[᭖᭒ 63B]
᭖᭓
ᬦ᭄ᬫᬕᬸᬢᬶᬦ᭄ᬲᬂᬧᬃᬣ᭞ᬫᬭᬸᬧᬮᬶᬫ᭄ᬧᬸᬂᬗᬗᭀᬩᬶᬦ᭄᭟᭜᭟ᬲᬳᬵᬫᬘᬶᬗᬓ᭄ᬦᬸᬗᬤᬄ᭞ᬧᬡ᭄ᬥᬸᬲᬸᬦ᭄᭞ᬫᬕ᭄ᬬᭂᬢ᭄ᬦᭂᬧᬓ᭄ᬧᬺᬣᬶᬯᬶ᭞ᬮᬸᬯᬶᬃᬓᬮᬵᬦ᭄ᬢᬓᬗᬫᬸᬓ᭄᭞ᬧᬦᬗ᭄ᬓᬦ᭄ᬓᬮᬶᬲᬗᬭ᭞ᬤᬸᬓ᭄ᬓᬘᬶᬗᬓ᭄᭞᭠
ᬫᭂᬲᭂᬄᬳᬶᬤᬦᬫ᭄ᬧᬕᬸᬦᬸᬂ᭞ᬫᬲᬸᬯᬓ᭄ᬳᬶᬤᬲᬂᬧᬃᬣ᭞ᬗᬫ᭄ᬩᬶᬮ᭄ᬧᬦᬄᬍᬩᬶᬄᬰᬓ᭄ᬢᬶ᭟᭜᭟ᬧᬦᬄᬫᬭᬸᬧᬢᬗ᭄ᬕᬮ᭞ᬢᭂᬕᭂᬕ᭄ᬲᬶᬬᬸ᭞ᬧᬘ᭄ᬭᬾᬗ᭄ᬕᬄᬫᬕᬶᬕᬶᬩᭂᬲᬶ᭞ᬜᭂᬍᬕ᭄ᬓᭀᬓᭀᬢ᭄ᬓ
ᬤᬶᬫᬾᬭᬸ᭞ᬲᬺᬕᭂᬧ᭄ᬢᭀᬂᬜᬦ᭄ᬤᬂᬳᬫ᭄ᬧᬳᬂ᭞ᬓᬗ᭄ᬕᬾᬦ᭄ᬫᬧᬲ᭄᭞ᬧᬦᬳᬾᬫᬭᬸᬧᬕᬸᬦᬸᬂ᭞ᬲᬶᬦᬋᬗᬦ᭄ᬧᬢᬶᬯᬓ᭄ᬜ᭞ᬫᬕᬧ᭄ᬬᬸᬓ᭄ᬗ᭄ᬭᬸᬤᬸᬕ᭄ᬜᭂᬚᭂᬳᬶᬦ᭄᭟᭜᭟ᬲᭀᬗ᭄ᬕᬾᬂᬲᭀᬗ᭄ᬕᬾᬂᬳᬗ᭄ᬩᬗ᭄ᬓᬩ᭄᭞᭠
ᬮᬶᬦᬸᬄᬳᬕᬸᬂ᭞ᬳᭂᬗ᭄ᬓᬕ᭄ᬕᭂᬦ᭄ᬗᬶᬤ᭄ᬳ᭄ᬬᬂᬧᬺᬣᬶᬯᬶ᭞ᬢᭀᬬᬦ᭄ᬲᬕᬭᬦᬾᬫᬸᬫ᭄ᬩᬸᬮ᭄᭞ᬳᭀᬘᬓ᭄ᬳᭀᬫ᭄ᬩᬓ᭄ᬜᬦᬾᬩᬸᬬᬃ᭞ᬫᬳᬸᬬᭂᬗᬦ᭄᭞ᬩᬢᬸᬦᬾᬭᬶᬂᬩᬗ᭄ᬓ᭄ᬬᬂᬕᬸᬦᬸᬂ᭞ᬜᭂᬕᭀᬕ᭄ᬳᬶᬕ᭄ᬳᬫ᭄ᬩᬸᬮ᭄ᬩᬮᬾ
[᭖᭓ 63A]
