[᭕᭓ 43B]
᭔᭔
ᬮᬶ᭞ᬢᬦᬲᬯᬾᬓᬕᬾᬢ᭄ᬳᬶᬘᬮ᭄᭞ᬰᬶᬃᬡ᭄ᬦᬫᬸᬱ᭄ᬡᬵᬢᬦ᭄ᬧᬘᬶᬭᬶ᭞ᬫᬧᬦ᭄ᬫ᭄ᬭᬕᬤᬾᬯᬚᬢᬶ᭞ᬉᬦᬶᬂᬳᬸᬫᬭᭀᬓᬶᬂᬲᬸᬯᬸᬂ᭞ᬳᬶᬤᬫᬭᬕᬲᬸᬫᭂᬤᬂ᭞ᬲᬂᬧᬃᬣᬉᬘᬧᬂᬫᬮᬶᬄ᭞ᬮᬾᬤᬂᬫ᭄ᬯᬗ᭄ᬲᬸᬮ᭄᭞ᬗᬭ
ᬜ᭄ᬚᬶᬂᬓᬢᭂᬗᬄᬕᬸᬳᬵ᭟᭜᭟ᬭᬶᬂᬤᬸᬯᬸᬃᬩᬢᬸᬦᬾᬮᬸᬫ᭄ᬩᬂ᭞ᬓᬧᬸᬢ᭄ᬮᬸᬫᬸᬢ᭄ᬲᬯᬂᬓᬸᬦᬶᬂ᭞ᬇᬭᬶᬓᬵᬫᬮᬶᬄᬲᬂᬧᬃᬣ᭞ᬫᬲᬂᬬᭀᬕᬫᬲᬫᬥᬶ᭞ᬫᬰᬶᬮᬧᬓᬶᬮ᭄ᬫᬫᬸᬲ᭄ᬢᬶ᭞ᬜᭂᬍᬕ᭄ᬢᬾᬚᬦ᭄ᬳᬶᬤᬫᬸᬭᬸᬩ᭄᭞
ᬓᬧᬶᬢᭂᬢ᭄ᬧᬫᬶᬋᬂᬳᬶᬤ᭞ᬲᬸᬓ᭄ᬱ᭄ᬫᬰᬭᬶᬭᬦᬾᬮᬶᬲᬶᬓ᭄᭞ᬢᬸᬳᬸᬲᬫ᭄ᬧᬸᬦ᭄᭞ᬫ᭄ᬭᬕᬒᬁᬗ᭄ᬓᬭᬧᬺᬡᬯ᭟᭜᭟ᬲᬫ᭄ᬧᬸᬦ᭄ᬳᬫᭀᬭᬶᬂᬅᬘᬶᬦ᭄ᬬ᭞ᬚ᭄ᬜᬦᬦ᭄ᬳᬶᬤᬦᬾᬲᬦ᭄ᬤᬶ᭞ᬫᭀᬮᬶᬳᬶᬂᬧᬭᬫᬲᬸ᭠
ᬓᬵ᭞ᬢᬦ᭄ᬧᬶᬤ᭄ᬥᬓᬕᭀᬤᬫᬮᬶᬄ᭞ᬧᬸᬦᬶᬓᬵᬗᬯᬶᬦᬂᬭᬶᬳᬶᬦ᭄᭞ᬫᬸᬲ᭄ᬢᬶᬓᬦ᭄ᬓᬾᬦ᭄ᬤ᭄ᬭᬦᬾ᭠ᬗᬫ᭄ᬩᬸᬮ᭄᭞ᬓᬮᬶᬮᬶᬄᬗᬃᬤ᭄ᬟᬶᬕᬕᭀᬥᬦ᭄᭞ᬲᭂᬥᬶᬄᬩᬸᬤᬮ᭄ᬢᬦ᭄ᬧᬧᬫᬶᬢ᭄᭞ᬲᬋᬂᬧᬶᬢᬸ᭞ᬳᬶᬦᬦ᭄ᬚᭂ
[᭕᭔ 44A]
ᬕᬾᬕᬾᬗᬯᬾᬂ᭟᭜᭟ᬓᬾᬢᭀᬳᬶᬮᬦᬾᬬᬾᬦ᭄ᬲᬸᬫ᭄ᬩᬃ᭞ᬧᬸᬜᬄᬩᬦ᭄ᬭᬸᬧᬦᬾᬩᬗ᭄ᬓᬶᬢ᭄᭞ᬳᬚᬸᬫ᭄ᬩᬸᬭᬸᬄᬜᬬᬾᬂᬢᬧ᭞ᬢ᭄ᬯᬭᬢᬳᬾᬦ᭄ᬫᬶᬗ᭄ᬓᬮᬶᬳᬶᬦ᭄᭞ᬲᬚᬬᬾᬦ᭄ᬢᬧᬦᬾᬕᬜ᭄ᬚᬶᬄ᭞ᬢ
