦᬶᬚᬗ᭄ᬓᬸᬢᬶᬦ᭄ᬢᭀᬂᬢᬯᬂ᭟᭜᭟ᬦᬶᬃᬯᬢᬓᬯᬘᬦᬶᬫ᭄ᬩᬮ᭄᭞ᬥᬸᬄᬫᬶᬭᬄᬩᭂᬮᬶᬦᬾᬬᬤᬶ᭞ᬤᭀᬗᬸᬤᬜᬶᬤᬬᬂᬧᬶᬲᬦ᭄᭞ᬫᬶᬢ᭄ᬩᬶᬢ᭄ᬳᬸ
ᬦ᭄ᬤᬸᬓ᭄ᬲᬦᬾᬭᬶᬫ᭄ᬩᬶᬢ᭄᭞ᬤᬾᬯᬦ᭄ᬧᬶᬗᬶᬢᬾᬦ᭄ᬢᭀᬳᬤᬶ᭞ᬦᬗ᭄ᬳᬶᬂᬬᬾᬦ᭄ᬳᬶᬳᬤᬶᬜᬸᬚᬸᬢ᭄᭞ᬲᬶᬂᬩᬸᬯᬸᬂᬩᭂᬮᬶᬦᬸᬢᬸᬭᬂ᭞ᬢᬓᬸᬢ᭄ᬓᬤᬶᬭᬯᭀᬲ᭄ᬬᬤᬶ᭞ᬲᬮᬄᬳᬸᬲᬸᬤ᭄᭞ᬩᭂᬮᬶᬫᬗᭂᬫᬲᬶᬦ᭄
ᬧᭂᬚᬄ᭟᭜᭟ᬦᬶᬃᬯᬢᬓᬯᬘᬮᬶᬧ᭄ᬬ᭞ᬓᭂᬦᬶᬳᬸᬧᬲ᭄ᬦᬬᬲᬶᬗᬶᬤ᭄᭞ᬓᬤᬶᬦ᭄ᬩᬦ᭄ᬧᬦᬄᬲᬫᬭ᭞ᬦᬤᬓ᭄ᬯᬶᬯᬾᬓᬦ᭄ᬜᬫᬢᬶ᭞ᬲᬗ᭄ᬓᬦ᭄ᬳᬶᬦ᭄ᬤᬶᬓ᭄ᬲᬦᬾᬧᭂᬗᬶᬢ᭄᭞ᬓᬕᬸᬩᬃᬭᬯᬾᬲᬾᬫ᭄ᬭᬸᬲ᭄ᬩᬸᬲ᭄᭞ᬤᬯᭂ
ᬕ᭄ᬦᬶᬃᬯᬢᬓᬯᬘ᭞ᬫᬯᭀᬲᬂᬕᭂᬦᬄᬓᬰᬓ᭄ᬢᬶᬦ᭄᭞ᬓᬢᭀᬦ᭄ᬤᬶᬢᬸ᭞ᬯᬾᬦ᭄ᬢᭂᬦ᭄ᬚᬤ᭄ᬫᬗᭂᬧᬶᬮ᭄ᬧᬶᬲᬦ᭄᭟᭜᭟ᬗᬶᬚᭂᬂᬭᬶᬂᬩᭂᬮᬄᬚᬦ᭄ᬤᬾᬮ᭞ᬢᬦ᭄ᬓᬶᬦᬶᬳᬦ᭄ᬢᬸᬓ᭄ᬗᬶᬗᭂᬢᬶᬦ᭄᭞ᬭᬾᬄᬳᬯᬓ᭄ᬳᬶᬧᬸᬦ᭄ᬓ
Page:Bali-lontar-gaguritan-giriputri-250ppi.pdf/78
Jump to navigation
Jump to search
This page has been proofread.
