[᭔᭘ 48B]
᭔᭙
ᬢ᭄ᬬᬂᬫᭂᬤᬮ᭄᭞ᬳᬗ᭄ᬕᬾᬦ᭄ᬗᭂᬍᬲᬸᬯᬂᬓᬾᬃᬢ᭄ᬢᬶᬦ᭄᭞ᬲᬂᬯᬶᬦᬮᬸᬬᬅᬃᬘ᭄ᬘᬫᬵᬲ᭄᭞ᬫᬗ᭄ᬕᭂᬄᬤᭂᬕᭂᬗᬂᬕᬯᭀᬓᬶᬦ᭄᭞ᬓᬾᬢᭀᬫᬢᬸᬃᬲᬫ᭄ᬩᬶᬮ᭄ᬲᭂᬤᬶᬄ᭞ᬳ᭄ᬬᬂᬇᬦ᭄ᬤ᭄ᬭᬓᭂᬜᭂᬫ᭄ᬜᬯᬶᬸᬭᬶᬸᬦ᭄ᬫᬲᬯᬸᬃ᭞
ᬉᬤᬸᬄᬘᭂᬦᬶᬂᬦᬦᬓ᭄ᬲᬬᬂ᭞ᬢ᭄ᬯᬭᬜᬦ᭄ᬤᬂᬤᬾᬯᬲᭂᬤᬶᬄ᭞ᬫᭂᬮᬄᬫᬮᬸ᭞ᬫᬭᬵᬃᬬ᭄ᬬᬦ᭄ᬳᬚᬓ᭄ᬫᬓᭂᬚᬂ᭟᭜᭟ᬮᬾᬤᬂᬓᬬᬸᬦ᭄ᬲᬂᬳ᭄ᬬᬂᬇᬦ᭄ᬤ᭄ᬭ᭞ᬫᬶᬯᬄᬪᬝᬭᬦᬾᬲᬫᬶ᭞ᬫᬶᬋᬂᬕᬢ᭄ᬭᬦ᭄ᬲᬂ
ᬅᬃᬚ᭄ᬚᬸᬡ᭞ᬗᬫᭀᬮᬶᬳᬂᬓᬾᬃᬢ᭄ᬢᬶᬮᬸᬯᬶᬄ᭞ᬮᬶᬬᬂᬓᬬᬸᬦ᭄ᬳᬶᬤᬮᬸᬯᬶᬃ᭞ᬲᬫ᭄ᬧᬸᬦ᭄ᬓᬕᬫᭂᬮ᭄ᬓᬧᬸᬦ᭄ᬤᬸᬢ᭄᭞ᬧᬸᬗ᭄ᬕᬮᬦ᭄ᬦᬶᬃᬯᬢᬓ᭄ᬯᬘ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬫᬮᬶᬄᬲᬶᬓᬶ᭞ᬗᬯᬾᬲᬦ᭄ᬢᬸᬮ᭄᭞ᬮᬾᬤᬂᬜᬫ
ᬯᭀᬃᬲᬭ᭄ᬲᬬ᭟᭜᭟ᬢᬦ᭄ᬮᬾᬦ᭄ᬳᬶᬦ᭄ᬤᬶᬓ᭄ᬕᬕᭂᬮᬭᬦ᭄᭞ᬓᬧᬶᬡ᭄ᬥᬶᬢᬦ᭄ᬲᬂᬓᬶᬭᬶᬣᬶ᭞ᬲᬫ᭄ᬧᬸᬦ᭄ᬲᬶᬤ᭄ᬥᬗᬫᭀᬮᬶᬳᬂ᭞ᬤ᭄ᬬᬦᬲᬫᬥᬶᬦᬾᬲᬸᬘᬶ᭞ᬗᬯᬶᬦᬂᬳᬶᬤᬮᬮᬶᬭᬶᬂ᭞ᬲᬸᬓᬲᬓᬮᬧᬸᬦᬶᬓᬸ
[᭔᭙ 49A]
᭞ᬗᬯᬶᬦᬂᬓᬬᬸᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬲᬶᬦᬄᬧᭂᬲᬦ᭄ᬢᬦ᭄ᬫᬤᬕᬶᬂ᭞ᬬᬾᬦ᭄ᬲᬂᬧᬡ᭄ᬥᬸ᭞ᬲᬸᬢᬢᭂᬍᬩ᭄ᬭᬶᬂᬓᬫᭀᬓ᭄ᬱᬦ᭄᭟᭜᭟ᬫᬯᬶᬦᬦ᭄ᬳᬶᬳ᭄ᬬᬂᬇᬦ᭄ᬤ᭄ᬭ᭞ᬤᬶᬕᭂᬮᬶᬲ᭄ᬢᭂᬤᬸᬦ᭄ᬗ᭄ᬭᬯᬸᬳᬶᬦ᭄᭞ᬕ᭄ᬮᬶᬲᬶᬂᬘ᭄ᬭᬶᬢᬲᬵ
ᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬳ᭄ᬬᬂᬇᬦ᭄ᬤ᭄ᬭᬫᬕᭂᬦ᭄ᬢᭀᬲ᭄ᬯᬃᬡ᭄ᬦᬶ᭞ᬫᬢᭂᬫᬳᬦ᭄ᬋᬱᬶᬮᬸᬯᬶᬄ᭞ᬮᬶᬗ᭄ᬲᬶᬃᬧᬫᬃᬕ᭄ᬕᬶᬦ᭄ᬳᬶᬤᬭᬸᬬᬸᬤ᭄᭞ᬫᬢᭂᬢᭂᬓᭂᬦ᭄ᬲᬫ᭄ᬧᬶᬂᬮᬸᬳᬵ᭞ᬗᬢᬸᬚᬸᬲᬩᭂᬄᬗᬸᬭᬶᬧᬶᬲ᭄᭞ᬲᬸᬯᬾᬦᬸᬗ᭄ᬕᬸ᭞
ᬪᬝᬭᬢᬦ᭄ᬓᬲᬫ᭄ᬩ᭄ᬭᬫ᭟᭜᭟ᬭᬭᬶᬲ᭄ᬳᬶᬗ᭄ᬭᬶᬬᭀᬧᬬ᭞ᬫᬗ᭄ᬤᬲᬂᬅᬃᬚ᭄ᬚᬸᬡᬳᬸᬦᬶᬂ᭞ᬯᬾᬦ᭄ᬢᭂᬦ᭄ᬪᬝᬭᬗᬦ᭄ᬢᭀᬲᬂ᭞ᬭᬭᬶᬲ᭄ᬳᬶᬤᬜᬭᬸᬫᬗᬶᬮ᭄ᬕᬶᬮ᭄᭞ᬫᬢᭂᬗ᭄ᬓᬾᬫ᭄ᬫᬯᬦ᭄ᬢᬶᬯᬦ᭄ᬢᬶ᭞ᬫᬯᬸᬯᬸᬄᬘᭂᬘᭂᬄ
ᬫᬯᬢᬸᬓ᭄᭞ᬲᬂᬫᬮᬶᬗ᭄ᬕᬶᬄᬗᬩᬶᬦ᭄ᬢᬗᬦ᭄᭞ᬫᬧᬭᭀᬓᬬᬸᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬫᭂᬢᬸ᭞ᬗᬭᬦᬶᬦ᭄ᬩᬸᬗᬲ᭄ᬕᬸᬳᬵ᭟᭜᭟ᬓᬕ᭄ᬬᬢ᭄ᬳᬶᬤᬲᬂᬅᬃᬚ᭄ᬚᬸᬡ᭞ᬳᬦ᭄ᬢᬸᬓ᭄ᬜᬶᬗᬓ᭄ᬳᬦᬓ᭄ᬮᬶᬗ᭄ᬲᬶᬃ᭞ᬯᬶᬓᬸᬪᬯᬾ
Page:Bali-lontar-gaguritan-giriputri-250ppi.pdf/50
Jump to navigation
Jump to search
This page has been proofread.
