[᭕᭐ 50B]
᭕᭑
ᬦ᭄ᬦᬬᬸᬦ᭄ᬲᬂᬫᬶᬭᬕᬶ᭞ᬫ᭄ᬭᬲᬮᬦ᭄ᬤᬸᬄ᭞ᬓᭂᬲᬶᬭᬶᬦ᭄ᬓᬫᬸᬦᬶᬯᬭᬦ᭄᭟᭜᭟ᬉᬥᬸᬄᬤᬾᬯᬲᬗᬢᬧ᭞ᬲᬢᭂᬓᬦ᭄ᬩᬧᬦᬾᬫᬳᬶ᭞ᬕᬸᬫᬦ᭄ᬢᬶᬫᬯᬦᬯᬲ᭞ᬜᬸᬲᬸᬧ᭄ᬭᬶᬂᬳᬮᬳᬲᬾᬲ᭄ᬭᬶᬧᬶᬢ᭄᭞ᬓᬕᬾ
ᬢ᭄ᬢᬗ᭄ᬓᭂᬚᬸᬢ᭄ᬢᬦ᭄ᬲᬶᬧᬶ᭞ᬩᬧᬗᭂᬢᭀᬦ᭄ᬢᬚᬫ᭄ᬮᭂᬗ᭄ᬓᬸᬂ᭞ᬲᭀᬓ᭄ᬳᬶᬭᬶᬓᬶᬢᬢᬶᬩᬦ᭄ᬜ᭞ᬫᬶᬦᬩ᭄ᬳᬶᬓᬸᬢᭀᬬᬲᬸᬘᬶ᭞ᬦᬾᬓᬭᬸᬭᬸᬄ᭞ᬳᬗ᭄ᬕᬦ᭄ᬳᬶᬤᬾᬯᬫᬢᬧ᭟᭜᭟ᬳᬫ᭄ᬧᬸᬭᬬᬂᬳᬸᬕᬶ
ᬤᬾᬯ᭞ᬩᭀᬬᬚᬲᬗ᭄ᬓᬦᬶᬂᬧᬘᬂ᭞ᬗᬤᬸᬓᬤᬸᬓ᭄ᬲᬂᬫᬓᬾᬃᬢ᭄ᬢᬶ᭞ᬫᬓᬵᬤᬶᬳᬗ᭄ᬕᬦ᭄ᬲᬂᬋᬱᬶ᭞ᬧᬚᭂᬄᬫᬦᬸᬗ᭄ᬕᬶᬮᬂᬓᬬᬸᬦ᭄᭞ᬓᬤᬮᭀᬦ᭄ᬗᬲ᭄ᬢᬯᬳ᭄ᬬᬂ᭞ᬲᬦᬾᬓᬯᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲᬶᬓᬶ᭞ᬓᬶᬭᬂᬫᬦᬸ᭠
ᬢ᭄᭞ᬫᬦᬄᬩᬧᬦᬾᬗᬢᭀᬦᬂ᭟᭜᭟ᬲᬫ᭄ᬧᬸᬦ᭄ᬓᬮᭀᬓ᭄ᬢᬄᬭᬶᬂᬚᬕᬢ᭄᭞ᬳᬶᬭᬢᬸᬧᬕᭂᬄᬫᬓᬾᬃᬢ᭄ᬢᬶ᭞ᬯᬶᬓᬸᬧᬸᬢᬸᬲ᭄ᬓᬂᬪᬸᬱᬡ᭞ᬓᬤᬶᬲᭀᬮᬄᬬᬦ᭄ᬧᭂᬤᬲᬶᬦ᭄᭞ᬲᬂᬫᬭᬕᬲᬶᬤ᭄ᬥ
[᭕᭑ 51A]