ᬩᬜ᭄ᬚᬃ᭞ᬗᬭᭀᬭᭀᬤ᭄ᬜᭂᬩᬸᬭᬶᬦ᭄ᬳᬶᬤᬶᬂ᭟᭜᭟ᬩᬂᬩᬂᬓ᭄ᬭᬢᬭᬸᬧᬓᬕ᭄ᬬ᭞ᬭᬾᬄᬓᬤᬸᬮᬸ᭞ᬧᬦᬄᬕᬸᬦᬸᬗᬾᬢᬦ᭄ᬓᬭᬶ᭞ᬜᬕ᭄ᬧᬺᬮᬬᬤᬤᭀᬲ᭄ᬢᭂᬧᬸ᭞ᬳᬦ᭄ᬢᬸᬓ᭄ᬢᬗ᭄ᬕᬮᬦ᭄ᬲᬂᬧᬃᬣ᭞
ᬢᭀᬫᬯᬦᬦ᭄᭞ᬩᭂᬦ᭄ᬤᬸᬦ᭄ᬜᬦᭂᬓᭂᬮ᭄ᬧᬶᬂᬲᬢᬸᬲ᭄᭞ᬫᬮᬶᬄᬳᬶᬤᬗ᭄ᬮᭂᬧᬲ᭄ᬧᬦᬄ᭞ᬤᬸᬫᬶᬮᬄᬫᬭᬸᬧᬕᭂᬦᬶ᭟᭜᭟ᬳ᭄ᬭᬸᬕᬸᬍᬫ᭄ᬧᬗ᭄ᬮᭂᬩᬸᬃᬚᬕᬢ᭄᭞ᬤᬸᬓ᭄ᬧᬸᬦᬶᬓᬸ᭞ᬓᬗ᭄ᬕᬾᬦ᭄ᬲᬂᬧᬃᬣᬫᬕᬸᬢᬶ
ᬦ᭄᭞ᬧᬺᬫᬗ᭄ᬓᬶᬦ᭄ᬘᭂᬫᭂᬂᬫᬮᬸᬳᬸᬦ᭄᭞ᬜᭂᬍᬕ᭄ᬭᬶᬂᬚᬗ᭄ᬕᬮᬬᬸᬥ᭞ᬫᬤᬸᬮᬸᬭᬦ᭄᭞ᬢᬢᬶᬢ᭄ᬕ᭄ᬮᭂᬤᭂᬕ᭄ᬘᭂᬤᬃᬘᭂᬤᬸᬃ᭞ᬳᬸᬚᬦᬾᬩᬸᬓᬢᭀᬕ᭄ᬢᭀᬕᬂ᭞ᬳᬚᬳᬦ᭄ᬕᭂᬦᬶᬦᬾᬪᬱ᭄ᬫᬶ᭟᭜᭟ᬲᬗᭂᬢ᭄ᬢᬸᬯᬄᬬᬾ
ᬦ᭄ᬭᬲᬬᬂ᭞ᬳᬤᬳᬸᬦ᭄ᬤᬸᬓ᭄᭞ᬦᬾᬲᬢ᭄ᬯᬬᬂᬩᬸᬓᬚᬦᬶ᭞ᬳᬶᬧᬶᬜᭂᬍᬕ᭄ᬓᬤᬶᬕᬸᬦᬸᬂ᭞ᬤᬶᬮᬄᬜᬦᬾᬗᬩᬭᬩᬃ᭞ᬢᭀᬂᬫᬤᬬ᭞ᬳᬧᬶᬦᬾᬤᬲ᭄ᬫᬗᭂᬲᭂᬂᬕᬸᬦᬸᬂ᭞ᬓᬕᬾᬢ᭄ᬳᬶᬘᬮ᭄ᬢᬦ᭄ᬧᬲᬗ᭄ᬓᬦ᭄᭞ᬫ
Page:Bali-lontar-gaguritan-giriputri-250ppi.pdf/64
Jump to navigation
Jump to search
This page has been proofread.