ᬜ᭄ᬚᬾᬦ᭄ᬮᬓ᭄ᬮᬓ᭄ᬲᬶᬬᬢ᭄ᬲᬶᬬᬸᬢ᭄᭞ᬓᬶᬤᭂᬧ᭄ᬓᬾᬢᭀᬲᬂᬅᬃᬚ᭄ᬚᬸᬡ᭞ᬩᬦᬾᬤᬶᬕᭀᬯᭀᬓᬾᬦᭂᬗᬶᬮ᭄᭞ᬓᬤᬾᬦ᭄ᬳᭂᬜᬸᬤ᭄᭞ᬲᭀᬓ᭄ᬮᭂᬕ᭄ᬮᭂᬕᬶᬦ᭄ᬢᬢᬸᬭᭀᬕ᭄ᬭᬕ᭄᭟᭜᭟ᬦᬧᬶᬫᬮᬶᬄᬫᬗ᭄ᬓᬶᬦ᭄ᬳᬶᬤ᭞ᬫᬕᬶᬬᭂᬢ᭄ᬚ
ᬦ᭄ᬢᭀᬲ᭄ᬦᬶᬓᭂᬮᬶᬦ᭄᭞ᬧᬶᬂᬤᬰᬉᬢ᭄ᬲᬳᬦ᭄ᬳᬶᬤ᭞ᬗᬫᬗ᭄ᬕᭂᬳᬂᬬᭀᬕᬮᬸᬯᬶᬄ᭞ᬧᬤᬩ᭄ᬤᬩ᭄ᬳᬶᬤᬦᬾᬧᬢᬶᬲ᭄᭞ᬓᬤᬶᬳᬦᬓᬾᬫᬓᬸᬲᬸ᭞ᬭᬶᬂᬯᬯᬸᬳᬦ᭄ᬤᬸᬲ᭄ᬜᬫᭂᬤᬮ᭄᭞ᬬᬾᬦ᭄ᬳᬶᬭᬶᬓᬵᬢ᭄ᬮᬾᬫᬦ᭄ᬭᬭᬶᬲ᭄᭞ᬚ
ᬦ᭄ᬢᭂᬦ᭄ᬲᬫ᭄ᬧᬸᬦ᭄᭞ᬕᭂᬦᬶᬦᬾᬢᬦ᭄ᬓᬓᭂᬦᬶᬳᬂ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬲᬂᬫᬕ᭄ᬬᭂᬢ᭄ᬦᬗᬸᬦ᭄ᬢᬧ᭞ᬳ᭄ᬦᭂᬗᬂᬤᬸᬫᬸᬦ᭄᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬳᬶᬦ᭄ᬤᬶᬓ᭄ᬧᬭᬋᬫᬦ᭄ᬳᬕᬸᬂ᭞ᬭᬶᬂᬫᬦᬶᬓ᭄ᬫᬦ᭄ᬢᬓᬧᬸᬭ᭞ᬮᬶᬦ᭄ᬢᬂᬳᭀᬲᬄ᭞ᬦᬶᬃ
Page:Bali-lontar-gaguritan-giriputri-250ppi.pdf/55
Jump to navigation
Jump to search
This page has been proofread.