ᬬᭀᬕᬶ᭞ᬲᬺᬕᭂᬧ᭄ᬧᬦᬄᬮᬗ᭄ᬓᬧ᭄ᬲᬤᬸ᭞ᬢᬦ᭄ᬓᬾᬓᬘᬾᬤᬭᬶᬂᬚᬕᬢ᭄᭞ᬲᬂᬧᬡ᭄ᬥᬶᬢᬦᬾᬯᬸᬲ᭄ᬯᬕ᭄ᬫᬶ᭞ᬳᭂᬩᭂᬓ᭄ᬢᬸᬢᬸᬃ᭞ᬓᬘᬭᬸᬩᬦ᭄ᬳᬶᬫ᭄ᬱᬓᬃᬫ᭄ᬫ᭟᭜᭟ᬧᬓᬬᬸᬦᬦ᭄ᬲᬶᬗ᭄ᬕᬶᬄᬧ᭄ᬭᬡ᭄ᬥ᭞ᬬᬾᬦ᭄
ᬲᬫ᭄ᬧᬸᬦ᭄ᬲᬸᬚᬢᬶᬗᬢᬶᬄ᭞ᬗᬦᬸᬢᬶᬦ᭄ᬩ᭄ᬭᬢᬮᬦ᭄ᬢ᭞ᬲᭀᬓ᭄ᬧᬢᬸᬢ᭄ᬧᬶᬲᬦ᭄ᬤᬶᬕᭂᬮᬶᬲ᭄᭞ᬫᬤᬩ᭄ᬤᬩ᭄ᬫᬢᬓᬶᬢᬓᬶ᭞ᬜᬸᬚᬸᬃᬲᬢ᭄ᬬᬧᬤᬳᬶᬓᬸ᭞ᬦᬗ᭄ᬳᬶᬂᬬᬾᬦ᭄ᬯᬾᬦ᭄ᬢᬄᬜᬭᬢᬶ᭞ᬲᬸᬓᬲᬓᬮᬧᬶ᭞
ᬢᬸᬯᬶ᭞ᬚᬦ᭄ᬢᭂᬦ᭄ᬲᬫ᭄ᬧᬸᬦ᭄᭞ᬧᬸᬦᬶᬓᬵᬓᬩᬯᭀᬲ᭄ᬫᬶᬫ᭄ᬧᬲ᭄᭟᭜᭟ᬫᬧᬦ᭄ᬬᬾᬦ᭄ᬧᭂᬤᬲ᭄ᬧᭂᬤᬲᬂ᭞ᬗᬸᬮᬸᬭᬶᬦ᭄ᬓᬲᬸᬓᬦ᭄ᬳᬢᬶ᭞ᬧᬗᬦ᭄ᬓᬶᬦᬸᬫ᭄ᬫᬶᬯᬄᬲ᭄ᬯᬃᬕ᭄ᬕᬦ᭄᭞ᬳᬶᬗ᭄ᬕ᭄ᬬᬓᬧᬺᬲᬶᬤ᭄ᬥᬳᬸᬕᬶ᭞ᬫᬗ᭄ᬕᭂᬄᬲᬗ᭄ᬲᬭᬓᬧ
ᬗ᭄ᬕᬶᬄ᭞ᬳᬶᬧᬜ᭄ᬘᬳᬶᬦ᭄ᬤ᭄ᬭᬫᬍᬗ᭄ᬕᬸ᭞ᬗᬯᬩᬶᬗᬸᬂᬲᬮᬄᬧᬃᬡ᭄ᬦ᭞ᬮᬶᬂᬮᬸᬂᬢᬦ᭄ᬢᬗᭂᬄᬭᬶᬂᬤᬶᬭᬶ᭞ᬧᬢᬶᬧᬸᬭᬸᬕ᭄᭞ᬲᬃᬯ᭄ᬯᬯᬲ᭄ᬢᬸᬗᬤᬮᭀᬦᬂ᭟᭜᭟ᬓᬤᬶᬳᬦᬓ᭄ᬦᭀᬦ᭄ᬢᭀᬦ᭄ᬯᬬᬂ᭞ᬓᬢᬶᬫᬦ᭄ᬲᬫ᭄ᬧᬸᬦ᭄ᬓᭀᬦᬶᬗᬶ
Page:Bali-lontar-gaguritan-giriputri-250ppi.pdf/52
Jump to navigation
Jump to search
This page has been proofread.
