[᭗᭐ 70B]
᭗᭑
ᬢᬸᬢᬸᬕᬂ᭞ᬲᬢ᭄ᬯᬦᬾᬧᬂᬓᬦ᭄ᬢᬶᬜᬭᬶᬓ᭄᭞ᬭᬭᬶᬲ᭄ᬗ᭄ᬮᬦ᭄ᬢᬸᬃ᭞ᬳᬶᬤᬲᬂᬅᬃᬚ᭄ᬚᬸᬡᬜᬢ᭄ᬯ᭟᭜᭟ᬫᬗ᭄ᬓᬶᬦ᭄ᬦᬶᬃᬯᬢᬓᬯᬘ᭞ᬦᬩ᭄ᬤᬩᬂᬢᬗ᭄ᬕᬸᬦ᭄ᬮᬮᬜ᭄ᬘᬶᬂ᭞ᬫᭂᬲᬾᬄᬲᭂᬩᭂᬂᬗᬚᬩᬬᬂ᭞ᬲᬫ᭄ᬩᬶᬮ᭄ᬫᭂᬘᬶᬓ᭄ᬕᭂᬮᬸᬂ᭠
ᬫᬶᬭᬶᬂ᭞ᬢᬶᬩᬭᬶᬂᬩᬜ᭄ᬘᬶᬗᬄᬓᬵᬓ᭄ᬱᬶ᭞ᬤ᭄ᬬᬄᬲᬸᬧ᭄ᬭᬪᬫᬗᬸᬦ᭄ᬢᬸᬮ᭄᭞ᬲᬫ᭄ᬧᬶᬂᬢᭀᬕᭀᬕ᭄ᬗᬫᬾᬗ᭄ᬓ᭄ᬮᭀᬓᬂ᭞ᬲᭂᬩᭂᬗᬾᬗᭂᬋᬲᬶᬦ᭄ᬳᬢᬶ᭞ᬗᬸᬩᬃᬕᭂᬮᬸᬂ᭞ᬭᭀᬫᬳᬢᬸᬩ᭄ᬜᬧᬸᬚᬕᬢ᭄᭟᭜᭟
ᬬᬾᬦ᭄ᬳᬦᬓᬾᬚᭂᬕᬾᬕ᭄ᬗᬬᬂ᭞ᬤ᭄ᬬᬲ᭄ᬢᬸᬓᬾᬦᬸᬚᬸᬫᬗᭂᬮᬶᬂ᭞ᬫᬲᬶᬄᬚᭂᬕᬾᬕᬕ᭄ᬬᬓᬢᭀᬦᬂ᭞ᬤᬫᬯᭀᬲᬂᬲᭂᬤᭂᬓ᭄ᬓᭂᬜᬶᬂ᭞ᬲᬫ᭄ᬧᬸᬦ᭄ᬲᬶᬦᬄᬜᭂᬮᬾᬳᬢᬶ᭞ᬓᬢᬸᬫ᭄ᬩᬓ᭄ᬩᬦ᭄ᬮᬶᬬᬢ᭄ᬩᬮᬸᬢ᭄᭞ᬤ᭄ᬬᬲ᭄ᬢᬸ
ᬭᬶᬂᬢᭂᬗᬄᬩᭂᬭᬯᬄ᭞ᬫᬕ᭄ᬮᬶᬮᬶᬗᬦ᭄ᬓᬧᬸᬢ᭄ᬤᬓᬶ᭞ᬫᬗ᭄ᬕᭂᬄᬳᬬᬸ᭞ᬫᬦᬶᬓ᭄ᬫᬸᬓᬶᬭᬾᬭᬶᬂᬓᬾᬦ᭄ᬤ᭄ᬭᬦ᭄᭟᭜᭟ᬜᬕ᭄ᬚᬕ᭄ᬦᬶᬃᬯᬢᬓᬯᬘ᭞ᬧᬚᬃᬳᬵᬘᬭᬫᬚᬗᬶᬦ᭄᭞ᬭᬢᬸᬲᬂᬯᬮᬸᬬᬩᬸᬮᬦ᭄᭞
[᭗᭑ 71A]
ᬤᬤᭀᬲ᭄ᬓᬤᬶᬳᬦᬓᬮᬶᬢ᭄᭞ᬫᬫᬾᬗᭀᬲ᭄ᬭᬶᬂᬲᬫ᭄ᬧᬶᬂᬓᭀᬭᬶ᭞ᬳᬸᬯᬾᬮᬂᬚᬢᬶᬢ᭄ᬬᬂᬭᬢᬸ᭞ᬭᬶᬳᬦ᭄ᬢᬸᬓ᭄ᬓᬲᬾᬧ᭄ᬫᬜᬧ᭞ᬲᬸᬯᬾᬓᬾᬲᬫ᭄ᬧᬸᬦ᭄ᬳᬶᬭᬶᬓᬶ᭞ᬲᬶᬭᬭᬢᬸ᭞ᬗᬶᬭᬶᬗᬂᬲᬓᬶᬂᬲᬸᬯᬃᬕ᭄ᬕ
᭟᭜᭟ᬫᬢ᭄ᬯᬦ᭄ᬢᬶᬢ᭄ᬬᬗᬾᬭᬶᬂᬤᬶᬚ᭞ᬳᬶᬬᬚᬶᬳ᭄ᬬᬂᬇᬦ᭄ᬤ᭄ᬭᬳᬤᬶ᭞ᬳᬶᬭᬢᬸᬓᬢᭀᬦ᭄ᬗᬭᬕ᭞ᬫᬶᬦᬩ᭄ᬯᬦ᭄ᬢᬄᬢᭂᬗᬄᬫᬃᬕ᭄ᬕᬶ᭞ᬳᬶᬬᬚᬶᬗᬢᭂᬄᬳᬶᬫᬦᬶᬓ᭄᭞ᬲᬫ᭄ᬧᬸᬦ᭄ᬓᬲ᭄ᬯᬃᬕ᭄ᬕᬫᬯᬗ᭄ᬲᬸᬮ᭄᭞ᬭᬾᬄ
ᬳᬶᬭᬶᬓᬭᬶᬂᬓᬳ᭄ᬬᬗᬦ᭄᭞ᬢᬦ᭄ᬤᬤᭀᬲ᭄ᬲᬸᬯᬾᬓᬯᭀᬦᬶᬦ᭄᭞ᬕᬯᬾᬮᬶᬬᬸ᭞ᬗᬾᬜ᭄ᬘᬓᬂᬕᬡ᭄ᬥᬃᬯ᭄ᬯᬓᬢᬄ᭟᭜᭟ᬩᬶᬮᬶᬄᬬᬤᬶᬧᬺᬭᬕᬬᬦ᭄᭞ᬓᬦ᭄ᬤᬶᬓᬬᬂᬭᬶᬂᬳᬶᬬᬚᬶ᭞ᬢᭂᬤᬸᬦ᭄ᬓᬫᬦ᭄ᬢᬓᬧᬸᬭ
᭞ᬭᬾᬄᬳᬶᬬᬚᬶᬲᬫ᭄ᬧᬸᬦ᭄ᬳᬸᬦᬶᬂ᭞ᬲᬗ᭄ᬓᬦ᭄ᬢᬦ᭄ᬲᬗ᭄ᬲᬬᬫᬮᬶᬄ᭞ᬭᬶᬂᬦᬾᬧᬘᬂᬓᬗ᭄ᬕᬾᬦ᭄ᬫᬦ᭄ᬢᬸ᭞ᬩᭂᬮᬶᬦᬶᬃᬯᬢᬓᬯᬘ᭞ᬓᬲᬸᬩ᭄ᬜᬶᬲᬬᬂᬓᬰᬓ᭄ᬢᬶ᭞ᬲᬶᬭᬧᬸᬭᬸᬦ᭄᭞ᬫᬾᬮᬕᬂᬭᬢᬸᬭᬶᬂᬫᬃᬕ᭄ᬕ᭟᭜᭟
Page:Bali-lontar-gaguritan-giriputri-250ppi.pdf/72
Jump to navigation
Jump to search
This page has been proofread.
